CAPCALERA: PAIS INVISIBLE
CAPÇALERA2: AMICS DE JORNALET

Jornalet, gaseta occitana d'informacions

Diluns, 6 de febrièr

Andriu de Gavaudan

Dissabte, 15.10.2022 03h00

Gojats que sèm dins totes los domenis…


Comentaris 5 comentaris    
Dolent Fluix Bo Molt bo Fabulós (4 vòtes)
carregant En cargament


Nòstres pastres de la nacion tornan far coma, ans a, d’autres pastres faguèron pel Minitel — los vièlhs coneisson!
© Nicolas Nova




Sabi pas s’es bon per mon colesteròl o pas mas se passa pas un jorn sens que m’arràbii contra lo tot-numeric volgut pels pastres de la nacion!
 
Podètz pensar que soi un pauc piòt dins la mesura que sabi me servir d’un ordenador… Òc ben, mas un ordenador es un otís de trabalh plan comòde per escriure mas pensadas pregondas e mai las autras; al luòc de bifar çò que m’agrada pas, ai la possibilitat de lo tirar, de lo copiar, de lo pegar, etc.
 
E es vrai que quand volretz legir mos caps d’òbra, auretz pas l’escasença de legir ma pròsa primièra… n’auretz pas que lo… cap d’òbra!
 
Levat per qualques uns, los tèxtes, faiçon manescriches de Gensemin, Delbousquet o Tozy —e òc, los autors occitans bifavan coma los autors franceses!— los tèxtes raiats, acompanhats de dessenhs o de renècs plan sentits, an viscut, victimas de la modernitat informatica.
 
Aquela part de l’informatica m’agrada personalament mas la qu’asiri es non pas la recèrca sus Internet que pòt èsser utila mas los formularis a emplir, las declaracions a far, etc.
 
Ièr, per exemple, telefonèri a la comuna del vilatge per far passar un messatge associatiu sul panèu luminós electronic. La secretària me diguèt que o caliá far en passant pel siti local. Li rebequèri qu’èri pas a l’aise per tot aquò… sospir!… e que, del moment que nos parlavam al telefòn, poiriá prene mon messatge cortet per anonciar la manifestacion a venir… Sospir tornar!… Nani, mossur, vos cal anar sul siti, emplir lo formulari amb vòstre nom, prenoms, etc. e escriure vòstre messatge a l’endrech previst per aquò, e bla bla bla e bla, bla, bla…
 
Li demandèri çò que fariá de mon messatge un còp que l’auriá recebut… Me respondèt que lo tornariá copiar per fin que paresca sus l’ecran luminós de la comuna… “Mas, se vos disi l’anóncia… — Non, cal passar pel siti.” Me calèri e pausèri lo telefonet!
 
De quora en quora, i a d’enquistas suls emplegats que se mandan corrièls/corrics quand trabalhan un a costat de l’autre.
 
Qualques ans a, una marca de telefonets disiá que “religava los Òmes”. Anuèit, sèm pas jamai estats autan religats los uns als autres e sèm pas jamai estats autan isolats!
 
Nòstres pastres de la nacion tornan far coma, ans a, d’autres pastres faguèron pel Minitel — los vièlhs coneisson! França, lo país dels Lums deu menar totes los ciutdans al benèsser informatic… mas coma i a encara un fum de personas, vièlhas sustot, qu’an pas d’ordenador o que comprenon pas encara totas las subtilitats d’una @ (aròba) o d’una & (e comerciala), ni l’importància de las majusculas e de las minusculas, etc. arriba que las comunas organizan d’estagis e nos prenon per la man coma se fasiá autres còps amb lo “Ravi de la grèpia” quand lo passejavan dins lo vilatge.
 
Benuroses siam d’aver nòstres representants, del cònsol màger al president, socitoses de nòstra vida vidanta numerica!
 
Pareis —mas ne’n cal pas aver après los Ucraïneses— que l’ivèrn que s’apressa riscam d’aver qualque dificultat per nos calfar e per nos esclairar o per circular en veitura. Nòt’ bon president e son govèrn an trobat lo remèdi per passar un ivèrn sens aver freg dins l’ostal: sufís de metre una bona lana amb un còl naut… E an una responsa per tota autra situacion… Los mèdia, sustot la ràdio, nos abeuran de conselhs: prene una docha e non pas un banh, daissar pas lo lum inutilament, marchar fins a l’espiçariá — quand n’i a una! — al luòc de prene la veitura, etc.
 
A mens d’èsser un piòt, totes o sabon que los eveniments politics, que resultan de l’accion del psicopata del Kremlin, an e auràn una influéncia sus nòstra faiçon de viure e que las annadas a venir —aviam pas besonh d’aquò— seràn pas lo preludi al paradís sus tèrra.
 
Mas nòstres líders doblidan pas que lor cal guidar un pòble de sembla-lobotmizats e que los enfants que sèm o demandan…
 
Per astre, Euròpa existís e sos foncionaris menan d’accions bèlas per protegir e far progressar la societat europèa. La darrièra recomendacion es de condamnar la violéncia verbala—e fisica—del parents e de permetre pas pus de frasas òrras coma “Vai-te’n dins ta cambra!”
 
Es domatge que lo sembla-tsar rus siá pas dins Euròpa!
 
 
 
 
 
abonar los amics de Jornalet
 
 


 



publicitat
BANNER1 - OPLO erasmus



Comentaris

16 d'octòbre 11.35h

#4 ???


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

16 d'octòbre 10.32h

#3
Direcciu l'espitau psiquiatrique


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

15 d'octòbre 14.23h

L'europenc es lo bon; Putin es lo marrit
L'europenc es lo bon, Putin es lo marrit
L'europenc es lo bon; Putin es lo marrit.
Banlevam dins l'autre camp
Lo russe es lo bon, l'europenc es lo marrit
Lo russe es lo bon, l'europenc es lo marrit
lo russe es lo bon; l'europenc es lo marrit!

L'aiga que buvam es empoisonada; quò es pas vrai
l'aer que respiram es empoisonat; quò es pas vrai
La princessa Lady Di es pas mòrta? Esperava un tresieme efant
e es partida coma son amant, un arabe de bona f... Legir la seguida


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

15 d'octòbre 14.23h

L'europenc es lo bon; Putin es lo marrit
L'europenc es lo bon, Putin es lo marrit
L'europenc es lo bon; Putin es lo marrit.
Banlevam dins l'autre camp
Lo russe es lo bon, l'europenc es lo marrit
Lo russe es lo bon, l'europenc es lo marrit
lo russe es lo bon; l'europenc es lo marrit!

L'aiga que buvam es empoisonada; quò es pas vrai
l'aer que respiram es empoisonat; quò es pas vrai
La princessa Lady Di es pas mòrta? Esperava un tresieme efant
e es partida coma son amant, un arabe de bona f... Legir la seguida


Valora aquest comentari:   votar positiu 1   votar negatiu 1
Respondre comentari replica Comentari inadequat   Formulari d'abús de comentari

15 d'octòbre 11.10h

de condamnar la violéncia verbala—e fisica—del parents cap als dròlles...
Desencusatz-me mas les tres darrièrs mots son demorats dins l'etèr.... Me l'an ja dich que pensavi tròp viste.... A! Los mutants... es aital...


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OC Brigada

Perfil

Andriu de Gavaudan

Andriu de Gavaudan logo rss

Autor de la cronica occitana setmanièra al Petit Bleu de l’Agenais desempuèi 1978 e editorialista de La Setmana fins que quitèt de paréisser

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions