CAPÇALERA: CAOC 2021-2022

Jornalet, gaseta occitana d'informacions

Dijòus, 23 de setembre

André Clement

Dissabte, 10.4.2021 03h00

Dever conjugal


Comentaris 6 comentaris    
Dolent Fluix Bo Molt bo Fabulós (4 vòtes)
carregant En cargament


La Josiana es una amiga d’enfància. Quora se marridèt a la glèisa amb lo Ludovic, fa vint e cinc ans, foguèri convidat. L’autre jorn la rescontrèri per azard a la gara SNCF Sant Ròc del Clapàs. Al mens dètz ans que nos erèm pas vistes! A trenta cinc ans, Josiana es totjorn una femna avivada, plena de sanqueta.
 
Quora demandèri a Josi cossí anava, vaquí çò que me respondèt:
 

— Tot anariá plan, tirat lo Ludò...
 
— De qué li arriba?
 
— Es totjorn tant agradiu de viure amb el, mas a pas pus enveja...
 
— Enveja... Enveja? Vòls dire...
 
— Planta pas pus la bistoqueta dins la monifleta.
 
— Pasmens quand èra jove, pareis que...
 
— Lo matin, lo vèspre, bistoquejava.
 
— E ara?
 
— Me demandi s’es encara margat. A pas pus enveja de se’n servir. Pasmens, me pòdes creire, fau tot çò que pòdi per aquò!
 
— De qué li arriba al Ludò?
 
— Vòl pas! Un jorn a mal de cap, un jorn es endogat, un jorn es enraumassat, un jorn es crebat, un jorn ensomelhat,...
 
— Benlèu que...
 
— Pasmens, ieu, es pas l’enveja que m’en manca e fau tot per...
 
— E fa un briu qu’es aital?
 
— Dempuèi la naissença de Magdalena.
 
— Quant avètz de pichons?
 
— Dos. L’ainat Gustau e Magdalena.
 
— Quant d’annadas tenon?
 
— Gustava dètz ans, Magdalena sièis ans.
 
— Vols dire que fa sièis ans que ...
 
— E òc! E òc! Dempuèi qu’avèm agut la pichona.
 
— Ara qu’a fach sa familha, benlèu pensa n’aver acabat amb lo dever conjugal.
 
— L’aimi totjorn mas se l’aimavi pas cresi que l’auriá botat al tribunal.
 
— Ane! Al tribunal?
 
— Per mancament al dever conjugal.
 
— Voldriás que la justícia venguèssse se passejar entre vòstres lençòls?
 
 
Josiana tirèt son camin qu’aviá un trin de prene. Ieu, assetat sus una banqueta, esperèri una mièja-orada abans de prene lo meu. Sosquèri e somièri. Vesiái un jutge escondut entre los lençòls del lièch conjugal en trin de filmar amb sa tauleta lo refús del Ludò a las avanças de la Josiana.
 
L’anonciá de mon trin me sortiguèt de mon sòmi!
 
 
 
 
 
abonar los amics de Jornalet
 
 

 



publicitat
BANNER1 - IEO 09 divendres espaci occitan



Comentaris

11 d'abril 21.04h

Es lo temps que trabalha per lo MMS o contra lo MMS.
Es que i podèm quicom?


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

11 d'abril 19.21h

Fins ara conoissiai pas que çò que se sona lo MMS
A la debuta, es Matin, Miègjorn e Ser
5 ans puèi es pas que lo 'Marts, lo 'Mècres e lo 'Sabte
10 ans puèi es pas pus qu'un còp al mes de Mars, de Mai e de Septembre
15 ans puèi doncas...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

10 d'abril 09.20h

endogat: clafit de corbaturas.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

10 d'abril 08.57h

Josiana se marridèt fa vint e cinq ans e àra en ten trenta e cinq? Doncas de se marridet pas en Tolosa mas endacòm mai , en Persia benlèu!!


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

10 d'abril 07.33h

Un briu de ròia benlèu per tornar enfuòcar la maquina ....


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

10 d'abril 07.23h

Question: "endogat" ?


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Mai d'articles

Archius




D'autres articles


Jornalet, gaseta occitana d'informacions