CAPÇALERA: HISTÒRIA DE LA CUINA CATALANA I OCCITANA
CAPÇALERA2: FAI-TE SOCI

Jornalet, gaseta occitana d'informacions

Diluns, 9 de decembre

Amador Marqués

Dissabte, 15.6.2013 03h00

Fe e matrimòni egau


Comentaris 8 comentaris    
Dolent Fluix Bo Molt bo Fabulós (6 vòtes)
carregant En cargament


Ua des actituds qu’encara me susprenen (erosa ingenuïtat) ei era intolerància manifèsta de quauqui des sectors aperadi catolics dera societat, qu’ara se mòstren implacables contra eth matrimòni egau (“entà toti”) prebotjat peth govèrn deth president Hollande, en uns moments fòrça crispadi damb era mòrt malurosa deth joen antifascista Clément Méric, victima d’un nèonazi. Dilhèu non ei suspresa çò que m’agace, senon un fat estordiment, pr’amor que me considèri crestian (o en sagi d’èster), de confession catolica ath delà, membre, per tant, dera Glèisa universau de Roma.
 
Mès enlà dera orientacion sexuau o dera opcion politica e ideologica de cadun, ei dificil compréner com aqueri que s’identifiquen coma catolics o ultracatolics, avesques includidi, gausen lheuar era votz d’ua forma tan belligeranta contra es drets e era libertat des auti. Se, coma catolics, credem, damb totes es conseqüéncies, en Jèsus, eth Crist, eth Diu hèt òme, atau coma en Règne de justícia qu’eth proclame, semble qu’auríem de veir, aumens, que der òme de Nazaret subergés ua praxi de liberacion deth praube, der oprimit, deth que patís hame, tribulacion e, per tant, injustícia (Lc 4,18; 6,20, eca.), coma eth leprós excludit (Mt 8,3; 11,5; Lc 17,12), era adultèra oltratjada (Jn 8,1-11) o era hemna acornerada (Mc 10,5-9; Lc 8,1-3; Jn 4,1-28), que Jèsus dignifique. N’i a tanti, d’exemples! E se Jèsus acuelh as darrèri dera societat, ergo eri son es privilegiadi de Diu: eth praube (“praubi de Jahvè”) per èster empraubit e era hemna (o er omosexuau) per patir discriminacion.
 
Qui èm nosati, catolics, entà condamnar ad aqueri que Jèsus sauve? Quin ei aguest atreviment insolent? Encara rebrembi es paraules, senzilhes e pregones, deth madeish papa Francés en sòn prumèr Via Crucis coma avesque roman: “Era paraula de Diu ei amor, misericòrdia, perdon”; e atencion!: “Diu jutge en tot estimar-mos. S’acuelhi eth sòn amor, sò sauvat; se le refusi, me condamni, non per Eth, senon per jo madeish, pr’amor que Diu non condamne, Eth sonque aime e sauve”. Era fe amie ara contemplacion, mès tanben ei accion liberadora, a favor, en aguest cas, des qu’aué an de besonh eth reconeishement efectiu dera egalitat ena societat civil. Totun, toti èm hilhs e hilhes de Diu, sense discriminacions, perque, vau era pena repeti’c, “Diu non condamne, senon qu’estime e sauve”.



publicitat
BANER1-2-3: DGPL TRADUCTOR



Comentaris

15 de junh 17.36h

Vaquí un debat de haut nivèu, qu im'agrada hòrt quitament se ne soi pas cresent. Òsca e mercés a totis.


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

15 de junh 16.26h

Mercès Amador per aquel article. Coma «crestiana sens glèisa», compreni pas tanpauc… S'apelon aquò «seguir Jèsus», alavetz ai pas tot comprés a l'Evangeli…


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

15 de junh 13.18h

Personalament, daissi lo maridatge e la reproduccion sexuada als catolics. La soleta causa que m'agrada, es amor, amb sos sentits totes e sos sentiments… Tot çò mai m'enuèja e me demesís tard o d'oras. Mas vertat es que soi d'un autre segle, d'un autre mond tanben, tot probable.


Valora aquest comentari:   votar positiu 8   votar negatiu 3
Respondre comentari replica Comentari inadequat   Formulari d'abús de comentari

15 de junh 13.09h

Aqueste article qu'examina un subjècte de societat jos l'agait religiós e gaireben teologic es una marca de reconquèsta, de madurason e de dignitat de la nòstra lenga nacionala, qu'òm siá virat cap a çò religiós o pas.
Brave!


Valora aquest comentari:   votar positiu 6   votar negatiu 1
Respondre comentari replica Comentari inadequat   Formulari d'abús de comentari

15 de junh 10.28h

"Predator" ! Aviái corregit e l'error es tornada! :)


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

15 de junh 10.27h

Me seriái mai estimat, doncas, que los crestians manifestèsson contra la misèria, lo capitalisme predatori, lo materialisme que nos enfonza dins l'inumanitat.


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

15 de junh 10.19h

"Li agradaN pas los ipocritas", de segur! ;)


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

15 de junh 10.19h

Soi crestian evangelic, valent a dire que per ieu i a pas cap vertat sacrada delà l'Evangeli, e per aiçò me soi distanciat de la Glèisa romana per sas practicas pauc evangelicas: culte de Maria e dels "sants" inspirat del paganisme, ierarquia autoritària contrària a la libertat de consciéncia, separacion del Vin e del Pan, baptisme dels enfants, multiplicacion dels sacraments inutils, ja que sola la conversion salva del pecat universal. Pasmens, soi d'acòrdi amb l'autor de l'article: ... Legir la seguida


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Perfil

Amador Marqués

Amador Marqués logo rss

De formacion jornalista, metut en ahèrs politics damb Unitat d’Aran e engatjat damb Aran e eth sòn vilatge, Bossòst.

mai d'informacions

contactar l'autor

Mai d'articles

Archius




D'autres articles


Jornalet, gaseta occitana d'informacions