Opinion
La guèrra deus vaccins es tornada
A pas trigat. A pas sufit que lo govèrn d’Edouard Philippe anóncie per sa ministra de la Santat, Agnés Buzyn, que lo nombre de vaccins obligatòris passèren de 3 a 11, ende desenterrar la pigassa de guèrra entre los pro-vaccins e los anti-vaccins.
Vaquí doncas un vielh pelei reviscolat per un govèrn benlèu pressat.
Disi de tira qu’envegi los qu’an un avís trencat sus la question. Soi pas mètge, soi pas farmacian, soi pas quimista e lo debat me deisha pensatiu. Soi entornejat dens ma vita vitanta per monde anti-vaccins, mes m’i escadi de guardar la sang freda. M’interèssi lavetz meslèu au debat eth medish.
Vesi sustot que los debataires son sovent segurs d’eths medishes e an la tendéncia d’estar agressius e auturoses de cap a los que pensan pas la medisha causa.
Los anti-vaccins nos dison que cau deishar d’estar motons quan los pro-vaccin comparan los autes aus partidaires de la Tèrra Plana. E totis an en comun d’estar especialistas reconeishuts autoproclamats deu problèma.
M’apugi lavetz sus elements que’m semblan racionaus e de pas discutir. N’i a, totun.
Sembla que los vaccins estón una invencion de las bonas que permetón d’eradicar malautias de las qualas monde patissèvan.
“En medish temps” (Com ditz E. Macron eth medish), pensar que los laboratòris farmaceutics que venen los vaccins an pas una influéncia suus politicians end’ensajar de tirar la lei a lor favor me sembla pas tanpauc complètament un deliri.
Pr’amor que sovent los adversaris parlan pas de la medisha causa. Los “pro” son generalament fòrça racionalistas e defenen la sciéncia, quan los “anti” se mauhisan meslèu d’un sistèma basat suus sòus que pòt desaviar de sa tòca de santat publica quin programa que sia.
Lo fracàs de l’operacion de vaccinacion contra lo virus H1N1 o l’escandale Servier-Mediator èran pas ende rassegurar lo ciutadan. La prèssa dambe la quala lo govèrn navèth decidís de legiferir pausa tanben questions. Se sap qu’un president elegit de fresc deu tornar las còstas de sa campanha a los que l’an sostengut. Totis se bremban plan de Jacques Chirac que decidiscoc de tornar hèr los ensais nuclearis tre son arribada au palau de l’Elisèu.
Puèi, per astre, i a tanben monde, sovent mètges, que son pas anti-vaccins mes que pensan lo nombre d’11 es fòrça exagerat. Una iscla de rason, benlèu, dens una Mar Grana de passion descabestrada.
Vaquí doncas un vielh pelei reviscolat per un govèrn benlèu pressat.
Disi de tira qu’envegi los qu’an un avís trencat sus la question. Soi pas mètge, soi pas farmacian, soi pas quimista e lo debat me deisha pensatiu. Soi entornejat dens ma vita vitanta per monde anti-vaccins, mes m’i escadi de guardar la sang freda. M’interèssi lavetz meslèu au debat eth medish.
Vesi sustot que los debataires son sovent segurs d’eths medishes e an la tendéncia d’estar agressius e auturoses de cap a los que pensan pas la medisha causa.
Los anti-vaccins nos dison que cau deishar d’estar motons quan los pro-vaccin comparan los autes aus partidaires de la Tèrra Plana. E totis an en comun d’estar especialistas reconeishuts autoproclamats deu problèma.
M’apugi lavetz sus elements que’m semblan racionaus e de pas discutir. N’i a, totun.
Sembla que los vaccins estón una invencion de las bonas que permetón d’eradicar malautias de las qualas monde patissèvan.
“En medish temps” (Com ditz E. Macron eth medish), pensar que los laboratòris farmaceutics que venen los vaccins an pas una influéncia suus politicians end’ensajar de tirar la lei a lor favor me sembla pas tanpauc complètament un deliri.
Pr’amor que sovent los adversaris parlan pas de la medisha causa. Los “pro” son generalament fòrça racionalistas e defenen la sciéncia, quan los “anti” se mauhisan meslèu d’un sistèma basat suus sòus que pòt desaviar de sa tòca de santat publica quin programa que sia.
Lo fracàs de l’operacion de vaccinacion contra lo virus H1N1 o l’escandale Servier-Mediator èran pas ende rassegurar lo ciutadan. La prèssa dambe la quala lo govèrn navèth decidís de legiferir pausa tanben questions. Se sap qu’un president elegit de fresc deu tornar las còstas de sa campanha a los que l’an sostengut. Totis se bremban plan de Jacques Chirac que decidiscoc de tornar hèr los ensais nuclearis tre son arribada au palau de l’Elisèu.
Puèi, per astre, i a tanben monde, sovent mètges, que son pas anti-vaccins mes que pensan lo nombre d’11 es fòrça exagerat. Una iscla de rason, benlèu, dens una Mar Grana de passion descabestrada.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'amic Joan-Marc Leclerc maneja fòrt plan lo son dialecte e la dialectica.
Cal ajustar que fa qualque temps, se cal cargar mai de tres vaccins per manca de boetas de tres.
Se la lei normaliza la penuria, qu'organisa lo mercat...
Aquò´s lo fisson de la pica-pelada, ça diriá Vestrepain!
#4 Soi d'acord, a baish los antivaccins que meten en risc la salut publica!
Nos cal a totes, obligatòriament, un vaccin contra lo liberalisme, contra l'individualisme e contra la somission a la lei dels mai fòrts. Aquí los problèmas de collusion entre los interèsses sanitaris de las populacions e los interèsses financièrs privats seràn levats de tira !
#1
La malausia es pus epidemica justament gràcia à la vaccinacion.
E s'èra pas estada descobèrta, serem pas achí perque nòstes parents aurén belèu cargat la tuberculòsi o lo colerà avant que neishússim.
#1 Per contra, fer perilhar la samtat dau conjunt de la societat (perque lo problèma es que pocas personas non-infectadas bastan per a que lo gèrmen sobrevisca e evolucione) per paur es la solucion non-nazi, e?
Non-nazi es que de mainatges moren de difteria per no estre vaccinats?
Non-nazi es pretendre lo drèch de metre en perilh la santat da la gent per d'ideas scientificas dubtosas e contra la evidència?
Lo fach que lo sistèma inmunitari se desvolope durant la infantesa mercés au contacte amb los patògens es secondari. Melhor es una infeccion tota naturala (osca!) que un pauc d'aluminium artificial. Totes saben que las vaccinas son dolentas mai enlà de la teorià scientifica perque los faches o demostran (las personas son massivament mortas, sustot sus los paises desvolopats ont los pichons enfants son vaccinats) ! Mos papets avevan l'astre de poder s'infectar de picòta LIURAMENT.
Que òc, las mesuras higienicas ajudan plan, mas lo mainatge de la difteria vivià pas dins lo fem (pas mai que sos companhons vaccinats que son huei encara vivents). Edart?
Ieu soi pas metge ni biologista e coneishi pauc se 11 sera tròp, mas 11 melhor que 0. Soi pas expèrt e sabi pas se lo secretisme de la industria farmaceutica francesa es grand o pichon (mas es un afar liat au capitalisme, cau pas o doblidar) coma tanpauc sabi pas se las quajtitas d'aluminium i son excessivas, mas se tracta d'un debat scientific. Soi pas francés e es paussible que la remesa de la lei sia criticable, o ignori. Totun, lo debat civil interessa mas la gent viu o mor, e la mort no s'atura a finalisar lo debat. Los efectes secondaris de se far vaccinar poden existir e cal los estudiar, mas los efectes primaris de se far pas vaccinar son plan coneishuts. Escuèlhem?
E ben, tocant lo darrier paragràf, los vaccins son pas de medecina quimia, by the way, mas lo fruit d'estudiàr los microorganismes e virus e, plan sovent, de los injectar afeblits. Naturals coma la farigola! Mas ben, soi pas capaç de trobar la relacion entre guarir l'ipertiroidisme e la pèrta de democracia. Los quites nazis eran plan olistics, eles, tamben.
En fin, auf Wiedersehen!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari