CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimenge, 20 d'octòbre

Alan Roch

Dijòus, 1.8.2013 03h00

Volètz èsser “Miss Catara”?


Comentaris 17 comentaris    
Dolent Fluix Bo Molt bo Fabulós (13 vòtes)
carregant En cargament


Asilha
© Comuna d'Asilhan

Una autra vision de la femna catara qu'aquela d'un improbable concors de beutat!




Etiquetas
asilhan, menerbés, miss, miss catara, roch, rochasilhan

Una associacion del vilatge d’Asilhan (Menerbés), anóncia qu’organizarà un concors “Miss Catara” en novembre venent.

Las condicions d’inscripcion
son pro ben espantantas. Per èsser una “polida” catara:
 

– cal aver entre 18 e 22 ans,
– mesurar 1,67 m per lo mens (fa plan grand per l’Edat Mejana),
– èsser celibatària (es pas precisat se se farà un contraròtle de virginitat),
– sens enfant (vertat que s’es faita la reputacion als catars de pas èsser de fanatics de la natalitat e de l’aument de las allocacions familialas!),
– caldrà portar d’escarpins dels talons fins (per escapar als crosats e als inquisitors va pas èsser aisit...),
– serà pas necessari de far fialar la rauba dins un talhièr de bons òmes teisseires (nimai estampilhats Pays Cathare o Sud de France!!),
– probable que tota parucion de fotografia devestida o de 3/4 de fàcia dins lo Jornalet serà eliminatòria.
 
Aquelas condicions recampadas, nòstras “cataras” passaràn davant un tribunal! Ja que nomenar “miss” es justet per la representacion e la consideracion de las femnas (sabi pas s’es “etic”, un mot que repren fòrça lo règlament de la manifestacion), una Miss Catara francament aquò passa l’òsca.
 
Causir la religion catara èra pas se marcar per anar faire la pimparèla a un concors de beutat fisica! Anem, serem braves (mas desconsolats) e direm qu’un còp de mai aquò’s la marca d’una ignorància prigonda de la realitat de las femnas cataras occitanas puslèu que lo mesprètz de la vida e de la memòria de nòstras aujòlas.
 
Alara, amb Joan-Maria Petit (Patarinas, ed. Letras d’Òc), nos sovendrem (la poesia contra la bestiesa): “Guirauda, Fabrissa, Pelegrina, Garsenda, Galharda, Blanca, Mabilia, Azalaís, Esclarmonda, Saura, Saurimonda, Auda, Fais, Ramonda, Lombarda e Barcelona, Arnauda, Covinens, Flors, Guilhèlma, Braida, Fornièira, Finas, Blanca, Marquesa, Cortesa, Ermengarda, Matenda, Brunissenda: brancas de l’aubre de l’Amor, color de nèu e de ròsa mescladas. Femnas.”



publicitat
BANER1-2-3: DGPL TRADUCTOR



Comentaris

6 d'agost 17.51h

Atal, aprèp lectuar de l'article indicat, sèm plan segurs qu'aquela novèla Joana d'Arc serà pas candidata per Miss Catar !!!!


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

6 d'agost 01.43h

#15 Oc-es ne'n i a una a Orleans per las festas joanicas. La cramen pas e 'la simboliza mai que mai las valors francesas e catolicas. De legir : http://www.liberation.fr/societe/0101518776-une-annee-dans-l-armure-de-miss-jeanne-d-arc


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

4 d'agost 09.33h

Sabètz s'a Orleans o Roen elegisson una Miss Joana d'Arc ?


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

1 d'agost 23.19h

Pensi que l'alienacion occitana fai que quitament los organizators d'aquel concors de Miss pènsan de far color locala e defendre lor terraire en aguent causit aquel nom...

Benlèu un grop occitanista del país lor poiriá mandar una explica cortesa en lor prepausar d'occitanizar lo concors e en donar de dignitat a l'encòp al país, a la lenga e a son istòria !


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

1 d'agost 18.06h

òc, aquò mòstra la deriva de l'identitat occitana en tant que "folklore"...

Basta pas que d'anar sul formulari per véser de que se tracta... Ai comprés...
Non solament aquesta gent sabon pas res de l'occitan(itat), mas es pas melhor per la lenga francesa...

Ligam : http://azille-accueil.fr/uploads/documents/fiche-d-inscription.pdf
âge*, langues étrangères parléEs*, déjà voyagé*, à tou... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

1 d'agost 11.46h

As plan rason de repotegar mas… calriá rescontrar benlèu aquela associacion per ne parlar e ensajar de lor far comprene que i a quicòm que va pas…
Benlèu calriá suggerir, se tenon a lor « miss », que pòt pas èsser qu'una « miss » cremada e non pas la crèma de las « misses » !
o alar que las fantaumas dels cremats lor i vendràn tirar los dets dels pès o curar los uèlhs o que te sabi, ieu…


Valora aquest comentari:   votar positiu 10   votar negatiu 1
Respondre comentari replica Comentari inadequat   Formulari d'abús de comentari

1 d'agost 11.09h

Lo concors Miss Cathare seriá comprat per los catars ? (coma PSG...) ;)
non galeji...


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

1 d'agost 11.04h

Mens de detz ans fa, i èra un site web que presentava un concors "Miss Occitanie". A durat gaire mai que dos ans aquel site e pui pus ren... Sabetz cu l'organizava ò dins que region occitana èra ? Seria segurament melhor qu'o concors Miss Catara. E per 'a paritat, calria far tanben 'o concors "Mister Occitània"...


Valora aquest comentari:   votar positiu 7   votar negatiu 1
Respondre comentari replica Comentari inadequat   Formulari d'abús de comentari

1 d'agost 11.03h

#4 Dòna Chantal de Carcassona, la "Miss Chadòr" es ja elegida. Es Miss Catar dels Emirats del meteis nom. Una "miss catara" ? Quina mesèria… La darrièra a cremat dins las arenas de Veròna, me sembla remembrar.


Valora aquest comentari:   votar positiu 5   votar negatiu 2
Respondre comentari replica Comentari inadequat   Formulari d'abús de comentari

1 d'agost 10.55h

Dins Aude n'avèm de conariás nomenadas cataras.


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Perfil

Alan Roch

Alan Roch logo rss

Alan Roch animator cultural a l’IEO-Aude. Contaire, cronicaire (ràdio, premsa escrita). Afogat de rugbi de 13.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions