CAPÇALERA2: AMICS DE JORNALET

Jornalet, gaseta occitana d'informacions

Dissabte, 22 de julh

Gerard Joan Barceló

Dijòus, 6.7.2017 03h00

Perqué soi contra lo nom “Occitània-País Catalan”


Comentaris 16 comentaris    
Dolent Fluix Bo Molt bo Fabulós (12 vòtes)
carregant En cargament


Aquel catalanisme mai regionalista que nacionalista, que se dirigís mai sovent en francés qu’en catalan e amb mai d’agressivitat contra los paures occitans que contra lo centralisme de l’estat
© OUI au Pays Catalan




Etiquetas
barceló, nom de la region, occitània-país catalan, occitània-país catalanbarceló

Deman, lo Conselh d’Estat jutjarà un recors depausat per d’associacions nòrd-catalanas contra lo nom de la region dicha Occitània, en particular perque fa pas nada referéncia al “País Catalan”.
 
De tot segur, compreni plan que los nòrd-catalans sián fustibulats. Cossí poirián pas asirar, per exemple, que la bèla vilòta de Cotlliure illustrèsse regularament, dins de publicitats toristicas, “lo patrimòni occitan”? Fa qualques jorns l’animator de la television francesa Stéphane Bern provoquèt la legitima colèra dels telespectators catalans en qualificant Perpinhan de vila occitana. Pasmens, e mai sàpia qu’aquò encolerirà qualques unes, me vòli posicionar contra lo nom “Occitània-País Catalan”.
 
 
Segon dos ponches de vista, occitan e catalan
 
Segon una amira occitana, cresi pas pus que lo fach qu’una region administrativa mai pichona pòrte lo nom del país siá una catastròfa. Que i aja una Occitània administrativa m’empacha pas, a Pèiralata, de trabalhar per l’occitan: degun me ven pas dire dins mon Acadèmia de Grenòble —ont la lenga nòstra s’ensenha tan pauc— qu’ai pas drech d’ensenhar l’occitan perque seriá d’una region exteriora. Contunhi d’explicar serenament çò qu’es Occitània, lo país, e que lo territòri vesin n’a pres lo nom coma simple omenatge, e degun protèsta pas. E es parièr quand se tracta de parlar del provençal e del “patois”, ailàs encara lo tèrme mai popular dins mon canton. Ai lèu dich que son de sinonims, e podèm passar a quicòm mai.
 
Segon la meteissa amira occitana, los debats sens fin entre occitanistas, jamai consents entre eles, per saber se caldriá dire “Lengadòc”, “Lengadòc-Gasconha”, “Occitània Centrala” o “Occitània Meridionala” a aquela region an demostrat quicòm: al fons, “Occitània” es lo mens marrit tèrme. Que o volgam o non, aquel territòri unís de gascons, de lengadocians, de provençals e mai d’occitans orientats, coma los de Gavaudan, devèrs lo Massís Central e Auvèrnhe: non es pas tota Occitània, evidentament, mas n’es la version reducha.
 
E se los occitanistas sortissèm enfin de nòstra letargia, la region poiriá èsser la basa de recuperacion de tota Occitània.
 
 
E d’un ponch de vista catalan?
 
Lo refús d’ajustar “País Catalan” a revelhat una reaccion identitària en Catalonha Nòrd. Cèrtas, i a agut qualques excèsses, mas globalament la reaccion nòrd-catalana a demostrat a totes l’existéncia d’una identitat regionala fòrta. Pòt semblar maladrech o contradictòri aquel catalanisme mai regionalista que nacionalista, que se dirigís mai sovent en francés qu’en catalan e amb mai d’agressivitat contra los paures occitans que contra lo centralisme de l’estat; totun, l’identitat catalana al nòrd dels Pirenèus es pas mòrta, e pòrta l’espèr d’una consciéncia nacionala mai clara, d’aitan mai que l’avenir de Catalonha s’accelèra al sud.
 
Dins los debats que legissi, m’avisi tanben que lo problèma es de mens en mens lo nom que l’impression que Tolosa negligisca Perpinhan, e me sembla que çò del nom va limpant devèrs çò del poder politic. Lo mond començan de comprene la necessitat de luchar per una collectivitat territoriala pròpria que garentisca lo respècte dels dreches culturals e sòciopolitics dels catalans del nòrd dels Pirenèus.
 
Per tant, en cas que ganhen aqueles recorses administratius, aquela set de libertat se poiriá estofar, e lo movement de recobrament de l’identitat poiriá pèrdre ansin de preciosas annadas.
 
E tanben aquò, en fin finala segon una amira tornarmai occitana, nos poiriá portar de consequéncias plan marridas. La volontat testarda dels nòrd-catalans de se dire “catalans, non pas occitans” obliga nòstres compatriòtas de la region qu’a pres lo nom d’Occitània a balhar de contengut a lor identitat: “S’aqueles son catalans, en qué sèm nosautres occitans?”
 
Perque, al fons, sabèm ben que çò d’important son mens los noms que çò que ne volèm far.
 
Que volèm far, los occitans, per la lenga, la cultura, lo país?
 
 
 


abonar los amics de Jornalet
 



publicitat



Comentaris

10 de julh 17.27h

Si Catalunya i Occitània fossin lliures aquest debat no existiria. El Rosselló es la Catalunya Nord, i el País Occità, es Occitània, de la mateixa manera que l'Aran es Occitània.
Diria que es clar, i que no cal cercar tres peus al gat!
Visca la Terra...Lliure!
L'Ernest, "El Tàrrega".


Valora aquest comentari:   votar positiu 9   votar negatiu 0
Respondre comentari replica Comentari inadequat   Formulari d'abús de comentari

8 de julh 22.24h

#12 #14 Non ? Lou Nick Holling ? De Juvinhac ? Lo pobelaire grand ? Collegum Frêchibus ? Blasfèmi, amics septimanians, blasfèmi ! E vos prendrèm nu-uds, dins la Simca 1000 ! E vos prendrèm nu-uds, dins la Simca 1000 ! E vos prendrèm nu-uds, dins la Simca 1000 !


Valora aquest comentari:   votar positiu 16   votar negatiu 2
Respondre comentari replica Comentari inadequat   Formulari d'abús de comentari

8 de julh 19.41h

#13 Urosament que n'i- a encara per comprène las galejadas ! Quand a los que fan de longa lo morre...


Valora aquest comentari:   votar positiu 17   votar negatiu 0
Respondre comentari replica Comentari inadequat   Formulari d'abús de comentari

8 de julh 16.01h

Es verai que Frêch faguèt fuòrça causas per l'occitan dins la nòstra anciana region Lengadòc Rosselhon. Sustot quand la volguèt far apelar Septimània: cap d'occitanista de LR diguèt pas res. Los occitanistas de LR te badavan Georges. Sustot JLB qu'es ara dins l'incapacitat de se sarrar de Delgà. Anem, ensaja encara pauròt ...


Valora aquest comentari:   votar positiu 17   votar negatiu 1
Respondre comentari replica Comentari inadequat   Formulari d'abús de comentari

7 de julh 22.24h

#11 Ni Paris ni Tolosa ! Setimània Georgicum Frêchis ! Perque o-valèm plan, me damne !


Valora aquest comentari:   votar positiu 24   votar negatiu 5
Respondre comentari replica Comentari inadequat   Formulari d'abús de comentari

7 de julh 21.59h

#5 Non a la colonizacion tolosana engimbrada per Paris e la Delga ! Nos revendicam de la sobeiranetat plèna e entièira de la Sètimaniana ! Gobernèm-nós !


Valora aquest comentari:   votar positiu 24   votar negatiu 6
Respondre comentari replica Comentari inadequat   Formulari d'abús de comentari

6 de julh 13.08h

#9 158 conselhers pagats 2661 € /mes. Sus 6 meses nos an costant 2 522 628 €
Qu'una accions an fachas ?
Quantes d'argent public an despensat ?
Quantes d'argent an fach ganhar a la region ? (mai que çò que nos costan ?)
Qu'unes accions batissaira en rapòrt amb l'occitan an menat ?
Q'una es la part del budget occitan dins cada pòsta gerit per la region ?

Es aqui que comença l'occitanisme e pas dins las utòpias e las farfantelas.
per l'ora ne sem a : pagam de mond per despensar l'... Legir la seguida


Valora aquest comentari:   votar positiu 13   votar negatiu 5
Respondre comentari replica Comentari inadequat   Formulari d'abús de comentari

6 de julh 11.54h

#8 Totalament d'acòrd !
Quantas accions an menat ? Se parlava - per parlar de còps i son - d'un esquèma.
Ben, mostratz-lo e verificarem ponch per ponch çò qu'an fach.


Valora aquest comentari:   votar positiu 22   votar negatiu 0
Respondre comentari replica Comentari inadequat   Formulari d'abús de comentari

6 de julh 11.30h

#4 Region Occitània = 158 conselher regionals ! A de qué son pagats ? de qu'an produzit desempuèi génièrs ?
Blablablabla?
Mon drech es de saber es iò que los pagui !


Valora aquest comentari:   votar positiu 22   votar negatiu 1
Respondre comentari replica Comentari inadequat   Formulari d'abús de comentari

6 de julh 10.29h

La solucion seria de damandar que los pais d'oc siajan recampats dins un mesme teritori per de las rasons tant economicas que culturalas e de reclamar la separation de la gestion politico-economica de la Franca d'òc d'aquela de la Franca d'oïl. Lo destin de la Franca d'òc, de la Catlonha, dau pais basque es virat vers l'Europe dau Sud, alaidonc que la Franca dau Nòrd a una bela drubertura vers l'Allemanha e Russia. Serem totjorn la provinça de Paris e Tolosa pòd pas esser la vila que... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions