CAPÇALERA2: AMICS DE JORNALET

Jornalet, gaseta occitana d'informacions

Divendres, 23 de junh

Gerard Joan Barceló

Dimècres, 19.4.2017 03h00

Un autre Mond es possible... E un autre occitanisme?


Comentaris 10 comentaris    
Dolent Fluix Bo Molt bo Fabulós (6 vòtes)
carregant En cargament


Dins los ans 1990, del temps qu’èri pas encara occitanista ni mai conscient de mon occitanitat, m’èri interessat al movement altermondialista que son eslogan ben conegut èra: “Un autre Mond es possible”. Me semblava un messatge optimista e positiu contra la fatalitat del neoliberalisme mondial. I posavi una inspiracion internacionalista.
 
En 2017, tot aquò sembla luènh, e me triga que s’acabe la campanha electorala francesa. D’efièch, França sembla cunhada dins lo chauvinisme, qu’aqueste prenga de formas neofaissistas (Le Pen), reaccionàrias (Fillon) o esquerristas (Mélenchon), mentre que tant Macron coma Fillon encarnan la resignacion al trionfe del neoliberalisme mondial. Sol lo bordalés Philippe Poutou representa, a mon vejaire, un ideal de progrès internacionalista.
 
E sens contradiccion amb l’ideal occitanista que senti en ieu uèi. Jornalet o a explicat amb rason aquesta setmana dins son editorial.
 
Que cadun, de tot segur, vòte segon sa sensibilitat, mas compreni pas los occitanistas que fan campanha per la candidatura de Mélenchon. Un òme de totas las luchas contra la lenga nòstra. Contra l’inscripcion de las lengas dichas regionalas dins la Constitucion francesa. Contra la ratificacion de la Carta Europèa de las Lengas Regionalas e Minoritàrias. Contra l’ensenhament de las lengas per immersion. Se pòt supausar que sa volontat de reservar los sòus publics a las escòlas publicas aja de consequéncias grèvas per Calandreta sens que se desvolope l’ensenhament EN occitan dins l’ensenhament public, puèi que i es contrari... Me remembri tanben, dins una entrevista siá per vidèo, qu’expliquèt que las lengas regionalas èran inadaptadas a l’ensenhament professional perque poirián pas exprimir, çò faguèt entendre, de realitats tecnicas modèrnas. La fòrça del mesprètz e de l’ignorància...
 
Tanben Mélenchon fa servir lo sentiment antieuropèu. Vos devi precisar que l’Union Europèa m’a decebut, e fòrça. Mas pensi que son evolucion negativa s’explica per la drechizacion generala dels socialistas europèus, convertits a un social-liberalisme en realitat mai liberal que social, e devenguts ansin descreditats e incapables de representar una alternativa al liberal-conservatisme de la drecha.
 
E cresi pas que la calga abandonar en favor d’una Aliança Bolivariana que fariá desplaçar la capitala francesa a Caièna! Los occitans sèm una nacion d’Euròpa, partits entre quatre estats europèus: perqué nos separariam encara mai dels araneses o dels occitans de las Valadas de Piemont? Euròpa nos permet tanben de ligams mai fòrts amb los catalans —lato sensu— que lor lenga es encara tan pròcha de la nòstra. Coma còrs, l’amira d’un isolacionisme francés en Euròpa me fa tanben crànher per las relacions necessàrias de mon illa amb Sardenha, Toscana o Ligúria, que fan partida de son espaci cultural e istoric.
 
Occitanistas, fugiscam doncas las trapèlas del chauvinisme francés. Vesi ben l’occitanisme politic desorientat, confús, illegible, mas assagem malgrat tot de pèrdre pas çò que sèm, negats dins un chauvinisme qu’es, per quant a ieu, a l’origina de ma conversion a l’occitanisme, fa quinze ans. Desmembrem pas tanpauc una vertat fondamentala: la lucha se fa cada jorn, pas solament dins una eleccion presidenciala d’un estat que nos a tostemps mespresats.
 
Un autre Mond e un autre occitanisme son possibles.
 
 
abonar los amics de Jornalet
 
 




 



publicitat



Comentaris

20 d'abril 21.42h

#9 Excellenta analisi !

Sembla qu'EPQTV siá del mieu temps e nosautres, sabèm çò que valon las promessas dels politicians tan de dreita coma d'esquèrra.

Per parlar sonque del PS, me brembi de las "Quinze thèses pour l'autogestion", de "la rupture avec le capitalisme" del congrès de Metz, del projecte socialista de 1980 redactat per en Chenènement, de las 101 proposicions de Mitterrand. eca...Quin foquèt lo resultat : desindexacion e blocatge dels salaris de Delors e Mitterrand, priv... Legir la seguida


Valora aquest comentari:   votar positiu 16   votar negatiu 1
Respondre comentari replica Comentari inadequat   Formulari d'abús de comentari

20 d'abril 19.19h

#7 E òc lo Poton es plan brave rapòrt a totis los questionaris sus l'òc e las lengas regionalas ! Tan coma l'èran a la fin de las annadas setanta lo PSU dau Michel Rocard (que l'eslogan èra alara : " Autogestion, Ecologie, Occitanie, Socialisme, " e òc!! ) o lo PS d'un cert François Mitterand que trobèt "fòrça bèl" lo manifèst occitanist "Mon païs escorjat". E que lo desbrembèt lèu fach un còp elegit (grandament gracia a las voses dels occitans ). Que cal saupre ratissar larg ... Legir la seguida


Valora aquest comentari:   votar positiu 21   votar negatiu 0
Respondre comentari replica Comentari inadequat   Formulari d'abús de comentari

20 d'abril 08.57h

La question es :

Es fotut l'occitanisme de producir d'obratges ensenhadors
Professionals ?
E las responsas son pas "òc" o "non" mas qualques obratges.



Valora aquest comentari:   votar positiu 4   votar negatiu 5
Respondre comentari replica Comentari inadequat   Formulari d'abús de comentari

20 d'abril 00.44h

Poton es plan brave, a capitat son examen d'occitanisme, sas responsas son las melhoras de los quatre candidats qu'an respondut al questionari de las associacions culturalas occitanistas o dau collectiu "ELEN" (de legir sus ). Se prononcia per la ratificacion de la carta europenca de las lengas ... e es vertadierament, sincerament, internacionalista. Me plai.
Mes i a quicòm que truca. En defòra d'aquestes "examens", nen parla jamai, nen escriu ren sus son programa, es pas per èl una questio... Legir la seguida


Valora aquest comentari:   votar positiu 13   votar negatiu 0
Respondre comentari replica Comentari inadequat   Formulari d'abús de comentari

19 d'abril 22.12h

Se pòt somiar. Mas pas amb Mélanchon o Poutou. Ni cap autre de los candidats.


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

19 d'abril 18.35h

#4 tres polças al debàs... es cocanha aquò nos fa tres
Obratges de formacion en occitan...


Valora aquest comentari:   votar positiu 1   votar negatiu 5
Respondre comentari replica Comentari inadequat   Formulari d'abús de comentari

19 d'abril 15.38h

Las lengas regionalas poirian pas exprimir un ensenhament professional nimai tecnic...

Segurament es pas vertat, malastrudament l'occitanisme a pas jamai ren fa per o demonstrar
Lo contrari !
Mantun còp vos ai propausar un brave flòc de reviradas tecnicas de fa.
E mantun còp l'occitanisme es passat a costat.... ambe de segur una brava capelada.
Es pas possible de contunhar de fugit çò qu'auria degut esser fa desempuèi plan temps !

Per lo demai de l'article son parlicadas mas que dan p... Legir la seguida


Valora aquest comentari:   votar positiu 2   votar negatiu 11
Respondre comentari replica Comentari inadequat   Formulari d'abús de comentari

19 d'abril 13.34h

#2 a qui s'adressa aqueste comentari destimborlat ? quin es lo " paubre innocent"? Lachaud, tu és melenchonista, òc o non?


Valora aquest comentari:   votar positiu 16   votar negatiu 0
Respondre comentari replica Comentari inadequat   Formulari d'abús de comentari

19 d'abril 13.10h

Paubre innocent. La cultura nuris pas son òme; mas l'economia, oc-es.
Lo pòple en a son cofle de veire que dreicha coma esquerra fan totjorn una mesma politica anti sociala, anti -tot. Pron de veire los medias se far lo pòrte paraula de las multinacionalas.
Perque los occitans segan Mélenchon? perque an agut una bona formacion emben las differentas ideologias qu'an dominat (lo nacionalisme, lo centralisme lo marxisme e autre) qu'an ancrat dins las pensadas qu'i avia una Franca sacrada ,... Legir la seguida


Valora aquest comentari:   votar positiu 2   votar negatiu 13
Respondre comentari replica Comentari inadequat   Formulari d'abús de comentari

19 d'abril 10.00h

Jamai, ai pas pogut comprene coma un francmaçon, anticlerical, nacionalista francés, pròche de "La Libre Pensée", que lucha contra totas las lengas del territòri francés, autres que lo francés meteis pòt enfachinar occitanistas e catalanistas ( ai vist, al finestron, força esteladas e drapeus occitans a la siá manifestacion de Tolosa).

De mai, ai pogut véser, coma ancian foncionari de las talhas, a l'occasion de la succession de la siá maire, qu'es luènc d'èstre un "damnat de l... Legir la seguida


Valora aquest comentari:   votar positiu 21   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Gerard Joan Barceló

Gerard Joan Barceló logo rss

Lingüista, professor agregat de gramatica e director de la revista electronica universitària Lingüistica Occitana. President de l'associacion Los amics de Jornalet

mai d'informacions

contactar l'autor

Categorias

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions