CAPÇALERA2: AMICS DE JORNALET

Jornalet, gaseta occitana d'informacions

Dissabte, 22 de julh

Gerard Joan Barceló

Dimècres, 24.5.2017 03h00

“França, maire de las Arts, de las Armas e de las Leis”


Comentaris 7 comentaris    
Dolent Fluix Bo Molt bo Fabulós (5 vòtes)
carregant En cargament


De generacions de franceses e doncas d’occitans coneisson plan aqueste vèrs del poèta Joachim du Bellay, que vos ai traduch en occitan, coma o farai per tot lo quatrin del sonet:
 

França, maire de las Arts, de las Armas e de las Leis,
M’as longtemps noirit de la lach de ta mamèla:
Ara, coma un anhèl que sa noiriça apèla,
Emplissi de ton nom las tutas e los bòsques.
 
Fa qualques setmanas, l’escrivan nòrd-catalan Joan Daniel Bezsonoff, que m’onora de son amistat, me diguèt dins un restaurant de Pèiralata qu’èra un decebut de França. Es una confession que se rebat plan dins son òbra, percorreguda per la cultura francesa, literària e cinematografica, çò que fa una de sas originalitats, al mièg d’una literatura catalana de l’ambient, pro logicament, iberic.
 
Ieu tanben soi un decebut de França. L’aimèri fòrça, noirit de la lach de sa mamèla culturala e politica. Me laissèri seduire per l’estrambòrd de la Revolucion, creguèri en la Republica coma d’autres creson en Dieu, e mon còr salhèt las tres colors. Encara uèi prèsi la literatura francesa, la musica e lo cinèma franceses rèstan al fons de ieu los companhs de mon enfança e de mon adolescéncia, e lo francés es, de fach, ma lenga primièra.
 
Quand, a l’asard de mon arribada en Corsega, faguèt irrupcion dins ma vida çò de la diversitat de las lengas, pensèri durant de longas annadas que França cambièra un jorn, qu’acceptèra enfin de se concebre coma plurala. M’arrapèri a aquel espèr coma o fasèm per una persona aimada que suportam sos defauts perque cresèm que finiràn que desapareisseràn.
 
Entrò que la rompedura se faguèsse evidenta.
 
Pasmens, un còp que s’avalís l’illusion de França, ai paur que casam dins las rets d’una autra quimèra. De quina Occitània pòdi parlar dins ma vilòta entre Daufinat e Provença que, segon l’eleccion presidenciala passada, la drecha ultranacionalista francesa i ten ara la majoritat absoluda? Cossí poiriái convéncer e mai persuadir que i a un autre país? Avèm perdut nòstra Palestina e nos caldriá trobar una autra Tèrra Promesa?
 
Èx-francés afogat de França, soi un occitan barrutlaire qu’a perdut la rota d’Itaca...
 
 


abonar los amics de Jornalet
 



publicitat



Comentaris

26 de mai 10.17h

Anamnesia !

França, maire de las Arts, de las Armas e de las Leis dels cans que racan en tropèls,
M’as longtemps ensajat de claufir lo clèsque de la lait amara del tieu condicionament nacionalista :
Ara, coma un lop solitari que la que lo prenguèt per un dels sieus cans apèla,
Emplissi del nom de mon ardada perduda las tutas e los bòsques…
Fins qu'enfin se remembren, totes los autres lops, qu'eles tanpauc non son pas cans.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

24 de mai 14.59h

#5 Siái segur, amai los scientifics ne'n convenon, l'Homo Sapiens èra fòrça entelligent. Fasèm passar la preïstòria per una epòca escura, simplament per encausa d'una evolucion tecnica diferenta de nòstre temps. Quauqu'us sap s'esistís d'estudis scientifics sus las mentalitats, sus l'evolucion mentala de l'Òme ? L'Uman es totjorn estat un produch a mitat camin de Diu e de l'animau, capable dau melhor coma dau pièger ? Capable d'avalir sos fraires coma la vida dinc son ensems emb de... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

24 de mai 13.12h

"Heureux qui comme Ulysse a fait un beau voyage". Cresi pas qu'Omera nos parle d'un bèl viatge. Nos parla de la vida et de sas dificultats, pendent lo viatge coma al tornar


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

24 de mai 11.45h

#2 E per conclurre, que fau ben conclurre pasmens, tot aquò es bien en liason emb de tot ce qu'es planhit dinc aqueste article e dinc d'autres mai.
Per trovar la rota d'Itaca e la Tèrra Promesa, sola la consciença nos pòt sortir de las endronas que ne'n son los Estats-Nacions e autres "collègas multinacionaus" e accionaris qu'usurpan la Tèrra per ne'n tirar un profièch vergonhós emb de ne'n desprovesir de lur anma los pòples autoctònes.
Ara, que seguem originaris d'aicí o d'enquicòm... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

24 de mai 11.10h

Avetz tot compris. La casta que nos mena dempuei 2000ans o mai nos ment e nos manipula. Montségur quò es d'un biais,l'instauracion d'un regime fasciste : l'inquisicion au niveu religios, de l'autre l'autorisacion balhada au poder politic de far la colonisacion.
Daus uns disan qu'i auria doas egleisas: l'una de Sent Pere de Ròme ente l'òm apren que d'un costat i a la lutz e de l'autre la tenebras e que devam constament nos acusar perque sem jamai dins la lutz e donc perfact. D'aqui l''... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

24 de mai 10.01h

#1 Ajuste emb d'aquò dich precedentament lo mot "coperacion", contrari de la competicion.
Coma o disiái, se reagissèm pas, es pas la tecnologia que nos sauvarà, sas entelligenças artificialas, sos ologramas, sas machinas e sos robòts remplaçaires d'umans.
Vòle pas de l'esclavatge modèrne dau còrs, de la genetica e de l'esperit. L' "anma enterplanetària", consciença d'una sorça de Vida que nos relia totes deu revenir e podre s'exprimir liurament.
Per quant a las emocions non sonhada... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

24 de mai 08.08h

Sortida de l'endividualisme e dau materialisme, rescòntre de totes e autogestion, revolucion esperituala e desartificializacion de nòstres biais de viure : vese pas qu'aquò per tornar trovar la vida comunautària locala, naturala, solidària, senuda onte chascun tròva sa rason d'èstre e l'utilitat de son accion per finalament viure una certana armonia dinc las divèrsas formas d'expressions de la Vida e lo respèct de nòstra Tèrra-Maire.
Tot lo demai portat per las minoritats reinantas ... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions