Dimenge, 5.6.2022 03h00
Lo Musèu de Preistòria dei Goargas de Verdon a Quinson (varianta Quinçon) vos convida a rescontrar la familha Préhistos dins sa cabana. Veiretz coma si viviá li a quauquei miliers d'ans en Provença auta, coma leis òmes caçavon e pescavon, coma lei fremas corduravon, coma lei dròlles jugavon. Aquèla mòstra es temporària, convèn de li anar aquest an. Mai lo musèu presènta una colleccien permanenta de promiera emb de dioramas foarça ben fachs.
En riba de Verdon, Quinson es lo promier vilatge basaupenc en venènt de Var. A proximitat si pòu visitar una bauma ente visqueron noastrei luenchencs avis e si podem banhar dins lo laus de Santa Crotz qu'aviá negat lo vilatgi dei Salas e la foant dau Vesque. A Quinson podretz ausir cantar lei gais quinçons pron qu'anessiatz vos plaçar luenh de la rota foarça correguda d'estiu. La preséncia d'aquelei Q mi fa pensar a mon paire que mi diiá "tot ara t'aponchi lo cuu" quora pichinet faiáu l'arlèri. Es una preïstòria familiala deis Abbe.
Comentaris
No hi ha cap comentari
Comenta
Lo comentari es estat mandat corrèctament
Pas cap de comentari
En cargament
Pas cap de comentari
Mandar
