CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 16 de setembre

Alem Surre-Garcia

Dissabte, 20.10.2012 03h15

Economia e cultura “positivas”


Comentaris Un comentari    
Dolent Fluix Bo Molt bo Fabulós (2 vòtes)
carregant En cargament


En partença per Tunis ont deviái menar una intervencion sus la “convivéncia” occitana dins un collòqui internacional, trapèri a l’aeropòrt de Blanhac la brocadura de la Cambra de Negòci de Tolosa consacrada a “l’économie positive”.: Diccit, les nouvelles entreprises, N° 5, octobre 2012. Aquí d’unes tròces de l’assaber del President de la CCI, Alain Di Crescenzo: “Etre positif, c’est avant tout un état d’esprit, une façon de penser et d’avancer qui influe sur notre quotidien et sur nos actes. Avoir une vision positive, c’est se challenger, se remettre en question et ne pas hésiter à créer des ruptures car elles ne peuvent être que bénéfiques si elles sont maîtrisées. ..Je parle ici bien sûr d’une économie positive. Une économie fondée sur l’envie, l’enthousiasme, la modernité, le mouvement…Une économie d’anticipation …Une économie qui dans un contexte conjoncturel tendu sait trouver les opportunités, prendre des marchés, faire émerger des outsiders…”.
 
Coma ancian de l’Escòla Superiora de Comèrci (ESC) de Tolosa, demòri generalament pron sensible al punt de vista economic, e de lo pas tròp desseparar de la cultura qu’es tanben una economia.
 
Nos podem mainar qu’aquel assaber economic lo podem adaptar aisidament a la cultura nòstra: “Èstre positiu, aquò’s un biais de pensar e d’èstre, un èime…Capacitat de se tornar enquestionar, de crear d’unas rompeduras de bon mestresar…Saber trapar las escasenças, las encrenas …Levar mai d’ambicion…Una cultura fondada sus l’enveja, la desirança, l’estrambòrd, la modernitat, lo bolèc…Una cultura d’anticipacion e d’amiras estrategicas…Èstre non pas son qu’un laboratòri d’idèias e de soscadissas, mas un laboratòri d’accions…reclamar lo drech a l’experimentacion dins un contèxte mai decentralizat, mai autonòm”.
 
Fin finala aquí un assaber que nos buta a entrar en contàcte amb los decidèires economics de las nòstras regions.
 
E çò d’aitant que ne coneissem lo vocabulari. Se legissem l’ensems d’aquela brocadura, i trapam un article sus la “Philharmonie de Toulouse” creada en 2008 et pròcha de nosaus, I legissem tanben d’unes títols coma aicestes: ”Quand l’entreprise s’enrichit de sa diversité…Toulouse, c’est aussi le dynamisme économique le plus important de France… Analyser la situation catalane qui en matière d’entreprise et d’innovation a des longueurs d’avance sur nous …Miser sur le nouvel essor de la Méditerranée…Nous sommes fiers de nos racines locales et confiants dans l’avenir…Les régions qui accueillent les étrangers sont des régions ouvertes, attractives et qui s’enrichissent…L’avenir d’un pays ne se  réduit jamais au destin qu’on a bien voulu lui assigner, ne rien lâcher…”.
 
S’i parla tanben del grop tolosenc Berdoues (lo perfum de violeta) que faguèrem intervenir en 1990 al collòqui internacional “Flor Enversa” sens lo poder seguir las annadas d’après, de çò que sem pas estats pron organizats.
 
Nos manca encara una bona coneissença dels enjòcs economics. Mas çò que podem far sens tròpas dificultats, aquò’s mestresar lo vocabulari (los mots son tanben d’armas), non pas son que per ne defugir l’aspècte incantatòri, mas sobretot per ne melhor destriar la potencialitat relacionària e innovaira.



publicitat
BANER1-2-3: DGPL AN LAFONT



Comentaris

20 d'octòbre 09.40h

Totjorn aquela volontat de bastir Occitània dins l'escambi e en l'integrar dins un rasal de fluses e de pòls locals, mediterranencs, europencs e mondials. Aquí una postura de mondializacion fisanta. Soi segur qu'avèm tot a ganhar a bastir una economia occitana generosa e mondializada. Lo modèl occitan que l'Alem Surre Garcia prepausa es aimable.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Perfil

Alem Surre-Garcia

Alem Surre-Garcia logo rss

Cargat de lenga e cultura occitanas alprèp del Conselh Regional Miègjorn-Pirenèus de 1989 a 2006. Traductor, escrivan, poèta, assagista, autor dramatic, conferencièr o organisaire d'esveniments culturals.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions