CAPÇALERA2: AMICS DE JORNALET

Jornalet, gaseta occitana d'informacions

Dimars, 25 de julh

Laurenç Revèst

Dissabte, 1.7.2017 03h00

Desmentegança (oblit) volentària de memòria


Comentaris 15 comentaris    
Dolent Fluix Bo Molt bo Fabulós (8 vòtes)
carregant En cargament


L’image d’u boddhas de Bamiian dinamitats per qu’o mondo desmentegue l’existença ese per mi un ban resumit d’a desmentegança volentària de memòria
© UNESCO




Etiquetas
memòria, revèst

Parlarai esto còup de memòria. L’image d’u boddhas de Bamiian dinamitats per qu’o mondo desmentegue l’existença ese per mi un ban resumit d’a desmentegança volentària de memòria.
 
N’a (en la) nòstra societat, a memòria dintre o temps, ese limitaia ae tecnologie d’aquel temps. Se volema aver en memòria una situacian de cinc ans fa, porema gardear un film fach sus a soa camèra, ò veire un reportatge, avansh un film en negre e blanc, avansh de fòtos, ancara avansh de plans e per anar mai avansh, porema trobar una citacian sus un pergamen ò un cop (teule)...
 
A mai vielha traça que porema aver dau modelatge d’a natura per l’òme ese dins l’arquitectura (piramide), o dessenh, a scritura sus de peire gravaie ò sus papirús/ papíer.
 
A stòria oficiala a creat d’icòne, e en general que a memòria collectiva a emparaia per a scòra. Totes aquelu personatges an una stàtua, de nom de carriera dins a grand vila a mai pròcha de cada un.
 
Mas i ese tanben a cultura populària, influenciaia per u mèdias, per e cançons…
 
Per e culture non oficiale, a situacian es un pauc diferenta. Avema quarque statue (Garibaldi), quarques plaque “aicí ese naishut/ a viscut/ a defuntat” tal autor occitan famós. Mas a visibilitat ese mendra e cal èsser avisat per saber ona (ont) e trobar.
 
Per exempie, un jòrn, demandèro a la comuna de L’Escarea ona se trobava a casa dau famós barbet Francés Fulcònis dich Lalin?
 
En legir, saupèro que stasia dintre una casa da pè dau tribunal escareasc, carriera Rostagni. Per i èsser anat, lo tribunal -a la faciaia bela decoraia de tèste de lions e d’un stil arquitectural notable- parte en doga. Alora per trobar aquela casa, tintin. De suposicions, mas ges de plaque, ges d’indicacions mai precise e fàchile de trobar. A memòria nòstra se dematerializa. E coma o mondo a tendéncia a non creire çò que non an vist o viscut, “ese tot vielh aiçò....”.
 
Una desmentegança de memòria ese coma se far raubar. Me faguèro raubar ben de cause en 2009. E mai per d’autre cause, pòro dir qu’i aguèt un avansh 2009 e un après 2009. Quora cerco quarqua ren, arriba ancara de me dire: “mas èra dins çò que t’ères fach raubar ò l’as ancara aquela causa?”.
 
L’era dau numeric laisharà que trace? De que serà transmés o gravat e que serà perdut?
 
E pui sensa parlar de pèrdia, avema u camins stranhs d’a memòria. Permete de gardar çò que platz, çò que se vòl o çò qu’es oficial...
 


abonar los amics de Jornalet
 



publicitat



Comentaris

5 de julh 09.47h

#11 en occitan amb una ortografia classica s'escriu Estevenòt!


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

4 de julh 23.28h

#11 ...En mai d'aquò 'dementigar' es ja atestat en occitan medievau e trobadoresc. Es un mot prefondament occitan.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

4 de julh 23.16h

#11 "Es pus prèp de Roma que de Bordeu!" => La sola causa verament pertinenta que podèm notar, es que Menton se tròba en Occitània, au meteis títol que Bordèu. L'occitan es una lenga romanica centrala e es pas estonant que tenga quauqueis elements comuns amb l'italian.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

4 de julh 22.13h

#11 desmentiar tanben en occitan de las valadas. Per exemple, per far concret per vos, Cf. las paraulas de Lou Dalfin. Mai pròches de Roma e quitament... en Itàlia. Que ne'n fasèm d'aquel mond? Lou Dalfin es pus un grop Occitan??


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

4 de julh 21.29h

Dimenticare en italian, desmentegar en d'autris dialectes italians
Es pus prèp de Roma que de Bordeu!


Valora aquest comentari:   votar positiu 1   votar negatiu 4
Respondre comentari replica Comentari inadequat   Formulari d'abús de comentari

4 de julh 21.20h

En italian, dimenticare, e desmentegar en d'autris dialects d'Itàlia...
Es pus prep de Roma que de Bordeu!


Valora aquest comentari:   votar positiu 1   votar negatiu 4
Respondre comentari replica Comentari inadequat   Formulari d'abús de comentari

4 de julh 11.06h

Ieu disi tota mon admiracion a Laurenç Revèst per escriure en mentonasc. Es una bèla varietat d'occitan vivaroalpenc —de vivaroalpenc maritim— que tròbi perfiechament fluida e autentica.


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

4 de julh 07.56h

Segur que de liéger de mentonasc fai mal als uelhs en Occitània autentica e brevetaa per lo govèrn. Prefero de pensar pas au jorn ont aqueu paure monde serèn confrontats a d'occitan das valadas o, piéger encara, a d'auvernhat bas….Unitat dins la diversitat, que disian.


Valora aquest comentari:   votar positiu 11   votar negatiu 2
Respondre comentari replica Comentari inadequat   Formulari d'abús de comentari

3 de julh 23.08h

#5 hèra plan, e puish? Zorro que vien dab eth kiwi magic ? Eth carrabin qu'èi hòrt? Papet qu'ac sap se doman serèi ric?
Eras carròtas que son cuèitas, que tòrni díser... Made in Taiwan disèvan Les Inconnus.


Valora aquest comentari:   votar positiu 7   votar negatiu 1
Respondre comentari replica Comentari inadequat   Formulari d'abús de comentari

3 de julh 22.59h

#5 Desmentegança (oblit) volentària de memòria
Es lo títol, que lo mot "oblit" es mai compreensible, levat per d'unes...sembla.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Laurenç Revèst

Laurenç Revèst logo rss

Escrivan, traductor. Dialectològ, Doctor en lingüistica. President onorari dal Centre Cultural Occitan País Nissart e Alpenc.

mai d'informacions

contactar l'autor

Las mai...

Mai d'articles

Archius




Etiquetas

D'autres articles


Jornalet, gaseta occitana d'informacions