CAPÇALERA: IEO09-01
CAPÇALERA2: Botiga

Jornalet, gaseta occitana d'informacions

Dimars, 29 de novembre

Alem Surre-Garcia

Dijòus, 21.4.2016 03h00

Tolosa: Plan Convivéncia


Comentaris Pas cap de comentari    
Dolent Fluix Bo Molt bo Fabulós (8 vòtes)
carregant En cargament


Lo 8 d’abrial passat se debanèt una matinada de trabalh volguda per lo Conse de Tolosa e tota consacrada a la potencialitat culturala occitana al servici de l’identitat tolosenca.
 
La decision municipala de crear en 2014 un Plan Convivéncia (coma se’n farguèt un a Madrid tre 2005) s’apièja fins ara sus dos eveniments:
 

— Inauguracion lo 28 de genièr de 2015 de l’espaci Lampàgia” del barri dels Isards en referéncia a La nòvia del moro, episòdi istoric relançat per la Fondacion Occitània en 2012: dos libretons èran estats publicats, lo primièr per far conéisser las sorgas istoricas, lo segond per contar l’istòria en occitan revirada en maitas lengas (francés, arab, amazig, persan, catalan, castelhan, anglés).
 
— Signatura lo 10 de julh de 2015 del Contrat de Vila en favor de la Convivéncia amb la definicion occitana lançada en 2011: lo biais de viure amassa dins lo respièch de l’alteritat (en se e fòra de se) en tota egalitat.
 
A la debuta de 2016, lo Cónse volguèt l’inscripcion de la Convivéncia dins lo Projècte Educatiu de Tolosa en direccion dels mainatges. Aquel acte fondador testimonia, per el, d’una “volontat mai globala de pausar la creativitat culturala e sociala a nivèl de l’innovacion tecnologica e economica” (letra als elegits del 21/03/16). Per aquò far, me demandèron, lo 8 d’abrial, de presentar als elegits e als administratius (una setantena de decidèires) la conferéncia Los Orients d’Occitània-Convivéncia amb l’idèa de fargar pron lèu una mission Convivéncia adaptada.
 
Doas operacions emblematicas son estadas programadas:
 
— un flashmob Se Canta, previst plaça del Capitòli , a la davalada de 2016
 
— una annada occitana “Tolosa-2018” a l’entorn de la tematica de La nòvia del moro.
 
Nos trapam aquí dins la contunhetat d’un pretzfach menat à Tolosa, dempuèi d’annadas: amb La Maison des racines du monde e son festenal Racines, l’Ostal d’Occitània e Convergéncia occitana, la Fondacion Occitània, Radio Occitània dobèrta a las culturas autras, Escambiar e lo Foròm des Langues, lo Festenal Occitània de Tolosa, la quinzenada de conferéncias sul tèma dels Orients d’Occitània (gaireben 600 intervencions publicas al dintre d’Occitània e a l’estrangièr) e tantas autras associacions. Sens doblidar lo ròtle màger dels ensenhaires de las Calandretas e de l’Educacion nacionala.
 
Tant val dire que lo nom de la novèla region encluent òc, lenga d’òc o Occitània serà lo benvengut. 



publicitat
BANNER1 - OPLO erasmus



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Alem Surre-Garcia

Alem Surre-Garcia logo rss

Cargat de lenga e cultura occitanas alprèp del Conselh Regional Miègjorn-Pirenèus de 1989 a 2006. Traductor, escrivan, poèta, assagista, autor dramatic, conferencièr o organisaire d'esveniments culturals.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions