CAPCALERA: BOTIGA
CAPÇALERA2: mot amagat

Jornalet, gaseta occitana d'informacions

Diluns, 8 d'agost

Amador Marqués

Dimenge, 10.4.2022 03h00

Eth Sindic


Comentaris Un comentari    
Dolent Fluix Bo Molt bo Fabulós (3 vòtes)
carregant En cargament


Conselh Generau d’Aran




Etiquetas
amador marqués, barrera, carlos barrera, marqués

Era mòrt torne a susprener-mos. Totun, ei era possibilitat mès pròpria dera vida, perque “per desgràcia, a mesura que passen es ans, era mòrt se hè cada còp mès probabla e era bona salut cada còp ei mès miraculosa”, explique atau er adagio mors certa, hora incerta eth filosòf Vladimir Jankélévitch. Aguesta ei ua obvietat qu’ara mos interpèle damb era pèrta deth sindic Carlos Barrera, damb 71 ans, convèrses encara pendentes e tota ua vida dedicada ara politica, ath capdauant sustot deth Conselh Generau d’Aran, pendent vint ans.
 

N’Aran n’era maxima institucion s’entenen sense era sua peada, en tot desvolopar er autogovèrn tot just recuperat en 1991. Sindic de 1995 a 2007 e de 2011 a 2019, mos dèishe ara, dempús d’ua malautia, que soslinhe encara mès aguesta condicion e vocacion inequivòques, de sindic irrefutable, pr’amor que Barrera ère un lidèr carismatic, reconeishut per pròpris e contraris, d’aqueri que se formèren enes ans en qué era politica auie un gran pes, que guanhaue eleccion dempús d’eleccion e governaue eth país damb ua clara personalitat. Coma es dirigents que transcendissen, non deishaue ad arrés indiferent, damb aquera sua expression veementa e entusiasta tan caracteristica.
 

Eth ère un òme sustot d’accion, practic e pragmatic, aimant dera sua tèrra, dera vida e era amistat. Tanplan que deuie intuir non sonque era sabuda senténcia gramsciana qu’era indiferéncia ei eth pes mòrt dera istòria, senon tanben qu’era reputacion se guanhe damb valor, gravetat e fortalesa e qu’era fortuna e era istòria, damb es sues vicissituds, damb es sues penes e alegries, hèn grani as òmes, en un terrèn de viatges mès dur qu’eth dera natura e era montanha que tan estimaue, mès tanben joiós e satisfasent, aqueth que li a portat a servir ath sòn pòble enquiath darrèr moment.



abonar los amics de Jornalet

 

 

 



publicitat
BANER3: Ràdio Occitània



Comentaris

10 d'abril 18.13h

Aran / Aranés
L'estatut de la Val d'Aran es mesconescut dels vesitaires franceses.
A la frontièira estradala, se senhala pas que "España", sense mençon de la Comunitat autonòma de Catalunya e de la comarca demi-autonòma d'Aran e referència à la lenga aranesa (parlar gascon).
Un panel explicatiu en francés seria plan vengut.
I son très catégories de vesitaires franceses: crompaires en çò de Boya (supermercat à Les), esquiaires a l'estacion de Baqueira - Beret (Vaquèira), e camina... Legir la seguida


Valora aquest comentari:   votar positiu 4   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Amador Marqués

Amador Marqués logo rss

De formacion jornalista, metut en ahèrs politics damb Unitat d’Aran e engatjat damb Aran e eth sòn vilatge, Bossòst.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions