CAPCALERA: BOTIGA
CAPÇALERA2: mot amagat

Jornalet, gaseta occitana d'informacions

Diluns, 8 d'agost

Andriu de Gavaudan

Dissabte, 18.6.2022 03h00

Ensag de còp d’Estat per cap d’Estat…


Comentaris 3 comentaris    
Dolent Fluix Bo Molt bo Fabulós (6 vòtes)
carregant En cargament





Los qualques uns que me legisson —non, n’i a mai qu’aquò !— sabon qu’ai ja parlat de “democratura [1]“ dins mas bilhetas en parlant de nòstra democracia francesa. N’i a que devon pensar que me fau la musica e las paraulas e vòli ben admetre que lo mot es un pauc fòrt benlèu…
 
Ça que la, desempuèi 2020, amb la pandemia la vida vidanta autant coma la vida politica es estada capvirada; en causa de l’urgéncia e de la paur d’aquel virus desconegut vengut de luènh, los Franceses an acceptat mesuras inaceptablas dins condicions de vida normala.
 
Lo president e son governament, quitament se trastegèron pendent un brave brieu, an degut prene decisions rapidas, etc. Per aquò far, volguèron pas pèrdre de temps amb la representacion nacionala e mai aguèsson la majoritat absoluda e an decidit de far passar las mesuras per decrèts…
 
Mas es coma tot, las maissantas abituds son lèu presas. Res non val la decision del mèstre quand se pòt estalviar totas aquelas parladissas inutilas de la part dels elegits. E a la start-up nation li basta d’aver un bon capitani e qualques bons marinièrs, non? E venguètz pas me parlar de democracia quand i a tant d’incompetents ! Un que sap val mai que dètz que cèrcan, ditz l’adagi.
 
Donc aquò fa gaireben dos ans que not’ bon president ne pren a son aise amb la representacion nacionala — e totas las autras tanben.
 
Seriá estat contaminat pel numèro 45, l’èx-conducator dels Estats Units que ne seriái pas estonat. Aquel d’aquí, ne parlèri ja dins mas bilhetas quand comencèt, mai d’un an avant las eleccions presidencialas de 2020, a proclamar dins sos mitins que, perdèsse contra Biden lo dormilhós, las eleccions serián trucadas. O diguèt e o tornèt dire tant e tant que lo jorn de l’eleccion cridèt a l’escandal e a l’engana e demandèt a sos partisans de se n’anar per carrièras mostrar que s’anavan pas daissar colhonar. Sos pòrta-espaldas e qualques armas damnadas demandèron als jutges de denonciar aquela engana mostrosa… sens succès !
 
Per far cort, aquò menèt a l’invasion del Capitòli del 6 de genièr 2021, etc. E adara, lo comission en carga d’establir çò que se passèt vertadièrament comença de ne tirar las conclusions —malgrat las denegacions dels deputats e senators republicans— que lo numèro 45 aviá trabalhat amb son administracion a subvertir la democracia estatsunidenca per demorar al poder…
 
E, çò extraordinari, es que los elegits republicans dins lor granda majoritat, sostenon lo numèro 45 quitament après aver declarat urbi et orbi, per un fum d’entre eles, que tot aquel auvari èra estat menat de man de mèstre per el !
 
Lo far de l’univèrs liure esclaira nòstre canton, coma o cantava Fulbèrt Cant a la fin dels ans 70, mas las falordisas del president del país mai poderós del planeta an portat lo país al bòrd del precipici e an devesit lo país en dos camps irrecompciliables.
 
La diferéncia amb França, un país de l’Euròpa vièlha? La representacion nacionala a capitat de crear una comission d’enquista de tira o quasi e fa conéisser sas conclusions après una enquista publica e televisada;  en cò nòstre, lo president comanda un rapòrt que, tanlèu publicat, es sarrat dins un tirador
 
De que ne serà de l’avenidor? Se ditz d’una bèstia fèra ferida qu’es dangierosa… La bèstia fèra estatsunidenca son los Estatsunidencs de la pèl blanca e la paur los pòt menar a organizar lo caòs… per creire se sauvar.
 
En França, son mai que mai rodomontadas dels politicians e, generalament, cadun espèra que las ondadas s’apasimen.
 
Seriá vertat donc que dins la vièlha Euròpa, França foguèsse vièlha?
 
 
 
 
 

[1] Vaquí las definicions del diccionari per los que volrián pas pèrdre temps a cercar:
 
1. Régime politique qui, tout en ayant certains attributs de la démocratie, comme le pluripartisme, n’en est pas moins dirigé d’une façon autoritaire, voire dictatoriale. (On dit aussi dictocratie.)
 
2. Glissement de la démocratie vers la dictature par une remise en cause de l’État de droit.
 
 



abonar los amics de Jornalet

 



publicitat
BANNER1 - comuna tolosa



Comentaris

18 de junh 17.32h

Coma i a l’imatge del morre de Macron sus l’article, lo chinchon de l’Alís ça diquèc que voliá per 2030 100 unicòrns.

Sèm pas ençò de Barnum çaquelà !

Explicas en economia un unicòrn es una entrepreza dins la novèlas tecnologias que fa pas partida d’un grand grop, qu’es pas en Borsa e qu’es valorizada aperaqui a 1 milhard de dollars.

Atal fusquèc dich al « 6n. Viva Technology » salon consagrat a l’innovacion tecnologica

Tre-z-ara n’avèm 27 d’unicò... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

18 de junh 08.50h

#1 car mosuur
Seriá mestièr qu’escriguèssetz articles per jornalet e pas unicament de responsas cortetas a mas elucubracions… que vos fan rire…
Al mens n’i a demest mos legeires que se ritz…


Valora aquest comentari:   votar positiu 8   votar negatiu 0
Respondre comentari replica Comentari inadequat   Formulari d'abús de comentari

18 de junh 07.21h

Quò es un article quand mesme a en rire, a en rire...

Perque la réalitat d'Andriu es la d'una propaganda plan alimentada per los dictators que menan la dansa en Euròpe coma aus Estats-Unis que s'apelan Biden o Macron. e autre sostengut per de las familhas poderosas coma los Rockfeller ou los Rotschild..
De l'autre costat i a Putin e Trump a la testa d'una armada que vai nos liberar. Degun auria pas l'idéia de sosteener qu' i aja una politica diferenta d"'un estat a l'autre.
ONU, OMS,... Legir la seguida


Valora aquest comentari:   votar positiu 0   votar negatiu 9
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Andriu de Gavaudan

Andriu de Gavaudan logo rss

Autor de la cronica occitana setmanièra al Petit Bleu de l’Agenais desempuèi 1978 e editorialista de La Setmana fins que quitèt de paréisser

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions