CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Divendres, 23 de junh

Gèli Grande

Dijòus, 11.5.2017 03h00

Lo 23 d’abriu, votèri “Occitània Liura” e m’i tornèri lo 7 de mai de 2017


Comentaris 4 comentaris    
Dolent Fluix Bo Molt bo Fabulós (6 vòtes)
carregant En cargament


Abans la primiera votacion de las eleccions presidencialas puèi entre la primièra e la segonda votacion faguèri conèisser a un fum de monde la pausicion del Partit de la Nacion Occitana, que ne soi sòci.
 
Un occitanista que dirai pas lo seu nom me respondèt en francés:
 

“Marine vous dit « Merci ! » J’espérais que le PNO saurait comprendre les différences avec Macron, comme Mélenchon avait su appeler à voter Chirac contre Le Pen en 2002.  
 
Je suis militant occitan mais pas ultra occitaniste, qui se souci de son parti plus que de l’avenir de la France!” 
 
Vaqui çai-après la revirada en occitan de çò que li rebequèri:
 
Car,
 
La Marine Le Pen pòt grandmercejar totes los deputats d’Exagonia elegits al Parlament Europenc d’Estrasborg. Encaissan lo chèc a la tota fin del mes mas son pas jamai presents dins las comissions per aparar los interesses de las populacions de l’estat francés. E los meteisses nos dison quand i a quauque chepic, qu’es la fauta d’Euròpa.
 
Son gaire los deputats franceses al Parlament Europenc que passan lo temps de lor mandat en tot aparar  amb las loras idèas los interesses de las populacions. Le Pen e Mélenchon cridassan e encaissan la moneda d’un sistèma que l’an en òdi e d’autres encara puntejan e se’n tòrnan lèu-lèu coma son venguts … d’escondon. 
 
Marine Le Pen pòt tanben grandmercejar totes los occitanistes que dempuèi mai de mièg-sègle, jamai volguèron pas anar mai luènh que la defensa de la lenga d’un punt de vista estrechament cultural. La magèr part refusèron de longa d’anar pel camp batalhièr de la politica coma occitanista. Es una causida que la pagam uèi.  
 
Marine Le Pen pòt encara grandmercejar totes los occitanistas (coma lo Claudi Sicre per exemple) que difusèron dins la populacion l’idèa que la cultura occitana fa partida de la cultura francesa, que l’occitan es e deu demorar una lenga anecdotica en Occitània.
 
Per eles sèm talament plan, capelats per França aquesta granda dòna que nos fa gentament un plaçon compassional quand aquò li peta de nos consagrar un pichon moment. Amb un discors coma aqueste contribuiguèron bravament al refortiment de l’ultrà nacionalisme francés en Occitània. E apuèi lo monde s’estonan de las chifras del FN en tèrra occitana.  
 
Totun quand l’occitanisme politic (PNO-POC-Pais Nòstre) e una partida dels occitanistas culturals capitèron de s’unir per las eleccions municipalas de 2014, la resulta es estada de las bèlas e Bastir (èra lo nom d’aquesta federacion) aguèt 55 elegits occitanistas.        
 
Plan sovent los meteisses occitanistas que se vòlon sonque culturals tròban meravilhosas las resultas del nòstres vesins bascos o catalans, dins l’estat espanhòl. Se ne son ont ne son es per que se levèron lo mafre en politica coma movement abertzale pels bascos e catalanistas pels catalans e que faguèron l’union dels culturals e dels politics. Faguèron pas fisança als partits espanholistas. Tot parièr los militants escosseses se coalisèron contra totes los partits britanics.
 
Nos fasètz repròchi de cridar pas per tal de votar Macron lo 7 mai 2017.
 
Mas dins lo programa d’aqueste Mossur i a quicòm que concernís las nòstras lengas e las nòstras culturas e los nòstres territòris? Res de clar e de precis! Faguèt ou puslèu marmusèt   d’allusions de las foscas dins de letras d’òrdre privat que son estadas fachas publicas o del temps de rescontres informals[1].
 
Quand se faguèt portar en 2007 puèi en 2012 En François Bayrou que uèi sosten lo Macron èra fòrça mai explicit.       
 
Nosaus occitans, sèm condemnats d’èsser dins l’Estat Francés per encara quauquas annadas, vos rasseguri, l’avenidor de França coma Estat nos interessa. L’aimariam mai federal en intèrne e devèm plan constatar que del costat del Sénher Macron es pas çò qu’es estat anonciat.
 
A la granda diferéncia de plan d’occitanistas e coma Sénher Jean-Guy Talamoni pensam que França es un pais amic. Mas tant per Corsega coma per Occitània, quina que ne siaga la futura direccion politica, França es pas la solucion mas lo problèma.
 
Sèm en democracia es normal d’aver pas los meteisses punts de vista.
 
Gèli Grande
Co-President del Partit de la Nacion Occitana
 
 
 
[1] Las responsas de la còla del Candidat d’En Marche publicadas lo 6 de mai de 2017 sus Jornalet semblan sortidas d’un presic del Paire Nadal per afortir son existéncia.

Ara que Macron es elegit veirem ben çò que farà e avisarem. Vos foti mon bilhet que d’aqui a 2022 se trobarà tostemps d’autras prioritats per aplicar pas aquelas polidas promesas.
 
 


abonar los amics de Jornalet
 



publicitat



Comentaris

13 de mai 09.44h

Ben c'est à propos de ca :https://m.youtube.com/watch?feature=youtu.be&v=cj7fxyUdTos


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

13 de mai 09.31h

merci
je trouve Sicre toujours formidable
mais bien sur 30% traitre
A LIDEE DE FONTAN
TROP CASTAGNIEN
le debat est ouvert
ben


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

12 de mai 13.43h

Quina que ne siá la rason, far mina de comprene pas la ierarquia dels dangièrs e conselhar a las gents de ges votar fàcia a una menaça faissista tan granda que la del segond torn es criminal. Se aimatz jogar de vos far paur e que volètz de sensacions fòrtas avètz pas que d'anar al Luna Park, en plaça de o far ambe las nòstras libertats !


Valora aquest comentari:   votar positiu 1   votar negatiu 2
Respondre comentari replica Comentari inadequat   Formulari d'abús de comentari

12 de mai 01.08h

Soi completament d'acòrdi.


Valora aquest comentari:   votar positiu 3   votar negatiu 2
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Gèli Grande

Gèli Grande logo rss

Emplegat a La Pòsta, escriu de cronicas dins la revista Lo Lugarn. Es afogat de rugbi (subretot) de XV, de bona literatura e de bon cinemà quina que siaga la lenga.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions