Dimenge, 24.4.2022 03h00
"Viure au Païs es supèr cool"
Jan-Novè Tamisier ven de nos quitar.
Son nom dirà pas grand cauva a la màger part dei gents ara.
Dins leis annadas 70 e 80, donava son espectacle solet en scèna "Viure au Païs es supèr cool" en Provença e en Lengadòc, constituant d'una seria de scenetas plenas d'umor dins lei qualas alternavan lo provençau majoritariament e lo francés.
Lei clientas en cò de l'espiciera, lei vièlhs sus son banc, lei vendumiaires dins lei vinhas que la serada venguda van cantar de cançons occitanas...
Jan -Novè sabiá observar. Aus Arcs (Var), a Cadenet (Vauclusa), anava escotar lei vièlhs que prenián l'aire e faiá la virada deis espiçariás. A Ròcabruna (Var), faiá cada annada lei vendúmias en cò nòstre (fòto) puèi anava lei far a Sant Julian (Var).
Existe una caisseta àudio d'aquel espectacle. Aquela que possedi es inaudibla encuèi. Espèri qu'existe una benda son originala que podriá un jorn redonar vida a aquel espectacle que n'existe ges d'equivalent a ma coneissença dins lo teatre occitan.
Comentaris
No hi ha cap comentari
Comenta
Lo comentari es estat mandat corrèctament
Pas cap de comentari
En cargament
Pas cap de comentari
Mandar
