CAPCALERA: ajuntament de tolosa
CAPÇALERA2: mot amagat

Jornalet, gaseta occitana d'informacions

Divendres, 27 de mai

Andriu de Gavaudan

Dissabte, 7.8.2021 03h00

Papièrs, siuplèt!


Comentaris 3 comentaris    
Dolent Fluix Bo Molt bo Fabulós (14 vòtes)
carregant En cargament


Pagar amb una carta de crèdit es vengut encara mai comun ara que totòm pòt pagar amb son telefonet
© Piqsels




Qui dirà la gèsta del Conselh constitucional e de son trabalh remirable per “servar l’unitat de la nacion”? Son interpretacion restrictiva dels tèxtes permet al president de la Republica  e al govèrn d’engatjar pas lo fèrre amb los sindicats, los elegits, etc. e de laissar entendre que la lei es dura mas aquò’s la lei — Dura lex sed lex!
 
Lo Conselh trenquèt, qualques setmanas a, contra unes articles de la lei votada a prepaus de nòstras lengas istoricas en se fasent lo complici del ministre de l’Educacion e de sa camarilla gràcia a la coardiá d’un president als abonats absents — sus aquel ponch.
 
Coma lo govèrn sembla de pas far fisança ni als elegits ni als foncionaris especializats per escriure de tèxtes “constitucionals”, demanda gaireben a cada còp l’avís del Conselh que se fa un plaser de rendre “sa” justícia.
 
Aital ven d’aprovar lo passapòrt sanitari — levat qualques punts — que d’ara en avant, deuriá tenir companhiá a la carta d’identitat.
 
Vertat es que cal d’una faiçon o d’un autra ensajar d’eradicar aqueste virus e qu’un vaccin salva matunas vidas mas compreni tanben que i aja monde que sián reticents per rasons filosoficas o autras.
 
Las rets socialas son vengudas l’agora dels paures e, sens se far conéisser, cadun pòt presicar per sa parròquia. Lo bedigàs, coma ieu, qu’ensaja de s’assabentar sap pas mai ont penjar son lum.
 
Los poders publics an lor part de responsabilitat dins lo pastís present. E o torni dire: als uèlhs d’una part bèla de la populacion, an perdut tota credibilitat.
 
E que i aja una eleccion presidenciala l’an que ven facilita pas las causas. Cada camp prepara sas armas e quand lo partit al poder parlade la seguretat sociala que pòrtan lo monde vaccinats, los adversaris parlan de contraròtle exagerat e de pèrda de libertat…
 
Per far bona mesura dirai que totes an rason! Desempuèi que lo virus se passeja, degun pòt pas negar los mòrts a molons mas los que son contra la vaccinacion e sustot lo passapòrt sanitari contèstan la pèrda de libertat, libertat garantida per la constitucion!
 
Sens voler èsser un pissa-vinagre, dirai que las tecnologias modèrnas nos privan cada jorn un pauc mai de nòstras libertats fondamentalas… amb nòstre consent, ça que la: es aquesit que la vidèo-susvelhança es venguda vidèo-proteccion e degun es pas contra una proteccion! Pagar amb una carta de crèdit es vengut encara mai comun ara que totòm pòt pagar amb son telefonet, etc.
 
Alara, es pas la pena benlèu d’udolar amb los lops o de bramar amb las vacas… mas caldriá exigir de nòstres representants que se comportèsson en adultes e non pas en servicial dels òmes al poder…
 
Dins pauc de temps, se daissèm corre, seriái pas susprés de veire un elegit, jos la pression de qualque ministre o del president, prepausar una lei per rendre constitucional l’obligacion d’aver un passapòrt interior!
 
 
 
abonar los amics de Jornalet
 
 


 



publicitat
BANER3: Ràdio Occitània



Comentaris

7 d'agost 10.34h

Segur que dempuèi la masqueta servís pas a ren, puèi per se cargar una masqueta es un gest tecnic qu'es pas a la portada de totis, pensatz la quita pòrta messorga del govèrn o sabia pas far. Puèi cal una masqueta obligatòri, puèi es enebit de prescriure tal o tal medicament,....vist qu'ara cal una ordonancia alara qu'èra vendut sus estanci dins totas las farmacias e que 7 milhards de personas n'an engolit sens cap d'ordonancias.

Puèi los laboratòris que dison que son totjorn en fa... Legir la seguida


Valora aquest comentari:   votar positiu 2   votar negatiu 2
Respondre comentari replica Comentari inadequat   Formulari d'abús de comentari

7 d'agost 08.50h

#1 Me desencuseretz mas sens voler vos acusar de res... complotisme, paranòia o autres nocions que son de mòda ... vos dirai que, personalament, fau fisança al mètge que s’ocipa, mal o pas, de ieu dins la mesura que soi pas competent per me suenhar qu’agi la caganha o un cancre.


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

7 d'agost 07.50h

Brave discors, plan argumentat que balha l'ilusion d'aver compris lo problem.
Mas, lo vaccin es fach per diminuar la populacion mondiala pas per la proteccion de la populacion. Lo Covid es pas pus dangeros qu'una gripa.
Quò es pas lo virus que tuat mas lo vaccin.
Quò es los vaccinats qu'attrapen lo covid. Quò es los vaccinats qu'an besonh d'una segonda vaccinacion e d'una tresema.....
Drubetz l'oelh e lo bon e arrestar de far fisança aus governaments, aus medias los mai influents que s... Legir la seguida


Valora aquest comentari:   votar positiu 1   votar negatiu 5
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Andriu de Gavaudan

Andriu de Gavaudan logo rss

Autor de la cronica occitana setmanièra al Petit Bleu de l’Agenais desempuèi 1978 e editorialista de La Setmana fins que quitèt de paréisser

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions