CAPCALERA: la botiga

Jornalet, gaseta occitana d'informacions

Dimenge, 16 de mai

André Clement

Dissabte, 1.5.2021 03h00

Pesar los mots?


Comentaris 3 comentaris    
Dolent Fluix Bo Molt bo Fabulós (2 vòtes)
carregant En cargament


L’autre jorn rescontrèri Magalia qu’es cercaira a l’Institut Pastor. Li demandèri perqué son Institut aviá pas encara trobat un vaccin contra la Covid. Volguèri li dire: “Vos bolegatz pas pro las nièiras, es tot!” Ela, sul pic, s’encolerèt: — “Quin topet! Abans de parlar aital podriás pesar tos mots!” Puèi chaplèrem sul biais de far dels Angleses amb lo vaccin. Aprèp un coide a coide nos desseparèrem.
 
Dintrat a l’ostal, sosquèri sus “pesar los mots.” Que pensa pesar, pensa balança. Que ditz balança per ieu ditz: romana. Mas vau pas pesar los mots amb una romana pasmens! Prendrai puslèu un pesa-letra. Mas cossí pesar un mot? Los mots son amolonats dins los dicionnaris e lexics ... Me botèri a pesar lo lexic “Tot en un” del Joan Claudi Sèrras.Edicions I.E.O. Trobèri 1 quilò just per 60 000 dintradas. Auriá ben dividit 1 per 60 000 mas me diguèri que totes los mots avián pas la meteissa quantitat de letras. Cossí comparar: “Òc” amb sas doas letras e “Desembartassarem” amb setze letras? Es qu’aquel mot longaràs pesa uèch cops mai que “Òc”? Per n’èsser segur, me caldriá conéisser los pes d’una letra. Per aquò far, me caldriá comptar lo nombre de letras de tot lo lexic e las dividir per un quilò. Aurai jamai la paciéncia d’aquò far!
 
En mai d’aquò, i a letra e letra. S’escrivètz “Òc” amb de letronetas Time New Roman de 8 e se l’estampatz sus una fuèlha de papièr 80grs, es que la fuèlha pesarà parièr que s’escrivètz “Òc” amb de letrassas Time New Roman de 72? Al evèrs s’escrivètz “Òc” sus una aficha de dos mèstres sus tres amb de letras de un mèstre, es que las letras “Òc” pesaràn mai que sus la fuèlha de papièr A4? Es que son las letras que pesan o lo suspòrt de las letras o los dos? Sentissi que vau aver pena a pesar las letras que fargan los mots. Pasmens, se i sosqui de prèp, e es totjorn bon de soscar de prèp puslèu que de luènh, m’avisi que “Òc” pesa belcòp mai per ieu que “desembartassarem”. Mas que me fa dire aquò? Perqué o sentissi aital? Benlèu es pas lo mot escrit mas lo mot dich o ausit, vengut paraula, que parla en ieu?
 
Se torni a mon istòria amb “Òc” pòdi dire que l’ai emplegat e que l’emplegui maites còps cada jorn per respondre a las demandas de la familha e de la vida vidanta. Aquel “Òc” es tanben gravat a jamai dins mon cap quora l’empleguèri lo jorn ont me maridèri per respondre al conse. Me’n serviguèri tanben quora crompèri l’ostal e que pacha faguèri amb la vendeira. Mon istòria amb “desembartassarem” me remembra soncament lo jorn ont lo papà me demandèt ajuda per tirar los romècs de la prada. Quora me faguèt: “Pòdes venir m’ajudar, desembartassarem?” Sentissi ben qu’aqueles dos mots an pas lo meteis pes. Es pas lo longaràs que pesa lo mai per ieu!
 
Contunhèri de jogar a pesar mos mots e mas paraulas. Pas amb lo pèsa-letra mas amb mon pesa-ieu personal. Per l’ora ai pas encara acabat, mas podètz pas saber lo plaser que i preni! Mercejarai jamai pro Magalia de m’aver aconselhat de “pesar los mots”!    
 
 
 
 
abonar los amics de Jornalet
 
 


 



publicitat
BANNER1: IEO 30 MARPOC



Comentaris

2 de mai 02.15h

*M̶a̶g̶a̶l̶i̶a > Magalí
Lo francés «Magali» es manlevat al provençal Magalí que ven de Magalida (Margarida)


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

1 de mai 13.41h

Pesar los mots ? Per se? Pels autres? Que los mots e las paraulas podon regaudir coma tuar!
Doncas, causir e trobar los mots bons per partejar lo ben viure, l'amistat e l'amor!


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

1 de mai 08.39h

Pesar los mots ? Jamai grasses mailèu bons, çò segur es que Clamenç nos fa presar los mots. Los seus.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Las mai...


Mai d'articles

Archius




D'autres articles


Jornalet, gaseta occitana d'informacions