CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dissabte, 22 de julh

Laurenç Revèst

Dissabte, 10.6.2017 03h00

Occitània terra de las arts


Comentaris 3 comentaris    
Dolent Fluix Bo Molt bo Fabulós (4 vòtes)
carregant En cargament


L'Estaca segon Cezanne




Etiquetas
art, revèst

Las iniciativas privaas coma lo castel de Mandaluec, la fondacion Maeght e las galarias artisticas de Sant Pau de Vença, parier a Mogins...
 
Las institucions publicas coma lo Musèu d’Art Modèrn e d’Art Contemporanèu de Niça (dich “MAMAC”), o aquel d’Art Concret de Moans Sartòu, lo Musèu Bonnard dal Cannet (de Cànoas), lo Musèu Cocteau de Mentan... Las comandas publicas als artistas per plaçar lors òbras d’art al mitan de quatre camins o davans un edifici public...
 
Avèm la vengua dal francés Matisse, dal russo Chagall dins aquel tròç de terra... Totes aquels faches m’i faguèron pensar. 
 
La dimenjaia passaia ai fach un giro dal costat de Mandaluec. E visitèro lo castel dal sègle 12 reïnvestit e rebastit per una cobla d’americans, de rics de familha de banquiers e de l’eleit e originals. Megalomania? Devenguèt la fondacion Henry Clews, mecènas d’artistas dal mond entier. Passèro davansh los atalhiers que cadun per i participar deu depausar la sieu candidatura a Nòva York. Es un espaci de sosten a la creacion artistica. Perqué? Avèm un espaci particular per inspirar los artistas? Lo cèl, la lutz, lo païsatge (non betumat...)?
 
Aquel tròç de terra, inspirèt ben d’artistas, d’aicí e dal monde entier.
 
Per los franchimands, la lutz e subretot lo cèl d’azur d’aicí auria inspirat lo Blau Klein. Mai avans, Claude Monet que pintèt entre Bordighera e Antíbols, coma lo famós pònt sus Nèrvia a Doçaiga (Dolceacqua, anciana Comtat de Niça).
 
Per los autres, citam per exemple, lo castilhan Picasso defuntat a Mogins, lo neerlandés Van Gogh a Sant Romieg de Provença... Ren que per parlar de nòstre canton d'Occitània. 
 
Semblaria quitament que lo pintre escandinau Edvard Munch, celebre per l’òme que se ten la tèsta entre las doas mans e que brama sus una jetaia se sigue inspirat dal pontin dal Casino Jetaia de la passeaia dals Angleses. 
 
Nòstra terra se lause per la belesa, per çò que se ve, l’aparença dal païsatge interessa lo mond. Mas, lo fons, es interessant per los artistas? De locals avèm ben Cezanne e quitament dos o tres occitanistas, Ben Vautier dich “Ben”, Glaudo Troin, Tièri Lagalla... Mas fòra de Ben, son de far conóisser encara mai.
Mas los artistas, la majoritat son al sobran de tot aquò, de la populacion?
 
Los artistas an fach conóisser l’aparéncia e l’image dal país al monde entier. Benlèu que d’unos artistas auràn pintat un cèrt aspècte psicologic? I es que de veire lo prètz de lors tablèls per capir que totun nòstre païsatge es quist. Coma far capir l’interés per entrar dins la cultura d’aquel país e mai per lo mond que i demòra?
 
 


abonar los amics de Jornalet
 



publicitat



Comentaris

12 de junh 10.34h

#2 En argentina, emai se parle castelhan, lei gents son pas "castelhans" mai ben argentins.
Fau pas mesclar lenga / nacionalitat.

Se que nom coma pintor occitan, ne l'a ben mai qu'aquò, e d'occitanistas tanben. E totei son pas a Niça hè ! ;)


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

11 de junh 20.23h

#1 en Andalosia se parla ges castelhan, i es una autra lenga??


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

11 de junh 14.03h

Pablo Ruiz Picasso va néixer a Màlaga, Andalusia. No era castellà.


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions