CAPCALERA: ajuntament de tolosa
CAPÇALERA2: mot amagat

Jornalet, gaseta occitana d'informacions

Dijòus, 26 de mai

Andrieu Abbe

Dimenge, 10.4.2022 03h00

Slow Food en Vau Estura


Comentaris Pas cap de comentari    
Dolent Fluix Bo Molt bo Fabulós (2 vòtes)
carregant En cargament


Lou Barmaset




“The l’Escaroun consortium and the Lou Barmaset farming cooperative have since created a renaissance for the local breed”... Siam modernas en Vau Estura, la reclama per l’anhèu de raça sambucana si fa en italian e en englés. Siam pasmens a quatre torns de ròda de Larcha, Jausiers, Barceloneta e lei toristas francofònes que passon a Pontebernardo, Pietraporzio e Demonte son probablament detz còups mai nombrás que lei toristas anglofònes.
 
Se voliáu “positivar” diriáu que lei responsables de la redaccien d’aquèu prospectus si son pensats que lei Francés que lo legissián eron capables de comprendre l’italian tengut compte de la parentèla entre lei doas lengas. Ailàs, lei nacionaus francés estudián de mens en mens l’italian au collègi e au licèu e aquelei que legisson l’italian si fan pus cambeta.. aquò tanben dins lei familhas d’origina italiana.
 
La chausida de la “Fondazione Slow Food” pausa lo problema de l’anglés coma unica lenga de comunicacien. Aquelei que me legisson coneisson mon ostilitat a-n aquèu sistema que nos mena au nivèu zero de l’uniformizacien. Leis aparaires dau slow food, lo contrari dau fast food se compreni ben, duvrián admetre que si parrar dau mau manjar e dau mau parlar (lo globish, l’anglés de comunicacien basique) van ensèms. L’anglés, perqué non, sus lei reclamas de la Vau Estura, a condicien que li ague tanben l’occitan e lo francés.
 
“Africa begins at Calais” dison leis Englés. “La gastronomia s’acaba at Calais” dison lei Francés. Parlar de bòn manjar en anglés es coma se voliam parlar d’esqui en bambara. Manca lo vocabulari adaptat. Convendriá que leis englofònes lipets, son de miliens, aprenguesson l’occitan, l’italian e lo francés per poder ben parlar de ce que taston.
 
 
 
 abonar los amics de Jornalet



publicitat
BANER3: Ràdio Occitània



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Andrieu Abbe

Andrieu Abbe logo rss

Jornalista e païsan, militant occitan e viatjaire

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions