Opinion
Black metal
Una lenga normala o deu poder tot exprimir. Deu èsser capabla de foncionar dins tots los estils de musica e de literatura. Lo black metal es un genre de rock que s’aclimata lentament a l’occitan e qu’illustra ben la question.
Dins los ans 1970, una concepcion rigida e imbecilla de nòstra cultura d’òc interdisiá aus musicians de far dau rock, dau funk o dau disco en occitan. La musica modèrna e internacionala èra bandida. I aguèt be daus assais timids de jazz, de blues o d’introduccion dau sintetizador en occitan mas restèron excepcionaus.
Un rock occitan apareguèt lentament dins los ans 1980. Mas quò foguèt dins los ans 1990 que devenguèt enfin acceptat. E sustot, chausa novèla, lo rap occitan arribèt emb estrambòrd a la mesma epòca... Dise lo rap mas se tracta pus exactament dau raggamuffin, una mescla de rap e de reggae venent de Jamaica e que bèucòp d’occitanistas creson qu’es aquò lo rap...
Los ans 2000 e 2010 an vist emergir daus grops que chantan en occitan daus genres de mai en mai radicaus: l’elèctro emb Arvèi T, lo folk metal emb Stille Volk o Hantauma, lo punk rock emb Arnapi, una mescla de punk e d’hard rock emb Sonoloco, una associacion d’ska e de punk emb Golamàs’K, etc. Ja i aviá una mescla de punk e de tradicion tre los ans 1990 emb Lo Dalfin...
E maitot avèm de las experiéncias de black metal en occitan... Lo black metal es un sosgenre d’heavy metal qu’es eu mesme un descendent destachat de l’hard rock. Lo black metal se caracteriza per de las chançons d’una estructura pauc convencionala, una energia extrèma e sovent un ambient misteriós e estetic. Sas racinas remontan aus ans 1980 emb los anglés de Venom, los suedés de Bathory o los soís alemands de Celtic Frost. Mas quò es en Norvègia que l’arquetipe dau black metal s’es cristallizat dempuei lo començament daus ans 1990 emb daus grops innombrables e prolifics coma Satyricon o Emperor...
Los ans 2000 e 2010 an vist una prodigiosa expansion internacionala dau black metal emb una adaptacion a bèucòp de lengas e de culturas dau Mond, s’associant aus folclòres e mites ancians de tots los país. Aitau se pòt escotar dau black metal en norvegian emb Myrkraverk, en berbèr emb Barbaros, en armèni emb DivahaR, en quíchoa emb Yana Supay, en romanés emb Negură Bunget o en grèc emb Kawir...
E trobam be dau black metal en occitan emb lo grop efemèr Sornura (‘Sournura’) de fai dètz ans o lo projècte pus recent de Bèstia Borruda (‘Beitio Bourrudo’). Tanben avèm un grop coma Aorlhac que valoriza sa cultura occitana mas qu’o chanta tot en francés malaürosament.
L’afar recent dau faissista norvegian Kristian Vikernes, arrestat en Lemosin, poiriá complicar las chausas. Aquel òme es maitot un artista black metal que se fai apelar Burzum, Varg Vikernes o Count Grishnackh. Ja lo condemnèron en Norvègia per murtre e incendis de glèisas. Dempuei qu’es sortit de sa preson norvegiana, Vikernes s’incrusta en Occitània emb un discors sus las raiç europèas, plen d’astúcia, plen de racisme e sens valor scientifica. Pretend valorizar las raiç mas mesprèsa e ignòra nòstra lenga occitana de Lemosin. Crida sos seguidors a s’installar en Lemosin coma s’èra una tèrra verge... Vikernes es un enemic: que prejudica nòstra lenga, nòstre país e maitot lo black metal. Perque chau saubre que dins lo black metal majoritari, las gents son apoliticas e evitan lo neonazisme. Tanben trobam daus blackmetallaires antifaissistas coma los austrians d’Ewig Frost, e mai un corrent de black metal roge e anarquista (RABM)...
Una autra chausa que poiriá far paur es lo satanisme, pro frequent dins lo black metal. Mas quò es sovent una forma de rebellion puslèu qu’un culte dau mau. En contrast, tanben existís un black metal crestian, o unblack metal, e enquèra pus frequentament, un black metal pagan que valoriza los cultes ancians daus diferents país.
Un sociolingüista, quand s’interèssa a aquesta musica de sauvatges, pòt suggerir quauques reflexions.
Dins los ans 1970, una concepcion rigida e imbecilla de nòstra cultura d’òc interdisiá aus musicians de far dau rock, dau funk o dau disco en occitan. La musica modèrna e internacionala èra bandida. I aguèt be daus assais timids de jazz, de blues o d’introduccion dau sintetizador en occitan mas restèron excepcionaus.
Un rock occitan apareguèt lentament dins los ans 1980. Mas quò foguèt dins los ans 1990 que devenguèt enfin acceptat. E sustot, chausa novèla, lo rap occitan arribèt emb estrambòrd a la mesma epòca... Dise lo rap mas se tracta pus exactament dau raggamuffin, una mescla de rap e de reggae venent de Jamaica e que bèucòp d’occitanistas creson qu’es aquò lo rap...
Los ans 2000 e 2010 an vist emergir daus grops que chantan en occitan daus genres de mai en mai radicaus: l’elèctro emb Arvèi T, lo folk metal emb Stille Volk o Hantauma, lo punk rock emb Arnapi, una mescla de punk e d’hard rock emb Sonoloco, una associacion d’ska e de punk emb Golamàs’K, etc. Ja i aviá una mescla de punk e de tradicion tre los ans 1990 emb Lo Dalfin...
E maitot avèm de las experiéncias de black metal en occitan... Lo black metal es un sosgenre d’heavy metal qu’es eu mesme un descendent destachat de l’hard rock. Lo black metal se caracteriza per de las chançons d’una estructura pauc convencionala, una energia extrèma e sovent un ambient misteriós e estetic. Sas racinas remontan aus ans 1980 emb los anglés de Venom, los suedés de Bathory o los soís alemands de Celtic Frost. Mas quò es en Norvègia que l’arquetipe dau black metal s’es cristallizat dempuei lo començament daus ans 1990 emb daus grops innombrables e prolifics coma Satyricon o Emperor...
Los ans 2000 e 2010 an vist una prodigiosa expansion internacionala dau black metal emb una adaptacion a bèucòp de lengas e de culturas dau Mond, s’associant aus folclòres e mites ancians de tots los país. Aitau se pòt escotar dau black metal en norvegian emb Myrkraverk, en berbèr emb Barbaros, en armèni emb DivahaR, en quíchoa emb Yana Supay, en romanés emb Negură Bunget o en grèc emb Kawir...
E trobam be dau black metal en occitan emb lo grop efemèr Sornura (‘Sournura’) de fai dètz ans o lo projècte pus recent de Bèstia Borruda (‘Beitio Bourrudo’). Tanben avèm un grop coma Aorlhac que valoriza sa cultura occitana mas qu’o chanta tot en francés malaürosament.
L’afar recent dau faissista norvegian Kristian Vikernes, arrestat en Lemosin, poiriá complicar las chausas. Aquel òme es maitot un artista black metal que se fai apelar Burzum, Varg Vikernes o Count Grishnackh. Ja lo condemnèron en Norvègia per murtre e incendis de glèisas. Dempuei qu’es sortit de sa preson norvegiana, Vikernes s’incrusta en Occitània emb un discors sus las raiç europèas, plen d’astúcia, plen de racisme e sens valor scientifica. Pretend valorizar las raiç mas mesprèsa e ignòra nòstra lenga occitana de Lemosin. Crida sos seguidors a s’installar en Lemosin coma s’èra una tèrra verge... Vikernes es un enemic: que prejudica nòstra lenga, nòstre país e maitot lo black metal. Perque chau saubre que dins lo black metal majoritari, las gents son apoliticas e evitan lo neonazisme. Tanben trobam daus blackmetallaires antifaissistas coma los austrians d’Ewig Frost, e mai un corrent de black metal roge e anarquista (RABM)...
Una autra chausa que poiriá far paur es lo satanisme, pro frequent dins lo black metal. Mas quò es sovent una forma de rebellion puslèu qu’un culte dau mau. En contrast, tanben existís un black metal crestian, o unblack metal, e enquèra pus frequentament, un black metal pagan que valoriza los cultes ancians daus diferents país.
Un sociolingüista, quand s’interèssa a aquesta musica de sauvatges, pòt suggerir quauques reflexions.
— Vesèm que lo black metal occitan a enquèra ben daus problèmas per utilizar una lenga occitana solida e corrècta: Bèstia Borruda deven Beitio Bourrudo*, Sornura deven Sournura*... Tot parier dins los autres genres musicaus occitans: Moresca Fracàs Dub deven Mauresca Fracas Dub*, Verd e Blau deven Verd e Blu*, Lo Dalfin deven Lou Dalfin*, Hantauma deven Hantaoma*, Golamàs’K deven Goulamas’K*... Dins d’autres país los musicians son ben pus exigents sus la qualitat de la lenga que defendon.
— Se lo black metal s’aclimata a tant de lengas, es normau qu’o faja maitot en occitan. Robèrt Lafont combat dins son òbra l’idèa de l’identitat occitana, rigida e immobila, fantasmada e artificiala, autolimitada e esterila. Eu preferís una personalitat occitana evolutiva perque, per definicion, totas las culturas vivas evolucionan emb daus elements novèus e imprevisibles. Uei quò es lo black metal qu’illustra aquela lei dins la cultura d’òc, coma lo rap fai vint ans, coma la mazurca d’origina polonesa fai dos sègles.
— Aquilhs que pretendon limitar la lenga d’òc a daus estils ben arrestats coma lo folk, la chançon de tèxts e lo raggamuffin, aquilhs practican la somission. Limitan l’occitan a certanas foncions e estils; abandonan d’autras foncions e d’autres estils a la lenga dominanta. En sociolingüistica aquò a nom distribucion foncionala e es un signe de subordinacion. Crear dau black metal o dau punk rock en occitan, aquò contribuís un pauc a estendre las foncions e los estils de la nòstra lenga.
— D’autras musicas modèrnas semblan enquèra absentas en occitan e, tanben, las chaudriá conquerir en lenga nòstra, coma lo gotic o l’R’n’B... E mai lo rap occitan, que ne sèm tan fièrs, se limita tròp enquèra. Es sovent un raggamuffin simpatic e solelhat e es una excellenta chausa. Mas nos chaudriá desvolopar d’autres genres. Perqué i a gran de gangsta rap en occitan??? E mai existís un rap de revitalizacion de las raiç, per exemple en Polonha emb Donatan: es un rap tot en polonés, crus e estetic, urban e rurau, oculte e creatiu, tradicionalista e ultramodèrne. Un pauc coma dins l’esperit dau black metal fin finala...
— Lo black metal deu son succès creissent a una cèrcha de las raiç prigondas, misteriosas e ocultas. Oculte significa “escondut, secret, dins l’ombra”. Nòstra lenga d’òc es oculta aus uelhs de la majoritat. L’estetica tan particulara dau black metal, ont çò oculte deven una qualitat, chau que done enveja de descobrir e de parlar l’occitan.
— Se lo black metal s’aclimata a tant de lengas, es normau qu’o faja maitot en occitan. Robèrt Lafont combat dins son òbra l’idèa de l’identitat occitana, rigida e immobila, fantasmada e artificiala, autolimitada e esterila. Eu preferís una personalitat occitana evolutiva perque, per definicion, totas las culturas vivas evolucionan emb daus elements novèus e imprevisibles. Uei quò es lo black metal qu’illustra aquela lei dins la cultura d’òc, coma lo rap fai vint ans, coma la mazurca d’origina polonesa fai dos sègles.
— Aquilhs que pretendon limitar la lenga d’òc a daus estils ben arrestats coma lo folk, la chançon de tèxts e lo raggamuffin, aquilhs practican la somission. Limitan l’occitan a certanas foncions e estils; abandonan d’autras foncions e d’autres estils a la lenga dominanta. En sociolingüistica aquò a nom distribucion foncionala e es un signe de subordinacion. Crear dau black metal o dau punk rock en occitan, aquò contribuís un pauc a estendre las foncions e los estils de la nòstra lenga.
— D’autras musicas modèrnas semblan enquèra absentas en occitan e, tanben, las chaudriá conquerir en lenga nòstra, coma lo gotic o l’R’n’B... E mai lo rap occitan, que ne sèm tan fièrs, se limita tròp enquèra. Es sovent un raggamuffin simpatic e solelhat e es una excellenta chausa. Mas nos chaudriá desvolopar d’autres genres. Perqué i a gran de gangsta rap en occitan??? E mai existís un rap de revitalizacion de las raiç, per exemple en Polonha emb Donatan: es un rap tot en polonés, crus e estetic, urban e rurau, oculte e creatiu, tradicionalista e ultramodèrne. Un pauc coma dins l’esperit dau black metal fin finala...
— Lo black metal deu son succès creissent a una cèrcha de las raiç prigondas, misteriosas e ocultas. Oculte significa “escondut, secret, dins l’ombra”. Nòstra lenga d’òc es oculta aus uelhs de la majoritat. L’estetica tan particulara dau black metal, ont çò oculte deven una qualitat, chau que done enveja de descobrir e de parlar l’occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Quiò qu'a dit aquò... e puish qu'a tornat har heavy metal autant "afro-maishant" com abans.
Ne cau pas cercar ua logica dens çò qui ditz : qu'ei pèc e hòu... E racista, çò qui ei mei geinant.
Ne'm poish pas empaishar, parièr, d'escotar çò qui hè e de'u considerar com un artista important de ger e de uei.
#13 Ulhart, b'ei BON, macarèu!
Mercés Marxelin! Uèra un ligam qui foncciona de cap a ua cançon qui sembla en òc http://www.youtube.com/watch?v=qmnWzuySpaw
Mercés Domèrgue tanben : lo ton article que cita grops e moviments qui ne coneishèvi pas e que soi a descobrir bons grops...
Qu'ei con que legi aquò sonque ara : qu'aurí tienut compte entà escríver lo men article suu black en òc....
Que'm cau clicar sus "opinions" mei sovent dilhèu....
E coneishetz l'album Chanson de la Croisade deu grop Lemuria?
Sabi pas s'es una mòda mas de mai en mai de joves que fan de metal se meton de cantar en occitan, per d'unes ausissi pas gaire la qualitat de la lenga del cantaire mas en tot cas an lo meriti d'utilizar la lenga nòstra e d'i donar un costat mens poscós. Uèi veni de ne descobrir dos
- Ulhart : http://www.ulhart.blogspot.fr/
- Anal Decapitation (aquò's pas una galejada) : http://www.youtube.com/watch?v=kw17OqkThEk
Dins tot aquò cal pas oblidar lo grop gascon Boisson Divine ( http://boissondivine.com/ ) o lo grop provençal Galderia : http://www.youtube.com/watch?v=e2cVzHi1-7w . Per aqueles darrièrs, la version de la "Coupo Santo" es pas de las melhoras mas aquò's pas qu'un vejaire personal.
#7 Es una espèra qu'avem en comun Lutz. En bon fan de musica dark electro, benlèu coma tu, es pas sus l'empont occitan que tròbi mon bonur. Mès benlèu qu'un jorn...
#9 Mercès plan !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari