Opinion
Catalonha: un vòte clar, franc, massís
Los catalans votèron massissament aqueste dimenge per prene en man lor avenidor en se portant clarament sul vòte en favor de l’independéncia. Las doas listas independentistas d’Amassa per l’Òc (Junts pel Sí) e de la CUP, lo partit de l’esquèrra radicala, obtenguèron amassa lo 47,8% dels sufragis fàcia a autras nòu listas. La victòria independentista es d’aitan mai legitima que lo taus de participacion culminèt a mai del de 77%.
Amb 72 elegits sus 135, la majoritat absoluda al Parlament de Catalonha es doncas aquesida als independentistas e lo procès d’independéncia es desenant en marcha.
Acusats d’egoïsme per Madrid qu’assaja ara d’explicar la causida catalana per la poténcia economica de la Genealitat coma per la màger part dels mèdias francesa que cèrcan mai que mai lors informacions a Madrid, los electors catalans an totun literalament evacuat la drecha tradicionala de l’escaquièr politic. La revendicacion independentista, istoricament ancorada a esquèrra, a sauput convéncer qu’aquela via èra la soleta per la justícia sociala, la solidaritat e lo melhor barri contra l’austeritat. Amassa per l’Òc e la CUP sostenon las revendicacions feministas, la defensa del drech del trabalh, de l’environament e dels serviciis publics, bèla pròva qu’aquel movement a pauc a veire amb los luòcs comuns que la premsa francesa sovent li assòcia. Lo partit Podèm (Podemos), en tergiversant sul drech a l’autodeterminacion catalana, pervenguèt pas, el, a convéncer e atenh pas lo 9% dels vòtes.
Ara Euròpa o ganhariá tot amb una republica catalana en son sen, ont la democracia aurà tornat trapar tot son sens. Los candidats d’Amassa per l’Òc an recordat qu’en cas d’independéncia defendràn lo principi de solidaritat dintre Euròpa e la necessària pluralitat d’una nacion qu’a partejat tantas causas amb Espanha.
Res se deu pas opausar, ara, a la democracia ni a la causida sobeirana dels quites catalans.
Lo Partit Occitan sosten d’a fons lo procès en cors e desira qu’inspire positivament los pòbles d’Euròpa.
Amb 72 elegits sus 135, la majoritat absoluda al Parlament de Catalonha es doncas aquesida als independentistas e lo procès d’independéncia es desenant en marcha.
Acusats d’egoïsme per Madrid qu’assaja ara d’explicar la causida catalana per la poténcia economica de la Genealitat coma per la màger part dels mèdias francesa que cèrcan mai que mai lors informacions a Madrid, los electors catalans an totun literalament evacuat la drecha tradicionala de l’escaquièr politic. La revendicacion independentista, istoricament ancorada a esquèrra, a sauput convéncer qu’aquela via èra la soleta per la justícia sociala, la solidaritat e lo melhor barri contra l’austeritat. Amassa per l’Òc e la CUP sostenon las revendicacions feministas, la defensa del drech del trabalh, de l’environament e dels serviciis publics, bèla pròva qu’aquel movement a pauc a veire amb los luòcs comuns que la premsa francesa sovent li assòcia. Lo partit Podèm (Podemos), en tergiversant sul drech a l’autodeterminacion catalana, pervenguèt pas, el, a convéncer e atenh pas lo 9% dels vòtes.
Ara Euròpa o ganhariá tot amb una republica catalana en son sen, ont la democracia aurà tornat trapar tot son sens. Los candidats d’Amassa per l’Òc an recordat qu’en cas d’independéncia defendràn lo principi de solidaritat dintre Euròpa e la necessària pluralitat d’una nacion qu’a partejat tantas causas amb Espanha.
Res se deu pas opausar, ara, a la democracia ni a la causida sobeirana dels quites catalans.
Lo Partit Occitan sosten d’a fons lo procès en cors e desira qu’inspire positivament los pòbles d’Euròpa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Per aqueles que m'an marcat de sagetas rojas, an pas qu'a s'imaginar un resultat contrari : 52,2% de las voses per l'independéncia e pas que 63 deputats (del 135) . Seriá pas "un vòte clar, franc, massís" en favor de l'independéncia?
Excellent analisi del Martèl, ne dirai pas mai. Mas atencion als estrambòrds : lo vòte es « massís », d'acòrdi (77 % de participacion, fa longtemps qu'avèm pas vist aquò pel canton!), « franc », segurament, mas « clarament en favor de l'independéncia » o es pas encara. Me sembla que l'independéncia se pòt pas contentar d'una majoritat de siètis, caldrà clarificar amb una majoritat de las voses dins un referendum vertadièr. A vèire encara l'actitud de Madrid...
Quauques remarcas :
-la bona novèla es que los neo-falangistas de Rajoy an perdut pas luenh de la meitat de lors deputats, maugrat lor clip grotesc ont assajavan de parlar un catalan aproximatiu. Los « socialistas » pèrdon tanben, mas mens. Los que recuperan lors voses son los clones dau PP, Ciudadanos, que solets de jornalistas franceses ignorants poion considerar coma de « centre drecha progressista », e que juan de lor discors anti-corrupcion (en essent pas au poer enluec, segur que riscan pas d’estre tentats per la corrupcion ...).
-Aquo dich, la victoria dau camp independentista es limitaa per lo fach qu’es pas segur que la CUP sostenga que que sieie coma politica, e per lo fach que l’i a efectivament pas de majoritat en voses. Mas ço qu’eissublian los comentators, pron sovent, es que los 10 deputats de Si qu’es pot son per un referendum, emai seguesson pas per l’independéncia. Aquo vol dire que la demanda de consultacion es mai que majoritària, e que Rajoy ne deuria tenir compte, non pas perseverar dins son testarditge grotesc.
-Se los espanhols volon evitar la separacion, lor chau doncas començar per liquidar en decembre lo PP, e chau que lo govèrn que ne surtirè negocie enfin amb los catalans, drant de chambiar la constitucion cripto-franquista de 78, e son conselh constitucionau, lo qu’a fotut lo pati que conoissèm
#1
E dins l'estat francés lo Partit Occitan refusa de se prononciar per l'independéncia d'Occitània.
Per las eleccions regionalas de decembre de 2015 en Occitània Centrala s'aliga contra natura damb los ultràs nacionalistas franceses del Parti de Gauche
En Occitània Junts pel Si s'apelaria o se podria apelar Front Democratic Occitan ... lo Partit Occitan ne vòl pas.
Lo Partit occitan es per l'independéncia... en Catalonha. Plan solide!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari