CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimècres, 18 de setembre

Alem Surre-Garcia

Dissabte, 24.8.2013 03h00

Literatura toristica: lo desert occitan


Comentaris 9 comentaris    
Dolent Fluix Bo Molt bo Fabulós (12 vòtes)
carregant En cargament


Prepausi aicí, coma exemple, l’analisi de la brocadura toristica editada en 2013 per l’agéncia departamentala de Gard: Envies de Gard, une invitation à la découverte. En fach un convit a la desmemòria: 52 paginas sens la mendra mencion occitana.
 
Un exemple complit d’una literatura sucursalista: lo departament i es presentat coma rebat de França, aquí los ingredients:
 

– un país que lèva l’enveja de totes
– una extraordinaroa varietat de paisatges
– un patrimònni istoric  e cultural excepcional inscrich dins una istòria sens contradiccions, tota lisa.
 
La brocadura, s’entreva primièr de valorizar la varietat que se confond amb la diversitat, una nocion eretada de l’Empèri colonial qu’enaurava l’unitat dins la diversitat  de sas colonias. Sem plan luènh de la pluralitat qu’implica una egalitat de tractament e çò d’aitant qu’aquela varietat-diversitat tan lausada tòca pas que l’aspècte natural (fauna, flòra, paisatges) o los produches tirats de la tèrra. Tota autra mena de diversitat istorica, culturalò-linguistica se vei ignorada. Ten pas cap de legitimitat.
 
Se parla de “la diversité inouîe de paysages et d’émotions pures”: de qué s’enquestionar sus aquela puretat ligada en fach a la nocion d’autenticitat, autre poncís de la literatura toristica: un biais de definir lo biais d’èsser e de viure dels indigènas “sur ces terres irriguées par l’histoire (amb una h pichona) où vibre tout l’esprit du Sud”. Sem doncas al Sud, mas qual es son èime  autentic? “Une incomparable douceur de vivre…un enchantement de tous les instants…la langueur du farniente à la mode méditerranéenne” Avem comprès, sem al paradís! Una inchalhença generala rompuida a cada feria per “la furieuse exubérance méridionale” o “l’esprit rebelle des Cévennes …l’esprit de liberté par delà les siècles”! Fin finala lo rebat de l’èime francò-francès…
 
Dempuèi d’annadas aqueles documents delargan una meteissa literatura que confòrta, al delai del mesprètz tant dels indigènas coma dels toristas, la deculturacion: dins la dralha del Tour de France par deux enfants de la fin del sègle XIX,  monument de la propaganda nacionalista francesa.
 
Denegacion istorica: pas res sus la civilizacion dels Trobadors, pas res sus la dinastia tolosenca dels Sant-Gèli, pas res sus la Crosada que permetriá de capir la fondacion d’Aigas-Mòrtas…
 
Denegacion linguistica: pas la mendra explicacion occitana dels toponims o del vocabulari especific. Tot es francès dempuèi lo neolitic!
 
Denegacion culturala: per l’eternitat, Usès sembla ligada a Racine, Someire a Durrell , coma Cevena a Stevenson. Pas res suls Trobadors, nimai sul ròtle dels josius sefarades de Posquièras/Vauvert,  pas res suls autors occitans romantics o contemporans. Pas res sus l’universitat occitana d’estiu…
 
En gomar totas las contradiccions, aquela literatura toristica participa de çò que la jove prensa alternativa grèca (Unfollow) sona: ”la dictatura mediatica”. Mas quines  son los redactors d’una tala brocadura: òm los pòt pensar venguts d’una oficina parisenca.
 
Es ora de fargar un Observatòri dins l’encastre d’un Ofici interregional occitan per denónciar una tala disciminacion.
 
Vòli saludar aquí l’experiéncia menada per lo departament de Tarn en matèria de desvolopament toristic occitan.
 
La brocadura gardenca s’acaba atal: ”Venez vivre’ le Gard et vous n’aurez qu’une envie, revenir ou y rester” e contribuir atal a l’uniformizacion e l’apauriment general!



publicitat
BANER1-2-3: DGPL TRADUCTOR



Comentaris

29 d'agost 15.18h

#9 Siáu desolada d'aver mes un vòte còntra de vos, es una engana. Desolada.
Siáu en plen d'acòrd ambé çò que nos presentatz de vòstre passatge au país nòstre...
La republica fuguèt un Attila lingistic e per trobar la lenga occitana, fau la cercar, demandar exprès, aver una ret de conoissenças associativas... Se tornatz, esitatz pas de demandar per rescontrar de monde ai cèrcles occitans locaus per exemple


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

27 d'agost 10.01h

Aquest estiu he tornat a la Porvença (Niza, Cannes, Aix, Marssella, Alps Marítims), la presència de l'occità es tant testimonial, nomès a les plaques dels carres, talment desaparescuda de la gent en la seva vida quotidina, m'ha fet molta pena veure escultures d'en Mistral, que en pensaria ell!.
Als francesos nomès els hi agraden les diferències per donar un toc folclòric i rés més, pq si està viu està molt i molt amagat.


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

27 d'agost 09.54h

Bonjorn Alan,

Excellent article que malaürosament se pòt aplicar largament mai qu'a Gard... Lei frasas atrapamoscas a toristas, totalament vuejas que sortidas de la clòsca de cabinets de comunicants, lei labèls ronflants "Sud engagé" (la darriera asenada 2013 en region Lengadòc.... engatjat dins qué ?), "Pays cathare" apegat a qué que siá mai sens l'istòria, amb l'eleccion d'una "Miss Cathare" que fa escàndol dins la premsa d'Aude que tot lo monde occitan escriguèt per dire son ... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

25 d'agost 11.56h

Un projècte qu'ai dins lo cap quand aurai mai léser es de fargar una associacion de viatgaires occitans que la tòca seria de prepausar de descobertas en Occitània Italia o Catalonha tot en òc.Vegent de mond arribar e demandaires de lenga d'òc a-n- aqueste moment los oficis de torisme d'òc auraun benlèu consciencia de la manca grèva sus lo sicut de la cultura regionala.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

24 d'agost 17.47h

#5 Òc, se porriá far un blòg "test" per aquò. Fau veire çò qu'es de notable e d'interés per lo monde que fa de torrisme dins tal e tau luec, que sièchon d'Occitània, d'Euròpa e d'autra part.


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

24 d'agost 13.40h

Fau benlèu préner lo problèma d'un aute punt de vista : perque los editors occitans ensajan pas de crear literatura toristica ? Coneishi monde interessats per hargar guide de rondalejada. Son amorós de las montanhas, e començan de conéisher lors parçans. Son monde que diuren estat mit en contacte damb fotografes o dessenhadors, un especialista de l'istòria locau, etc... Aquò's lo trabalh d'un editor. Mes lo editors son sonque interessats per la literatura de ficcion o de memòria e los... Legir la seguida


Valora aquest comentari:   votar positiu 12   votar negatiu 0
Respondre comentari replica Comentari inadequat   Formulari d'abús de comentari

24 d'agost 12.52h

Excellent article, de lònga la literatura toristica e la sopa "oui-oui" : " la splendeur inouïe des paysages méditerranéens révélés par les peintres et artistes de cinéma qui en ont fait sa renommée et y ont fait leur résidence", "vous aurez un gout de l'art de vivre et de la douceur du sud". E en meme temps, betonizacion de la còsta, tensions socialas l'estiu per l'aflús massís de populacion toristica e lei problèmas de circulacion d'una ret de transpòrts desbordada... arnacas d... Legir la seguida


Valora aquest comentari:   votar positiu 11   votar negatiu 0
Respondre comentari replica Comentari inadequat   Formulari d'abús de comentari

24 d'agost 11.34h

L'istòria dite "de France", e mai siá ensenhada a l'Universitat (unica vertat, etimologicament, un sol vers, una sola rega pel camp) es pas una sciéncia, e mai foguèsse umana. Es una formacion en dogmatica nacionalista francesa, denegant tota originalitat, tota diversitat, tota dissidéncia, tota intelligéncia en defòra de çò qu'establiguèt un poder ipercentral parisian e francofòn. Quora s'agis de tractar de la Shoa, una actutud aital es dita "revisionista". Nosautres, non sèm pas t... Legir la seguida


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

24 d'agost 10.48h

No entenc com a França no hi ha un respecte envers les seves diferents cultures. Es com si haguessin decidit uniformitzar el seu paisatge. d'un quan temps ençà han canviat tots els arbres per un del mateix tipus, aurons per exemple.


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Perfil

Alem Surre-Garcia

Alem Surre-Garcia logo rss

Cargat de lenga e cultura occitanas alprèp del Conselh Regional Miègjorn-Pirenèus de 1989 a 2006. Traductor, escrivan, poèta, assagista, autor dramatic, conferencièr o organisaire d'esveniments culturals.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions