CAPCALERA: ajuntament de tolosa
CAPÇALERA2: mot amagat

Jornalet, gaseta occitana d'informacions

Divendres, 27 de mai

André Clement

Dissabte, 5.3.2022 03h00

Acamparauladas encantairas?


Comentaris 3 comentaris    
Dolent Fluix Bo Molt bo Fabulós (3 vòtes)
carregant En cargament





Amb la campanha presidénciala es vengut lo temps dels “mitings” coma dison en francés. Mas, de veire femnas, òmes, joves, vièlhs, recampats a picar dins las mans coma de monilhs de temps en quora tot bolegant lor drapèl pelhon d’un caire de l’autre fa pensar al temps vièlh. Dirètz çò que voldrètz, mas de veire una candidata o un candidat quilhat solet sus l’empont coma un paissèl a batarelar sas prepausicions es pas d’una modernitat grandassa.
 
Ont es passat lo temps de las acampadas electoralas festivas e encantairas? Lo temps ont de cantairas o de cantaires de mestièr o amators venián portar prodèl a lor candidata o candidat. Abans d’assistir al discors politic assistissiatz al concèrt de musica pels plaser bèl de totas e totes. E de cantar e de dançar dins aquelas acampadas festivas encantairas abans plaça a politica far.
 
E uèi? Ont ne sèm? Las imatjas al fenestron d’aqueles “mitings” d’aquesta darrièra campanha electorala semblan pas brica festius. A veire aquelas tropeladas silenciosas e masquetadas a escotar la votz de lor mèstre o de lor mestressa semblan pas a la fèsta vertadièrament. Tristassas a morir. Es ora de cambiar. Mas, cambiar cossí ?
 
Es temps que los “mitings” virèsson acamparauladas. Que la paraula davalaira plaça faguèsse a las paraulas montairas. Vesi ben una acamparaulada amb paraula bailada als caumaires, trimaires, cèrcamonedas, cèrcaplaças... per presentar lo programa de la candidata o del candidat que sostenon. Quin pòt melhor parlar del caumatge qu’una caumaira o un caumaire?
 
Puèi bailar la paraula als escobilhaires, fornièrs, pastissièrs, peirièrs, fustièrs, maselièrs... per anonciar e defendre lo programa de lor candidata o candidat. Quin pòt melhor parlar dels besonhs del mestièr d’escolhaire qu’un escobilhaire?
 
E persègre pels metges, infirmièras, ensenhaires , jutges, emplegats ... cadun a lor torn venir presentar lo programa de lor candidata o candidat preferit.
 
E per clavar lo tot cineastas, contaires, cantaires, artistas de totas menas... per clavar l’acamparaulada. Es temps de tornar a una paraula publica fòrta , gaujosa, amistosa per un avenidor de convivéncia, prètz e paratge dins la patz e la libertat! Perqué lo programa de cada candidat seriá pas sintetizat dins de cançons que serián cantadas a cada acamparaulada?
 
D’aquel temps las candidatas o los candidats se clavarián la maissa çò que li empachariá benlèu de se gastar la votz e de temps en quora de lor estalviar de contar sornetas!!!
 
 
 
 
 
abonar los amics de Jornalet
 
 


 



publicitat
BANNER1 - comuna tolosa



Comentaris

5 de març 10.34h

Aaaah ! Trincaments d'amors....

Crèsi que vau pas poder escapar d'escriure la pregariá a Santa Rompelomina.

Vertat que n'en parl:i n'en parli, aquò rai s'enscriu dins una istòria, i porai pas escapar es de far....


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 de març 10.01h

L'amor serà totjorn mai fort que la mort tant que i aurà d'èssers umans sus tèrra!


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 de març 08.44h

As plan rason!
Macron a decopat la vita en tres: los jòunes, los adults, los vielhs e a chacun, a attribuat un protocole a qui devem obeissença que sinon sem menaçats de segregacion. I a d'autres divisions coma la separacion daus medecins de lòrs pacientela e d'autres. L'autoritarisme deven la lei.
Mas, i a pas de vielh ni, de jòunes. Avem tots lo mesme atge. Avem l'atge de nòstra enfant interior, que mepresenta l'inocença, l'enveja de prener la vita a bras lo còrps, a rire, jugar, c... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Las mai...

Mai d'articles

Archius




D'autres articles


Jornalet, gaseta occitana d'informacions