CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimars, 27 de setembre

Andrieu Abbe

Dimenge, 15.8.2021 03h00

A pas petat


Comentaris Pas cap de comentari    
Dolent Fluix Bo Molt bo Fabulós (3 vòtes)
carregant En cargament





Avans lo Mondiau dau Brasil mi demandavi se la revòuta sociala de la paurilha metriá pas lo pati dins lo debanat de l’esveniment e aviáu escrich “e se la castanha petava?”
 
La castanha a pas petat mai conven de dire que d’escadrons de policiers e de sordats emb sei fusius, sei fumigènas e sei blendats eron aqui per empachar que petesse. Lei manifestants an jamai poscut s’avesinar deis estadis e lei cadenas de televisien an gaire parlat dei contestataris. Lei Brasilians avián Filipao, un marrit entrenaire de sa seleção mai de segur un chanut generau dau manten de l’òrdre. Chanut eron tanben lei registas de la televisien pagats per levar dau mitan leis images geinantas. Degun a vist a la tele un dei tres joines, cargats de bandir lei colombas, mostrar una bandeiròla contestatària au moment de la ceremoniá inaugurala. Lo dirècte era un faus dirècte. Quauquei segondas de decalatge an laissat lo temps de censurar l’image. Lei Chinés avián fach parier per lei Juecs de Beijin.
 
Mai lei molons de sòus gastats per bastir d’estadis que serviràn gaire e lo naufragi finau de Tiago Silva e sei cambas de caçòlas laissaràn de traças dins la societat brasiliana. Quatre deis estadis serviràn pus jamai. Nomenats leis “Olifants Blancs” duvràn estre transformats. Aquèu de Manaus serà una preson. Polit simbòle que fa pensar au Chile dau dictator Pinochet que mandava seis opausants sus lei pelencs deis estadis que de sordats armats gardavon.
 
Lo mite dau Brasil creissènt e poderós, exemple vertuós de la capitatada dei Brics (Brasil- Russia- India- China- Sud Africa) es mòrt e aclapat. D’aquèla cagada lei dichs Brics duvrián ne’n tirat profiech.
 
Es un pauc tard per faire de comentaris sus lo Mondiau qu’ai agachat pasmens de longa sus TF1 e escotat sus RMC estent qu’aviáu pas vogut pagar la cadena qataria per posquer tot veire sus mon escran plat. Comentar lo fot, en mai d’aquò, ven dangeirós. Un jornalista de “l’Equipe” a morflat un pastisson d’un agent de Benzema qu’era pas content de seis escrichs. Benzema a mau jugat còntra lei Nigerians e leis Alemands mai es pas politicament corrècte de va dire. Va dirai pas, ai ges d’enveja de mi faire sagatar.
 
 


abonar los amics de Jornalet
 

 



publicitat
BANNER1 - OPLO erasmus



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Andrieu Abbe

Andrieu Abbe logo rss

Jornalista e païsan, militant occitan e viatjaire

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions