CAPCALERA: la botiga

Jornalet, gaseta occitana d'informacions

Dimècres, 21 d'abril

André Clement

Dissabte, 27.2.2021 03h00

Cracas


Comentaris Un comentari    
Dolent Fluix Bo Molt bo Fabulós (4 vòtes)
carregant En cargament





“Fake news” a ausir aquel mot ai, un còp de mai, una pensada per la lenga francesa. Me disi: es una lenga vièlha qu’a de pena a dire lo monde d’uèi? o aquela lenga pòt pas parlar la falsa-vertat? L’occitan, a pas esperat l’anglès, aviá ben abans el un mot per dire “fake news” es: craca. 
 
Per melhor encapar çò qu’es una craca, val melhor entrincar per d’entresenhas vertadièras coma:
 

— Marcelin Albert es mòrt,
 
— L’annada 2020 a trescolat,
 
— Lo Canal del Miègjorn es sonat tanben: Canal de las doas mars,  
 
— Se jòga al rugbí a XIII a Carcassona,
 
Contunhar per d’entresenhas falsas, coma:
 
— En 2021, Jaurès es totjorn deputat,
 
— Pas d’aigats en Occitània aqueste ivèrn 2021,
 
— Lo Clapàs (Montpelhièr) es mai poblat que Tolosa,
 
— Martin Forcada, lo quintuple campion de latas, es nascut a Font-Romèu.
 
E acabar per de cracas, dichas falsas que pòdon èsser presas per vertadièras, coma:
 
— Caròla Delge es candidata a la Presidéncia de la Republica francesa,
 
— Lo país lo mens ensolelhat d’Euròpa es Occitània,
 
— L’estadi lo mai grand del monde serà bastit al Clapàs (Montpelhièr)
 
— Brassens a passat tota sa vida a Sèta.
 
o de cracas, dichas vertadièras que pòdon èsser presas per falsas, coma:
 
— La region Lengadòc-Rosselhon existís pas pus, 
 
— La mar Mediterranèa es de mai en mai trafegada,
 
— A trabalh egal, las femnas son mens pagadas que los òmes,
 
— La cantaira occitana Alidé Sans es nascuda a la Val d’Aran.
 
Amb las carretadas d’entresenhas que nos tomban sul morre cada jorn es ben malaisit de far la tria entre la vertat e la falsetat. Las cracas viatjan de mai en mai a la lèsta sus la planeta, portadas per los mass media, los rets socials, los tweets... Aicestes, talamai poderoses, pòdon fin finala nos far creire que que siá , formatats, encloscats que sèm. Alara, gaire segur de res, podèm afortir sens la risca de nos enganar: es pas deman que n’acabarem amb las cracas! 
 


abonar los amics de Jornalet

 



publicitat
BANNER1: IEO Arièja



Comentaris

27 de febrièr 20.50h

E cric
E cracas
Mon compte twitter ?
Es acabat...


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Las mai...


Mai d'articles

Archius




D'autres articles


Jornalet, gaseta occitana d'informacions