Opinion
Torne era guèrra heireda
Aguesta setmana èm sabut qu’Obama vò hèr a créisher era preséncia d’armes pesantes, veïculs armadi e d’aute equipament dera OTAN en centre e en èst d’Euròpa. E pr’amor qu’eth movement militar non ei cap petit, non sabem encara com reaccionarà Russia.
Atau, era Casa Blanca a demanat ath Congrés estatsunitenc un creishement deth budget europèu entà 2017 de 3,4 bilions de dolars de mès per Euròpa e maugrat que Russia non hè guaires movements dempús dera sua annexion de Crimèa en 2014, era OTAN vò enviar un senhau clar entà Putin. Es fòrçes militares russes encara son apròp dera termièra damb païsi dera OTAN, coma es païsi baltics o Polonha, e trabalhen intensivaments damb es rebèlli prorussi. Per açò, diuèrsi oficièrs dera administracion d’Obama ja an confirmat qu’aguest movement “ei ua responsa a un environament militar europèu que pòt durar annades. S’ei amiat a tèrme pr’amor qu’ara i a ua naua situacion a causa que Russia ei un actor mès malaisit qu’abans”.
Damb aqueri mots, e sense conéisher encara quina serà era reaccion de Putin, solament podem pensar que, pòc a pòc, era Euròpa atlantica e es Estats Units tornen, pas de patac, segur, a ua situacion de guèrra heireda damb Russia. E açò non ei pas bon.
Maugrat qu’es madeishes hònts estatsunitenques ja an dit qu’açò non comportarà un creishement dera tension en Euròpa, diuèrsi analistes internacionaus s’an mostrat estonats per un creishement budgetari talament naut. Ath delà, eth govèrn american tanben demanarà ath Congrès de hèr a créisher es sòs destinadi ara luta contra Estat Islamic en mès de 7 bilions de dolars.
Per açò mateish, quauqui uns ja alerten qu’aqueth movement, economic e militar harà que Russia non sigue contenta, mès i a diuèrsi païsi europèus qu’an aué paur de Russia e que pensen que damb es sancions economiques non i a pro: son Ongria, Romania e es estats baltics.
“Ara es russi an un aute problema —çò diguec un naut oficièr anonim dera administracion Obama—. Ei era nòsta manera d’afrontar Russia e de hèr mès solida era nòsta aliança damb païsi coma Ucraïna, Moldavia e Georgia”. Un aute senhau clar; Occident non solament defensarà er èst europèu mès que tanben defensarà e ajudarà aqueri auti païsi.
Totun, qu’es estatsunitencs diden qu’açò ei un moviment tàctic e pro. Qu’era política estatsunitenca poirie cambiar dempús d’Obama se Russia marche per un aute camin. Mès, peth moment, era OTAN a volgut mostrar a Russia qu’era sua actitud non ei pas era bona.
Eth hèt ei que Russia hè temps que lute contra Euròpa. D’en prumèr damb pujades en prètz deth petròli rus e dempús damb ua guèrra contra un país aliat d’Euròpa: Ucraïna. Non a arren a veir que lute contra es islamistes en Siria. Solament ac hè per interèssi propis. E Putin ei ua persona qu’a ua voluotat, e aguesta ei solida, de hèr Russia força mès grana que non ei aué. Pr’açò qu’arribarà un jorn qu’ac aurà de hèr damb es armes.
Segons bèri uns analistes, Russia ei en aliança damb Euròpa contra er Estat Islamic e que podem demorar tranquils. Mès dilhèu ei ora de saber qu’eth sòn maximal dirigent, Vladimir Putin segueish era mateisha manèra d’actuar que hèc dempús 1933 determinat politican alemand.
Era intervencion russa en Ucraïna non ei encara finida. Mès dera mitat deth país poirie èster aisidament annexionat per Russia en base ara sua populacion. Alavetz, que harie Occident?
De prumèr siguec Chechenia, dempús Georgia, e adara ei estat eth torn de Crimèa. A on son es limits dera volontat expansionista russa de Putin? En Moldavia o en Estonia, Letonia e Lituania, o dilhèu mès enlà? Era istòria ei utila pr’amor que mos permet rebrembar com sigueren es causes. En 1938 determinat senhor alemand s’annexionèt Austria e dempús Checoslovaquia. Anglatèrra e er estat francés digueren que òc, que tot anave plan. Quan se n’avisèren, Polonha ja auie estat invadida e començaue era guèrra mundiau.
Sens èster catastrofistes, cau díder naut e clar a Russia qu’es païsi europèus ja non toleraràn mès era sua marcha militara contra tresaus païsi. Qu’èm mès apròp dera edat dera patz que non dera dera guèrra e que per çò mateish era politica agressiua russa non ei planvenguda. Solament açò. Arren mès.
Damb aguesta peticion d’Obama, era Euròpa der èst aurà ua brigada que serà en posicion de defensar lèu lèu es païsi der airau d’un atac rus. Païsi coma Estonia, Letonia e Lituania son ara mès tranquils qu’abans. E ei açò çò qu’a de hèr era OTAN, cercar era tranquillitat des europèus. Toti. Era demana de hèr a créisher eth budget militar entà Euròpa ei ua bona decision dera administracion Obama. Dilhèu cau hèr mès encara, mès peth moment, ja n’i a pro. S’açò non shaute a Russia qu’ei eth sòn problema, non eth nòste.
Atau, era Casa Blanca a demanat ath Congrés estatsunitenc un creishement deth budget europèu entà 2017 de 3,4 bilions de dolars de mès per Euròpa e maugrat que Russia non hè guaires movements dempús dera sua annexion de Crimèa en 2014, era OTAN vò enviar un senhau clar entà Putin. Es fòrçes militares russes encara son apròp dera termièra damb païsi dera OTAN, coma es païsi baltics o Polonha, e trabalhen intensivaments damb es rebèlli prorussi. Per açò, diuèrsi oficièrs dera administracion d’Obama ja an confirmat qu’aguest movement “ei ua responsa a un environament militar europèu que pòt durar annades. S’ei amiat a tèrme pr’amor qu’ara i a ua naua situacion a causa que Russia ei un actor mès malaisit qu’abans”.
Damb aqueri mots, e sense conéisher encara quina serà era reaccion de Putin, solament podem pensar que, pòc a pòc, era Euròpa atlantica e es Estats Units tornen, pas de patac, segur, a ua situacion de guèrra heireda damb Russia. E açò non ei pas bon.
Maugrat qu’es madeishes hònts estatsunitenques ja an dit qu’açò non comportarà un creishement dera tension en Euròpa, diuèrsi analistes internacionaus s’an mostrat estonats per un creishement budgetari talament naut. Ath delà, eth govèrn american tanben demanarà ath Congrès de hèr a créisher es sòs destinadi ara luta contra Estat Islamic en mès de 7 bilions de dolars.
Per açò mateish, quauqui uns ja alerten qu’aqueth movement, economic e militar harà que Russia non sigue contenta, mès i a diuèrsi païsi europèus qu’an aué paur de Russia e que pensen que damb es sancions economiques non i a pro: son Ongria, Romania e es estats baltics.
“Ara es russi an un aute problema —çò diguec un naut oficièr anonim dera administracion Obama—. Ei era nòsta manera d’afrontar Russia e de hèr mès solida era nòsta aliança damb païsi coma Ucraïna, Moldavia e Georgia”. Un aute senhau clar; Occident non solament defensarà er èst europèu mès que tanben defensarà e ajudarà aqueri auti païsi.
Totun, qu’es estatsunitencs diden qu’açò ei un moviment tàctic e pro. Qu’era política estatsunitenca poirie cambiar dempús d’Obama se Russia marche per un aute camin. Mès, peth moment, era OTAN a volgut mostrar a Russia qu’era sua actitud non ei pas era bona.
Eth hèt ei que Russia hè temps que lute contra Euròpa. D’en prumèr damb pujades en prètz deth petròli rus e dempús damb ua guèrra contra un país aliat d’Euròpa: Ucraïna. Non a arren a veir que lute contra es islamistes en Siria. Solament ac hè per interèssi propis. E Putin ei ua persona qu’a ua voluotat, e aguesta ei solida, de hèr Russia força mès grana que non ei aué. Pr’açò qu’arribarà un jorn qu’ac aurà de hèr damb es armes.
Segons bèri uns analistes, Russia ei en aliança damb Euròpa contra er Estat Islamic e que podem demorar tranquils. Mès dilhèu ei ora de saber qu’eth sòn maximal dirigent, Vladimir Putin segueish era mateisha manèra d’actuar que hèc dempús 1933 determinat politican alemand.
Era intervencion russa en Ucraïna non ei encara finida. Mès dera mitat deth país poirie èster aisidament annexionat per Russia en base ara sua populacion. Alavetz, que harie Occident?
De prumèr siguec Chechenia, dempús Georgia, e adara ei estat eth torn de Crimèa. A on son es limits dera volontat expansionista russa de Putin? En Moldavia o en Estonia, Letonia e Lituania, o dilhèu mès enlà? Era istòria ei utila pr’amor que mos permet rebrembar com sigueren es causes. En 1938 determinat senhor alemand s’annexionèt Austria e dempús Checoslovaquia. Anglatèrra e er estat francés digueren que òc, que tot anave plan. Quan se n’avisèren, Polonha ja auie estat invadida e començaue era guèrra mundiau.
Sens èster catastrofistes, cau díder naut e clar a Russia qu’es païsi europèus ja non toleraràn mès era sua marcha militara contra tresaus païsi. Qu’èm mès apròp dera edat dera patz que non dera dera guèrra e que per çò mateish era politica agressiua russa non ei planvenguda. Solament açò. Arren mès.
Damb aguesta peticion d’Obama, era Euròpa der èst aurà ua brigada que serà en posicion de defensar lèu lèu es païsi der airau d’un atac rus. Païsi coma Estonia, Letonia e Lituania son ara mès tranquils qu’abans. E ei açò çò qu’a de hèr era OTAN, cercar era tranquillitat des europèus. Toti. Era demana de hèr a créisher eth budget militar entà Euròpa ei ua bona decision dera administracion Obama. Dilhèu cau hèr mès encara, mès peth moment, ja n’i a pro. S’açò non shaute a Russia qu’ei eth sòn problema, non eth nòste.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quò es ben lo problem daus USA; pas de Russia. Los Etats-Unis se creisan fòrts mas son minats per la crisa economica, per una crisa financiera; lo dollar a perdegut de son poder faça au roble russe e au yuan chines. Es la fin de l'egemonia daus USA sus lo monde.
Qu'i podan?
Participar a de las meditacions (o manifestacions) dins lo monde per la patz. La paur de l'autre, que siaja un micròbe, un virus, un estat, coma Russia o une fedracion d'estats islamistes, nurit la guerrra.
Quò es la fin daus estats nacions, daus estats continents e la debuta d'una nòva coperacion de tots les pòples dau monde
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari