CAPÇALERA: CAOC 2021-2022

Jornalet, gaseta occitana d'informacions

Dimècres, 22 de setembre

Alan Roch

Dimècres, 10.2.2021 03h00

Daissatz los orses en patz!


Comentaris 2 comentaris    
Dolent Fluix Bo Molt bo Fabulós (4 vòtes)
carregant En cargament





Per una decision del 4 de febrièr, lo Conselh d’Estat anulla la possibilitat d’autorizar l’espaurugament dels orses de Pirenèus mercé a tirs non-mortals (dison non-letals per pas utilizar la referéncia a la mòrt), tirs que son previstes dins un arrestat ministerial del 27 de junh de 2019.
 
Una desenat d’associacions ecologistas e de desfensa dels orses avián sasit de la question lo Conselh d’Estat. La juridiccion estima que lo tèxte ministerial respectava pas l’encastre legal que rendriá possibla la levada de l’interdit d’espaurugar una espècia protegida, amai siague a titre exeperimental coma temptava de ba justificar l’Estat. Lo collectiu nòta qu’aquela mesura illegala a pas permés d’obrar a la mesa en plaça d’alternativas coma la garda e lo recampament nocturne dels tropèls e l’utilizacion de gosses de proteccion.
 
De segur, aquela decision va pas apasimar los adversaris a la preséncia de l’ors dins las montanhas.
 
 
Pas de remplaçament dels orses tuats
 
Autre dossièr ont l’Estat francés ten pas sos engatjaments (en matèria ecologica, sembla d’èsser una règla!): la reintroduccion dels orses tuats. Tres trapèron la mòrt en 2020:
 

— L’ors Cachou, trapat mòrt en Val d’Aran en abril, probablament empoisonat.
 
— Un jove mascle tuat per bala en Arièja. La ministra de l’Ecologia anoncièt una denóncia per destruccion d’espècia protegida. Mas res dempuèi.
 
— Sarossa, una orsa tuada per un caçaire (que preniá part a una batuda al singlar dins la provincia d’Òsca).
 
En organizant pas lo remplaçament d’aquelas tres victimas, lo govèrn francés aplica pas son quite Plan Ors 2018-28 que prevei tanben l’arribada d’orses novèls pera ver una populacion ursina viabla e una joncion entre las doas zònas actualas de preséncia. Del costat de Brussèlas, se constata que l’estat de conservacion dels orses sul territòri francés es pas de las bonas.
 
 
 
 
abonar los amics de Jornalet
 
 

 



publicitat
BANNER1 - IEO 09 divendres espaci occitan



Comentaris

10 de febrièr 14.51h

Una de mas prestacions de contaire se titola : Los Contes d'Alan de l'Ors.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

10 de febrièr 13.15h

Quin ors? Volètz parlar d'aquel de la fòto o d'aquel que cèrca quicòm dins l'èrba? ?


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Alan Roch

Alan Roch logo rss

Responsable de l’IEO-Aude. Contaire,escriveire, cronicaire (ràdio, premsa escrita). Afogat de rugbi de 13.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions