CAPÇALERA2: AMICS DE JORNALET

Jornalet, gaseta occitana d'informacions

Dimècres, 23 d'agost

Laurenç Revèst

Dissabte, 13.5.2017 03h00

De Niça a Bordèu en passar per Tolosa, ciutats unidas per l’existéncia d’una carrièra “Mascoïnat/ Maucodinat/ Malcosinat”


Comentaris 11 comentaris    
Dolent Fluix Bo Molt bo Fabulós (10 vòtes)
carregant En cargament


Sabèm que d’ora las vilas de l’espaci occitan, de cònsols/cònsuls, sindics e autres capítols emergisson en representar lo poder del pòble que s’emancipa per la gestion del municipe dels senhors feudals.
 
Un exemple es dins las vilas grandas. Al mens dins aquelas tres ciutats, respectivament segonda (Tolosa), tèrça (Niça) e quarta (Bordèu) vilas en populacion d’Occitània, existís una carrièra que lo mond designèt per lo sens de “mal cosinat” amb d’adaptacions dialectalas regionalas: “mal/ mau/ mas” + “co(s/d/zèro)inat”.
 
Lo sens de l’expression populària es comuna. De pertot s’agís d’una carrièra qu’un i cosina mal, al sens pròpre o figurat.
 

— A Tolosa vièlh es “rue Malcousinat” en occitan lengadocian “carrièra Malcosinat”, sonada aital dempuèi lo sègle XIVen d’après Michel Roquebert, Rues Tolosanes, Toulouse, Éditions Privat,‎ 1988. S’i ditz que se nomena aital perqué la carrièra es estrecha e èra mal frequentada dins lo temps vièlh. De notar qu’es l’endrech que se tròba lo bastiment public municipal dedicat a l’occitan, lo famós e espaciós “Ostal d’Occitània”, que de vilas coma Marselha o Niça an ancara ges d’estructuras similàrias (malgrat l’existéncia d’associacions coma Ostau dau País Marselhés o Centre Cultural Occitan País Nissart e Alpenc).
 
— A Niça vièlha es “rue Mascoïnat” en occitan niçard “carrièra Mascoïnat”. S’i ditz qu’èra . Notarem que lo nom es escrich tal coma en grafia occitana, perqué avans lo sègle 20en s’escrivia quasi tostemps “o” per [u] en Contea de Niça.
 
— A Bordèu es “rue Maucodinat” en occitan gascon “Maucodinat”. S’i ditz qu’èra perqué los tripiers e los maselièrs i demoravan e qu’auriá sentit mal.
 
A Montalban s'atròba una carrièra Malcosinat, nom francizat graficament en "Rue Malcousinat"... 
Occitània es fractala. Dins lo local, lo pichon, tornam trobar un molon d’elements en ligason privilegiada amb la rèsta d’Occitània. Conóisser sa region plenament, es aver de claus d’interoccitanitat. Vos encoratgi a far de comparasons, non solament al nivèl toponimic global (coma los Coarasas, Berras, Tarascons, Levences, Gevaudans, Castilhons...) idronimic (Gironda, Garona…) e al nivèl local. Auretz de suspresas.
 
 


abonar los amics de Jornalet
 



publicitat



Comentaris

16 de mai 20.07h

TABARNAK!!!
De cap a Ortès qu’aperèvan "catava" 1) ua carreta, mes tanben 2) lo cosinat, la tambolha (deu lat. ca(c)abus, cauteron).
E 3), sens collectiu, pejoratiu: gent de praube condicion, gusalha (qui s’amassèvan autorn d’ua ola de maucosinat?)
Que seré interessant de saber se las carrèras de Maucosinat èran istoricament a proximitat deus espitalets, lazarets o autas institucions d’aqueras.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

16 de mai 20.06h

Ah mè, triple mila hilh de pica! l’engibana que se m’a minjat la fin deu comentari…
Seguida :

Lo ligam de Victòria que suggereish quauquarren de similar.
De cap a Ortès qu’aperèvan "catava" 1) ua carreta, mes tanben 2) lo cosinat, la tambolha (


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

16 de mai 19.58h

Article de tria, mercés. "Occitània es fractala", beròi trobat ! Un imatge plan escadut!

Lo simple explic de "carrèra on quauqu’un e hè maishanta tambolha" que’m sembla de rèsta anecdotic per rénder compte de l’espandida deu nom de l’ua mar dinc a l’auta. Que i deu estar ua referéncia culturau qui ns’escapa. Que pensi en ua institucion de caritat com ua "sopa populara". Las bonas òbras taus necerós èran çò de comun, finançadas peus rics qui s’esperèvan de negoci... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

16 de mai 14.18h

En Barcelona tanben se pòt trobar un "carrer de Malcuinat":

http://coneixemelgotic.blogspot.com.es/2013/02/delicatessen-medievals-el-malcuinat.html


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

15 de mai 19.10h

Escrivètz aquò d'aquí, Mossur Revèst : "Occitània es fractala. Dins lo local, lo pichon, tornam trobar un molon d’elements en ligason privilegiada amb la rèsta d’Occitània. Conóisser sa region plenament, es aver de claus d’interoccitanitat." Pense que sèm pro nombrós d'o aveire remarcat, dinc un airau regionau coma dedinc un espandi enterregionau pendent un desplaçament professionau, un viatge toristic. Es verai qu'aquò pòt ajudar una presa de consciença.

Mès en defòra d... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

14 de mai 22.44h

E me sembla que n'i a una dins lo vielh Limos- val d'Aude....


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

14 de mai 09.23h

#3 Confirmi la carrière Malcosinat de Montalban...

Va de la plaça nacionala, o "los cobèrts" fins a la carrièra de la republica.... e de l'autre cap far carre ambe la carrièra princessa.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

14 de mai 08.56h

#3 notat, vau ajustar a l'opinion!


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

13 de mai 19.01h

Remembri que tanben a Montalban i a una carriera Malcosinat, e just al centre, al bòrd de la Plaça Nacionala


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

13 de mai 16.56h

#1 è?


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions