CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dimècres, 26 de julh

Gerard Joan Barceló

Dimenge, 22.12.2013 03h00

Defensa de Marselha


Comentaris 14 comentaris    
Dolent Fluix Bo Molt bo Fabulós (12 vòtes)
carregant En cargament


Fins ara ai sempre escrich meis articles per Jornalet dins un occitan que voliáu mai referenciau possible, pr’amor que foguèt dins l’estandard de basa lengadociana qu’aprenguèri la lenga nòstra que, au començament, èra pas mieuna mai qu’es devenguda centrala tant dins mon còr que dins lei mendreis interès de ma vida. Auriatz donc notat qu’ara, per lo primier còp, li doni una coloracion provençala que cresi melhora per parlar de Marselha.
 
L’idèa me’n venguèt dins lo tren dau 7 de decembre passat que me menava de ma benvouguda Provença fins a Perpinhan ont rescontrèri en persona un grand marselhés, coma ieu entre tèrras occitanas e tèrras catalanas, Joan-Carles Martí i Casanova, autor valencian d’una subrebèla epopèa familiala de l’immigracion, Els països del tallamar, ont Marselha, Provença e mai Occitània tenon una plaça de tria.
 
Non que dins la capitala de la Catalonha Nòrd trobèsse de manca Provença, mai au contrari pr’amor que lei liames entre Occitània e Catalonha se refortiguèron aqueu dissabte. Avèm lei mesmei colors, lo mesme sang e aur d’una destinada comuna despuei de sègles. Au Casal Jaume I ont se presentèt lo roman a l’entorn de mon amic Terric Lausa e dau grand escrivan nòrd-catalan que coneis tanben la lenga nòstra, Joan Daniel Beszonoff, ja se mesclavan en armonia catalan e occitan de modalitats divèrsas, coma au restaurant puei, e canteriam La Copa santa.
 
E uei 15 de decembre començan enfin, pasmens de biais timidet, lei relacions dirèctas en TGV entre Occitània e Catalonha, e entre Marselha e Barcelona, coma benlèu lo signe d’una estapa nòva dins la relacion de nòstrei dos pòbles.
 
Ai jamai viscut a Marselha mai despuei mon enfança es una ciutat importanta, primier coma ponch de passatge obligatòri de mei traversadas mediterranèas entre Occitània e Corsega. Foguèt tanben la primiera vila granda que coneguèri, e que me meravilhèt pichon quand m’avisèri que m’èra pas possible de n’agantar lei limits. I moriguèt mon grand oncle Barceló, comunista argerian fraire dau papet que me poguèt pas transmetre son catalan malhorquin. E mai la bandiera marselhesa, amb sa crotz blava sus fons blanc, sembla la sòrre dau drapèu grèc, civilizacion qu’aimi e que tanben fondèt Marselha.
 
Marselha es la ciutat mai granda d’Occitània. Son club de fotbòl, l’O.M., es un pauc lo Barça occitan: e mai dins un collègi dau nòrd de Gavaudan, d’escolans s’i identificavan espontanèament. Son sit, amb son ampla dobertura sus la Mediterranèa, es magnific. Es un pòrt que representa ben la mescla occitana. Patís una reputacion ambigua, bensai sent un pauc a sofre, mai ten de ressorsas dins lei qualas a de posar fòrça mai. Marselha pot èsser la capitala de l’Empèri dau soleu, segon lei paraulas de Frederic Mistral?
 
Abandonem pas Marselha. Recuperem-la. Laissem pas a França, aquesta extension de París, son poder arcaïc e alienador sus aquesta vila, e desvolopem Marselha, desvolopem Provença e tota Occitània, perqu’aimam nòstra cultura e nòstre país.
 
Per aiçò, coma primiera estapa simbolica devèrs la recuperacion de Marselha, prepausi qu’i siga organizada la manifestacion occitanista unitària de 2014 qu’es a ocupar lei pensadas. Organizem-la a Marselha, e non pas a Montpelhier, pr’amor que se volèm un crescendo après Tolosa que seguiá de ciutats mejanas lengadocianas, la vila mai importanta d’Occitània es una chausida evidenta. Podèm pas a l’encòp dire de lònga qu’Occitània es pas Lengadòc solet e se mostrar incapables d’anar de l’autre costat dau Ròse.
 
Marselha, capitala de l’Occitània que s’assumís coma un país?



publicitat



Comentaris

23 de decembre 00.54h

Bròi article. Mès, aquò dit, i a, de vrai, tres "Occitànias" diferentas : l'atlantica, la mediterraneana, e la deu nòrd. Me parei que son tres culturas prampo distinctas. Per exemple, me sènti bien chic de causas en comun demb un Marselhés (a part les basas de la lenga !!) que non pas demb un Sentongèir (e encara, partàtjam vocabulari) .


Valora aquest comentari:   votar positiu 4   votar negatiu 3
Respondre comentari replica Comentari inadequat   Formulari d'abús de comentari

22 de decembre 22.21h

#7 Aprenetz de léger l'occitan.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

22 de decembre 21.33h

Òc excellent article de l'amic Joan Barceló! M'agrada e segur, cau que la manifestacion siaga a Marselha e non pas en Lengadòc, sempre ailà, se diriá qu'Occitània es Lengadòc e basta... Non oblidam pas Provença, terra occitana!!!


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

22 de decembre 21.33h

Òc excellent article de l'amic Joan Barceló! M'agrada e segur, cau que la manifestacion siaga a Marselha e non pas en Lengadòc, sempre ailà, se diriá qu'Occitània es Lengadòc e basta... Non oblidam pas Provença, terra occitana!!!


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

22 de decembre 20.47h

Marselha, capitala occitana ,siaguèm nombroses e mai que nombroses per mostrar qu'existissèm e que volèm existir encara.Mostrem als marselheses que benlèu l'aun doblidada la convivencia , lo plaser d'estre ensemble e de poder charrar dins la lenga nòstra.Soi pas gens ensenhèire ni membre de cap sindicat occitanista que siague ;las revendicacions ,certa devon perténer a la manifestacion màs un fum de gents dins un ambient festiu de mon vejaire val mai que quatre pelats escampilhats per... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

22 de decembre 20.47h

Marselha, capitala occitana ,siaguèm nombroses e mai que nombroses per mostrar qu'existissèm e que volèm existir encara.Mostrem als marselheses que benlèu l'aun doblidada la convivencia , lo plaser d'estre ensemble e de poder charrar dins la lenga nòstra.Soi pas gens ensenhèire ni membre de cap sindicat occitanista que siague ;las revendicacions ,certa devon perténer a la manifestacion màs un fum de gents dins un ambient festiu de mon vejaire val mai que quatre pelats escampilhats per... Legir la seguida


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

22 de decembre 17.19h

Aqueste argumentari de Joan Barceló es d'una clartat e d'una logica absoludas. Marselha deu ocupar una plaça pus granda dins l'estrategia deis occitanistas. Evidentament, es pas question de negligir leis autrei vilas occitanas.


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

22 de decembre 17.15h

#6 Tròl


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

22 de decembre 16.41h

#1 Que's pòt díser aquò de Bordèu, de Clarmont, e tanben de Pau. E cau per'mor d'aquò arrecentrar l'occitanisme suu Lengadòc e fóter en l'èr tots los "periferics" ? Vergonha vos!


Valora aquest comentari:   votar positiu 0   votar negatiu 8
Respondre comentari replica Comentari inadequat   Formulari d'abús de comentari

22 de decembre 13.05h

Açó m´agrada. Ja és temps de la recuperació. Encetém el camí d´una gran Confederació d´Òc.
Mistral és nostres Estel; del renaixement, la germanor, l´abraç de límperi del Sol.

I TROBAIRE CATALAN

...../...." Els Trovadors, i ningú els a vençut després/ A les barbes dels clergues, a l´orella dels reis/
Alçant la llengua del poble,/ Cantaven amb amor,i cantaven lliuremet/ L´adveniment d´un món nou/
I, el rebuig dels antics pors.

Llavors,als pits crixia un aspre reb... Legir la seguida


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions