CAPÇALERA2: AMICS DE JORNALET

Jornalet, gaseta occitana d'informacions

Dimenge, 30 d'abril

Joan-Marc Leclercq

Dimars, 18.4.2017 03h00

Erdoğan pren exemple sus … França (!)


Comentaris 2 comentaris    
Dolent Fluix Bo Molt bo Fabulós (4 vòtes)
carregant En cargament


Aqueste diumenge s’es debanat en Turquia un referéndum sus refòrmas de la constitucion turca. La premsa de l’Estat francés l’a presentat coma una temptativa deu president actuau Recep Tayyip Erdoğan d’installar una mena de dictatura dens son país en tot ahortir sons poders pròpi.
 
Suu fons, soi meslèu d’acòrdi, mes s’espiam los detalhs, l’ahar sembla pro saborosa …
 
Quinas son aquelas refòrmas màgers que nos van apitar lo fascisme en Anatolia?
 

— Refòrma màger: alinhament de las eleccions presidencialas e legislativas que’s debanaràn a l’encòp. Te, aquò me bremba quicòm. Es çò que hascón amassa Jacques Chirac e Lionel Jospin. Lo ròtle de las legislativas estoc atau minimizat e lo regime se hascoc lavetz presidenciau, dens la tradicion bonapartista de l’Estat francés jacobin, çò que pòt pas desagradar a Erdoğan, fin finala.
 
Lo pòste de capministre es suprimit. Aquò s’alinha suus Estats Units. Lavetz que, au Reiaume Unit, Belgica, Alemanha, Soïssa, Paises Basses, Italia, Espanha, lo capministre es gessit de las eleccions legislativas, en França, es gessit de las presidencialas, levat en cas de coabitacion, vaduda gaireben impossibla per l’alinhament e l’inversion deu calendèr electorau.
 
Creacion de l’Estat d’urgéncia a l’iniciativa deu president e lo parlament lo poderà abracar, perlongar o acabar. Te, aquò me bremba quicòm un còp de mès. Dens l’exagòne, es lo conselh deus ministres (gessits de l’eleccion presidenciala) que’u declaran.
 
Lo nombre de deputats es portat de 550 a 600. Se lo nombre de deputats aflaquís lo poder deu parlament, cau saber que França es un deus paises on lo nombre de parlamentaris es mès haut, dabans Alemanha, Italia, Espanha, Estats-Units, Belgica e Soïssa.
 
Los tribunaus militars son dissolvuts.
 
Dens l’Estat francés, l’executiu pòt utilizar l’article 49.3 per cortcircuitar lo parlament, çò que hascoc recentament end’una refòrma refusada peu pòble a 80% e una majoritat deus deputats. Aqueste executiu receboc un blasme de las comissions deus Drets de l’Òmi de l’Union Europenca e de las Nacions Unidas per sa refòrma de las entitats territorialas que hascoc shens deu dret fondamentau deus pòbles de dispausar d’eths medishes. Vesèm qu’es mès aisit peus mèdias dits “nacionaus” de trobar miaças a la libertat en çò deu vesin que non pas analizar çò que’s debana en çò son.
 
Vertat es que, en Turquia, es meslèu la situacion de la premsa e de l’oposicion que pausa un vertadèr problèma de libertat. Lo regime a largament profieitat deu poch mancat end’arrestar tot çò que’u podèva hèr empach. 110 000 foncionaris estón revocats e 36 000 personas encarceradas.
 
Am lavetz assistit a una liberacion d’una cèrta fòrma de complotisme, mentre la quala l’evocacion d’una manipulacion organizada peu poder eth medish èra permetut suus mèdias franchimands que, de costuma, son meslèu sevères de cap a suputacions d’aquesta mena.
 
En resumit, lo regime turc de 2017 es fòrtament autoritari e la libertat d’expression es clarament escarnida. Per contra, los mèdias de l’Estat francés s’esmaven de çò que Turquia se sia dotada d’una constitucion que seré antidemocratica, quitament se se semblaré fòrça a la de … la republica francesa.
 
E ironia suplementària: quan Chirac e Jospin impausèn lo regime presidenciau, convoquèn pas un referéndum ende demandar l’avís deu pòble, eths.
 
 
 
abonar los amics de Jornalet
 




 



publicitat



Comentaris

22 d'abril 11.24h

Potser tot plegat es d'algú que no te gaire seny o intel·ligència, o que no pensa amb el cap, ja que no veu que algun dia això se l'hi pot tornar en contra.
L'Erdogan no es gaire llest, però si dictatorial.
Visca la Terra...Lliure!
L'Ernest, "El Tàrrega".


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

19 d'abril 13.01h

E òc.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Perfil

Joan-Marc Leclercq

Joan-Marc Leclercq logo rss

Musician de profession, autor d’un líber de conversacion suu gascon, d'un roman istoric "Ucraïna", d'un diccionari de rimas e de duas pèças de teatre.

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions