Bandièra01 1180x150: Comuna de Tolosa

Opinion

La carnsalada

Joan-Marc Leclercq

Joan-Marc Leclercq

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

Mai d’informacions
Ende s’amusar drin, vaquí un petit poèma escrit dambe sonque vocalas “A”. Per chepic de coeréncia, totis los mots aquí son presents dens los diccionaris de gascon de Nicolau Rei-Bèthvéder, Per Noste e Atau que’s ditz. Podètz verificar suu siti deu Congrès. Me soi interdit lo mot “agacharà” a maugrat deus sons quate “A” fòrça temptaires. La tòca èra tanben de respectar la rima e lo ritme ende que sia bon cantar. A vòstes instruments!
 

La carnsalada
(fabla d’Armanhac)
 
La carnsalada grassa,
La hampa, la sabrassa,
A la brasa passada,
La gata l’a panada!
 
Manja pas, la rapaça,
Pas nada trava, traça,
Davara, sala blaga!
A la cava s’amaga.
 
La grana brava canha,
L’ahar, ah, la tacanha,
L’agrada pas, adara,
Va l’acaçar, amara.
 
“Caraca agaçanta,
M’as hartada, lassanta,
Chapa pas, camarada,
Saps plan, l’as pas pagada!”
 
La gata, cara canda,
Dança la sarabanda,
Parla pas a la canha,
Hala tà la campanha.
 
Canha, gata randada,
Marchan capvath la prada
La brava vaca passa,
Ara, parlan amassa.
 
La vaca: “A l’agaça,
A l’amna tan sagaça,
Balharatz carnsalada,
La qu’atz abans panada?
 
Cara a la vaca blanca
Vagant davath la branca
S’apatzan gata, canha,
La calma ja las ganha.
 
Acabada la ràbia
Fachada a la gàbia,
Partatjan dab l’agaça
La carnsalada grassa.
 
La pamparra arrasa
S’anaràn tà la casa.
Glapada agradabla …
 
Acabada la fabla!
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Joan-Marc LECLERCQ
3.

#2 Òsca, que m'agrada fòrça en aranés !! Plan ritmat, de mès.

  • 1
  • 0
Amanda d'Aran Alcarràs
2.

A
Ah, ah, ah
Ah ahlamada anma d’Aran¡
Ara m’agrada abracar l’abraçada
Abans d’anar tath campanar
A campar ara agaçanta agla
Acaçar, agarrar, ath gat,
Ath gat nhacar, ath arrat,
Ath can atacar ath gat.
Ah, ah, ah.

  • 2
  • 0
Pascau
1.

Va plan! M'agrada plan la canta!

  • 2
  • 0

Escriu un comentari sus aqueste article