Bandièra01 1180x150: Comuna de Tolosa

Opinion

Babèl

L’i a doei biais de viatjar, lo degordit e lo “colhon”. Lo viatjaire qu’a chausit lo segond biais assaja de si despatolhar emb lo “globish” dins seis escambis verbaus a l’asard dei rescòntres. Lo globish es lo parlar, se si pòu dire ansin, fargat emb 300 mòts d’inglés que s’utiliza un pauc de’n pertot dins lo monde. Aquèu qu’a chausit lo promier biais assaja de si servir de la lenga dau païs. Un exèmple, per aquelei que parlon provençau e francés es fòrça aisat de comunicar emb leis Italians, toteis les ispanofònes e lusofònes e lei Romanescs... aquò fa de monde e ges de besonh emb elei de faire usança dau pietadós globish.
 
A-n aquèu prepaus convèn de faire una capelada ais ediciens Assimil que, a despart de la classica “Méthode Assimil” avián creat, l’i a de tèmps, la colleccien “Assimil évasion- le voyage en poche”. A l’ora d’ara, ne’ n son a mai de seissanta libres. Cu anarà au Senegau comprarà “le wolof”; cu anarà en Algeria cromparà “le kabile”. Catalan, còrso, basc, chtimi, breton, picard, caledonian, parlars creòles: lei lengas e dialèctes de l’estat francés son fòrça ben representats. L’espaci occitanofòne es presènt dins la colleccien emb l’auvenhat e lo gascon. Convendriá ara d’editar lo lemosin, lo lengadocian, lo vivaroaupenc e lo provençau per tapar quauquei traucs de la torre de Babèl.
 
 
abonar los amics de Jornalet
 
 

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article