Opinion
Los partits ecologistas d’Euròpa e las questions nacionalas: Islas Britanicas (1)
Aquesta seria de tres articles presenta la question de las nacions minorizadas d’Euròpa vista per los partits ecologistas d’unes païses d’Euròpa a partir de l’article “Écologie et régionalisme” de Tudi KERNALEGENN[1].
Al nivèl europèu, lo Partit Verd Europèu (PVE) amassa los partits ecologistas d’Euròpa subre una plataforma ecologista comuna e una basa territoriala que non es pas sistematicament estatala.
Al parlament europèu, l’Aligança Liure Europèa (ALE) amassa los elegits ecologistas del parlament europèa del Partit Verd Europèu (PVE) e d’elegits nacionalistas o regionalistas. Aquesta aligança non se tròba pas obligatòriament al nivèl dels Estats. Dins fòrça regions ont un partit membre de l’ALE es present, siá los ecologistas son febles (per exemple en Sardenha o en Galícia), siá ecologistas e regionalistas son en concurréncia (çò que non exclús pas d’aliganças ponctualas, coma en Bretanha entre 2004 e 2011, Aquitània en 2011 o Miègjorn-Pirenèus en 2011 e 2015).
En Euròpa, la majoritat dels partits ecologistas adoptan un foncionament regionalizat e un projècte regionalista que los distinguisson fòrtament de las autras familhas politicas.
Començam per los partits ecologistas de Granda Bretanha, e acabarem per l’estat mai centralizat, França.
The Green Party of England and Wales
Son tres partits ecologistas que se partisson lo territòri del Reialme-Unit. Son lo Green Party of England and Wales (GPEW) per Anglatèrra e País de Galas, lo Scottish Green Party (SGP) en Escòssia e lo Green Party in Northern Ireland, qu’es dempuèi 2006 una estructura regionala del Green Party of Ireland (Comhaontas Glas en gaëlic). Lo GPEW, lo SGP e lo Green Party of Ireland son cadun dirèctament afilhats al Partit Verd Europèu (PVE).
Lo Green Party of England and Wales (GPEW) es un partit regionalizat. Son estructura galesa, lo Wales Green Party (Plaid Werdd Cymru) benefícia d’una autonomia estatutària, amb la possibilitat de redigir son pròpi manifest e d’elegir un president, coma o necessita l’assemblada nacionala del País de Galas dempuèi la devolucion en Granda Bretanha.
Lo Green Party of England and Wales se pronóncia per l’enfortiment de la devolucion (eventualament, fins a l’independéncia) en Escòcia, País de Galas e Irlanda del Nòrd amb l’autreg de la competéncia fiscala a cada assemblada. Sosten la mesa en plaça d’una assemblada de Cornoalha britanica, subre lo modèle galés, de per l’identitat geografica e istorica especifica de Cornoalha.
The Scottish Green Party
Lo Scottish Green Party (Pàrtaidh Uaine na -Alba en gaëlic e Scots Green Pairty en scots[2]) se separèt dels Greens britanics en 1990, d’un biais amical, e devenguèt membre direct del Partit Verd Europèu e dels Global Greens (Verds mondials). Ideologicament, an lo meteis posicionament ecologic que lo GPEW, mas desvolopèron un projècte independentista per Escòcia. La devolucion es vista positivament per lo partit. Ça que la, lo SGP estima qu’es insufisenta se Escòcia non contraròtla pas son budget.
Lo SGP foguèt un actor important de la campanha per lo Òc a l’independéncia al referèndum d’autodeterminacion del 18 de setembre de 2014 (ont lo Non l’emportèt amb 55,4 % de las voses). I gasanhèt una bona visibilitat: mentre que lo partit revendicava 1 200 aderents en 2013, n’anóncia 9 000 en 2015.
[1] Nota n°9 de junh de 2016 de la Fondation de l’Ecologie Politique
[2] lo scots es una lenga germanica coma l’anglés parlada dins las bassas tèrras d’Escòcia (Lowland Scotland) e en Irlanda del Nòrd mentre que lo gaelic escocés es una lenga celtica parlada dins los Highlands.
Al nivèl europèu, lo Partit Verd Europèu (PVE) amassa los partits ecologistas d’Euròpa subre una plataforma ecologista comuna e una basa territoriala que non es pas sistematicament estatala.
Al parlament europèu, l’Aligança Liure Europèa (ALE) amassa los elegits ecologistas del parlament europèa del Partit Verd Europèu (PVE) e d’elegits nacionalistas o regionalistas. Aquesta aligança non se tròba pas obligatòriament al nivèl dels Estats. Dins fòrça regions ont un partit membre de l’ALE es present, siá los ecologistas son febles (per exemple en Sardenha o en Galícia), siá ecologistas e regionalistas son en concurréncia (çò que non exclús pas d’aliganças ponctualas, coma en Bretanha entre 2004 e 2011, Aquitània en 2011 o Miègjorn-Pirenèus en 2011 e 2015).
En Euròpa, la majoritat dels partits ecologistas adoptan un foncionament regionalizat e un projècte regionalista que los distinguisson fòrtament de las autras familhas politicas.
Començam per los partits ecologistas de Granda Bretanha, e acabarem per l’estat mai centralizat, França.
The Green Party of England and Wales
Son tres partits ecologistas que se partisson lo territòri del Reialme-Unit. Son lo Green Party of England and Wales (GPEW) per Anglatèrra e País de Galas, lo Scottish Green Party (SGP) en Escòssia e lo Green Party in Northern Ireland, qu’es dempuèi 2006 una estructura regionala del Green Party of Ireland (Comhaontas Glas en gaëlic). Lo GPEW, lo SGP e lo Green Party of Ireland son cadun dirèctament afilhats al Partit Verd Europèu (PVE).
Lo Green Party of England and Wales (GPEW) es un partit regionalizat. Son estructura galesa, lo Wales Green Party (Plaid Werdd Cymru) benefícia d’una autonomia estatutària, amb la possibilitat de redigir son pròpi manifest e d’elegir un president, coma o necessita l’assemblada nacionala del País de Galas dempuèi la devolucion en Granda Bretanha.
Lo Green Party of England and Wales se pronóncia per l’enfortiment de la devolucion (eventualament, fins a l’independéncia) en Escòcia, País de Galas e Irlanda del Nòrd amb l’autreg de la competéncia fiscala a cada assemblada. Sosten la mesa en plaça d’una assemblada de Cornoalha britanica, subre lo modèle galés, de per l’identitat geografica e istorica especifica de Cornoalha.
The Scottish Green Party
Lo Scottish Green Party (Pàrtaidh Uaine na -Alba en gaëlic e Scots Green Pairty en scots[2]) se separèt dels Greens britanics en 1990, d’un biais amical, e devenguèt membre direct del Partit Verd Europèu e dels Global Greens (Verds mondials). Ideologicament, an lo meteis posicionament ecologic que lo GPEW, mas desvolopèron un projècte independentista per Escòcia. La devolucion es vista positivament per lo partit. Ça que la, lo SGP estima qu’es insufisenta se Escòcia non contraròtla pas son budget.
Lo SGP foguèt un actor important de la campanha per lo Òc a l’independéncia al referèndum d’autodeterminacion del 18 de setembre de 2014 (ont lo Non l’emportèt amb 55,4 % de las voses). I gasanhèt una bona visibilitat: mentre que lo partit revendicava 1 200 aderents en 2013, n’anóncia 9 000 en 2015.
[1] Nota n°9 de junh de 2016 de la Fondation de l’Ecologie Politique
[2] lo scots es una lenga germanica coma l’anglés parlada dins las bassas tèrras d’Escòcia (Lowland Scotland) e en Irlanda del Nòrd mentre que lo gaelic escocés es una lenga celtica parlada dins los Highlands.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari