CAPCALERA: BOTIGA
CAPÇALERA2: mot amagat

Jornalet, gaseta occitana d'informacions

Diluns, 8 d'agost

Andriu de Gavaudan

Dissabte, 25.6.2022 03h00

Tempèsta al som de l’Estat!


Comentaris 7 comentaris    
Dolent Fluix Bo Molt bo Fabulós (8 vòtes)
carregant En cargament





O cal dire, desempuèi lo sègle dels Lums, França expòrta las idèas e los Estatsunidencs venon, a la chut chut, de s’apropriar lo mantra de nòstre president que se faguèt, fins ara, lo campion del En meteis temps.
 
I an metut de temps per çò qu’aquò los agrada pas tròp de confessar que son pas los primièrs per las “bonas” idèas ! Çò important es de far lo primièr pas ça que la… Per verificar lo mantra vengut de França, an causit quicòm de leugièr qu’a pas cap d’importància per un fum d’Estatsunidencs: le dret autrejat per la Constitucion d’aver armas e de las portar.
 
Son pas los chaples nombroses dins las escòlas, las glèisas, contra membres de la comunautat negra, etc. qu’an decidit los elegits del Capitòli de Washington mas lo fach que lo portaire d’una arma —del pistolet automatic a l’AK47— pòsca aver qualques problèmas psicologics e que seriá mestièr qu’un especialista afirmèsse benlèu que lo que crompa una arma amb l’intencion de trucidar un vintenat de drollets dins lor classa o autant de parroquians pendent un servici religiós o a la sortida de la glèisa, seriá mestièr donc qu’aqueste ajèsse un certificat de bona santat mentala que permète al mercadièr de li vendre l’arma en question!
 
E es aquí que lo mantra macronian s’aplica… Escotatz, brave monde! Lo meteis jorn, la Cort suprèma dels Estats Units decidiguèt que la Constitucion balhava lo drech a tot ciutadan de carrejar una arma amagada jol vestit o pas per se defendre e defendre los sieus — citi de memòria.
 
Ironia del sòrt, es al moment que la formula presidenciala tròba de discípols de l’autre bòrd de la Mar granda que jòga de torns al president!
 
O sabètz pas benlèu mas nòstre president elegit tornar, lo mes passat, per quatre ans de mai a pas capitat d’aver la majoritat absoluda dels deputats coma dins l’assemblada precedenta.
 
En mai d’aquò, las oposicions, de la Drecha extrèma a l’Esquèrra insomesa, son pas, pel moment, favorablas a un dialòg cosntructiu amb el. Pòdi apondre sens prene una risca granda que, d’un bòrd a l’autre de l’escaquièr politic, se farián pas pregar per lo far partir, vestit sonque amb de quitran e de plumas!
 
Mas aquò es impossible, lo president estant elegit al sufragi universal e los deputats, quitament depitats per d’unes, estant elegits per una tòca nacionalas mas dins lor ròdol sonque!
 
La setmana que s’acaba a vist la Drecha extrèma celebrar son triomfe e l’òme de l’eissarpa roja qu’exigissiá lo pòste de primièr ministre —e que s’es pas presentat de tota faiçon— se far discrèt e metre sas rodomontadas ministerialas dins la pòcha estant que, malgrat lo succès de sa coalicion, lo nombre dels elegits es plan en dejós del nombre requist per aver una majoritat.
 
Los sols, demest las oposicions, que presentan qualque afinitat amb lo partit del president se preissan pas de o far saber tanpauc.
 
Lo president deu donc trobar un consensus amb l’oposicion/las oposicions. Mas totes, levat sos discípols —e encara!— an de bonas rasons per li facilitar pas las causas dins la mesura que son estats umiliats pendent la mandatura precedenta. Jupiter, dins son Olimp, regnava amb sa cambra d’enregistrament sens quitament daissar un òs a rosegar a l’oposicion. E èsser mespresats pendent un periòde tan long s’oblida pas aisidament.
 
E n’anetz pas parlar de l’interès superior del país. La venjança, a còps, es un plat que se manja caud!
 
 
 
 
abonar los amics de Jornalet
 
 


 



publicitat
BANNER1 - comuna tolosa



Comentaris

25 de junh 20.31h

#5 Ai pas fach a l'expres d'escrire 4 còps. Es la fauta de la crubertura nuageosa qu'empescha l'ordinator de marchar coma chau. L'òm creu que lo messatge es parti. Quò es pas vrai e l'òm tòrna puiar quatre còps per esser segur que quò marcha. Merces de z'aver dich.


Valora aquest comentari:   votar positiu 0   votar negatiu 1
Respondre comentari replica Comentari inadequat   Formulari d'abús de comentari

25 de junh 20.31h

#5 Ai pas fach a l'expres d'escrire 4 còps. Es la fauta de la crubertura nuageosa qu'empescha l'ordinator de marchar coma chau. L'òm creu que lo messatge es parti. Quò es pas vrai e l'òm tòrna puiar quatre còps per esser segur que quò marcha. Merces de z'aver dich.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

25 de junh 09.58h

#4 O sabi que escrivi per ren dire mas ai pas vòstras coneissenças de la natura umana ni vòstra pregondor d'analisi per tenir compte dels poders escurs e esconduts que governan lo planeta

Çaquelà, es benleu pas necite de o escriur quatre còps en seguida... soi pas aluserpit mas en legissent vostra pensada 4 còps m'arriba de comprene vòstre propaus.


Valora aquest comentari:   votar positiu 14   votar negatiu 0
Respondre comentari replica Comentari inadequat   Formulari d'abús de comentari

25 de junh 06.13h

La tempesta dins l'estat, es una bona novela.
D'aquela crisa que n'en sortira?
Andriu de Gavaudan quò es l'art de parlar per ren dire. Au niveu de l'estat se passaria una batalha cornelenna que tocara mas la classa politica?

L'òm oblida totjorn los dejos de la realitat : crisa economica, crisa financiera, deta de l'estat frances, corupcion, medias au service de las familhas las pus poderosas, pandemias, mesuras autoritarias, utilisacion de l'urgença, de menaças las unas fabricadas, las ... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

25 de junh 06.13h

La tempesta dins l'estat, es una bona novela.
D'aquela crisa que n'en sortira?
Andriu de Gavaudan quò es l'art de parlar per ren dire. Au niveu de l'estat se passaria una batalha cornelenna que tocara mas la classa politica?

L'òm oblida totjorn los dejos de la realitat : crisa economica, crisa financiera, deta de l'estat frances, corupcion, medias au service de las familhas las pus poderosas, pandemias, mesuras autoritarias, utilisacion de l'urgença, de menaças las unas fabricadas, las ... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

25 de junh 06.13h

La tempesta dins l'estat, es una bona novela.
D'aquela crisa que n'en sortira?
Andriu de Gavaudan quò es l'art de parlar per ren dire. Au niveu de l'estat se passaria una batalha cornelenna que tocara mas la classa politica?

L'òm oblida totjorn los dejos de la realitat : crisa economica, crisa financiera, deta de l'estat frances, corupcion, medias au service de las familhas las pus poderosas, pandemias, mesuras autoritarias, utilisacion de l'urgença, de menaças las unas fabricadas, las ... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

25 de junh 06.13h

La tempesta dins l'estat, es una bona novela.
D'aquela crisa que n'en sortira?
Andriu de Gavaudan quò es l'art de parlar per ren dire. Au niveu de l'estat se passaria una batalha cornelenna que tocara mas la classa politica?

L'òm oblida totjorn los dejos de la realitat : crisa economica, crisa financiera, deta de l'estat frances, corupcion, medias au service de las familhas las pus poderosas, pandemias, mesuras autoritarias, utilisacion de l'urgença, de menaças las unas fabricadas, las ... Legir la seguida


Valora aquest comentari:   votar positiu 0   votar negatiu 10
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Andriu de Gavaudan

Andriu de Gavaudan logo rss

Autor de la cronica occitana setmanièra al Petit Bleu de l’Agenais desempuèi 1978 e editorialista de La Setmana fins que quitèt de paréisser

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions