CAPÇALERA: IEO09-01
CAPÇALERA2: OPLO

Jornalet, gaseta occitana d'informacions

Dimars, 29 de novembre

Andriu de Gavaudan

Dissabte, 5.11.2022 03h00

La vergonha…


Comentaris 8 comentaris    
Dolent Fluix Bo Molt bo Fabulós (14 vòtes)
carregant En cargament





Ne soi a me demandar, a còps, perqué agachi en defòra de l’exagòn per la novèlas faussas o vertadièras quand, dins lo perimètre de la Republica, se passan tant de causas risolièras!
 
La mai recenta, cresi, se passèt a l’Assemblada, un endrech ont los elegits del pòble, nòstres elegits, son supausats votar las leis après aver escotat un fum d’intervenents —son pas totes orators, ailàs— que donan d’explicacions al nom de lor grop e explican generalament perqué votaràn o votaràn pas lo tèxt… Vòli plan creire que i aja mai interessant comma espectacle mas degun es pas obligat de far lo deputat.
 
En Bilongo, un “insomés!”, fasiá part de sos pensaments pels immigrants qu’èran estats secorruts en mar Miègterranea quand un “gars de la Marine” —los mai vièlhs coneisson de segur la cançon: “C’est nous les gars de la Marine”— lancèt a la cantonada mas cap al deputat que parlava: “Que tòrne(n) en Africa !”
 
Pensi que, sul moment, deguèt èsser content d’el e que mai d’un dins l’emicicle èra content de segur qu’agèsse lançat aquela remarca cap a un deputat de la pèl negra.
 
Per far cort, lo deputat es estat condamnat a una esmenda, me sembla…
 
Çò important dins aquel afar, levat l’indignacion dels uns e dels autres per defendre o  blaimar aquel individú son doas causas.
 
Deuriá pas èssser una suspresa mas auriá prononciat son apostròfa correctament, degun auriá pas comprés lo contrari de çò que ditz aver dit!
 
I sètz? O sabi, es un pauc complicat benlèu per d’unes mas, en “francés de qualitat”, cal far las ligasons. Auriá dich: “Qu’ils retournent en Afrique !” en ligant lo vèrbe a la preposicion — “t’en”— l’onorabla assemblada auriá comprés que parlava dels migrants e non pas del deputat a la tribuna.
 
Bon, podèm pensar qu’èra pas descontent de macar un òme de color en disent son oposicion a tota migracion d’aquelas gents que son las avantgarda del “grand remplaçament” e la Marine prenguèt lèu lèu sa defensa…
 
Anavi doblidar… la segonda causa… Arribi pas a comprene que i aja encara d’arlèris aital —dins l’exagòn almens— capables de parlar sens rire de Franceses de soca, de grand remplaçament, etc. mentre que sèm, coma o disiá un Occitan dins los ans 1980: “Sèm un pòble de bastards! Dempuèi sègles, los pòbles se son mesclats al cors de las invasions e de las ocupacions.”
 
Mas sabi que presiqui dins lo desèrt e qu’empacharai pas jamai qualqu’un, quitament s’es un immigrat —e sustot s’es un immigrat— de se pensar mai francés e, en consequéncia de se meritar mai de privilègis e autras besucarietas.
 
Me daissi anar a generalizar e es pas una bona faiçon de denonciar los problèmas que se pausan a nòstre país mas un elegit o tota persona qu’a responsabilitats dins l’anar del país, a un nivèl o a un autre, deuriá aver un comportament exemplar.
 
Ailàs, tròp sovent se pensan tot permés e la lei comuna que vòtan per nosautres —deurián èsser a nòstre servici!— la vòlon pas se l’aplicar…
 
Me desencusi per aqueles rasonaments de cafè del comèrci e soi pas mai bon ciutadan qu’un autre mas o tòrni dire: coma un fum d’autres, soi gessit de l’immigracion e me sentirai pas jamai lo drech de refusar l’asili a personas dins lo besonh.
 
Los Franceses son pas solets dins aquel refús d’aculhir “l’estrangièr” e mai d’un país de l’Union europèa son venguts de democracias “illiberalas”.
 
França ara seguis una carrièra bòrnha amb la politica menada per sos dirigents, totas tendéncias politicas cofondudas.
 
Coneissiam ja son actitud repressiva cap a nòstras lengas istoricas  al nom d’un pretendut comunautarisme.
 
Es en tren de bastir una autra muralha en pensant se preservar d’un dangièr quand la risca es granda de tombar de Caribde en Scilla…
 
 
 
abonar los amics de Jornalet
 
 


 



publicitat
BANNER1 - OPLO erasmus



Comentaris

11 de novembre 15.04h

#6 Me podètz tractar de racista… si sabiatz coma me'n bate bravament las colhas !  ㋡


Valora aquest comentari:   votar positiu 0   votar negatiu 5
Respondre comentari replica Comentari inadequat   Formulari d'abús de comentari

11 de novembre 15.04h

#1 Me podètz tractar de racista… si sabiatz coma me'n bate bravament las colhas !  ㋡


Valora aquest comentari:   votar positiu 0   votar negatiu 5
Respondre comentari replica Comentari inadequat   Formulari d'abús de comentari

9 de novembre 16.41h

Es magnific coma lei 5 comentaris sota aqueu tèxte que se dién absoludament pas racistas son totei de messatges de propagandas racistas demieg lei mai òrras. D'en promier lo RN es pas racista. Puei aparentament l'i auriá un problèma d'imigracion massiva que nos vèn colonisar (que segur, son exactament a nos colonisar, cadun saup que colonisar un endrech es l'i èstre despatriat, victime de racisme, èstre paure, dominat e bandit de totei lei luecs de la vida sociala, e tot aquò).

D'alho... Legir la seguida


Valora aquest comentari:   votar positiu 11   votar negatiu 1
Respondre comentari replica Comentari inadequat   Formulari d'abús de comentari

8 de novembre 13.08h

#4 Excellenta analisi. Fau la meteissa. Excellente analyse. Je fais la même.


Valora aquest comentari:   votar positiu 1   votar negatiu 10
Respondre comentari replica Comentari inadequat   Formulari d'abús de comentari

8 de novembre 11.19h

Je suis désolé de ne pouvoir écrire en occitan qui était la langue de mes grands-parents.

Certains vont voir ici un commentaire "raciste", "fasciste" ou je ne sais quoi, mais combien d'entre eux pensent la même chose en sourdine. Tout le monde voit que cette immigration incontrôlée nous entraine vers un gouffre. Que nous ne ferons jamais des occitans occitanophones de ces Sénégalais, Syriens ou Algériens, à part de très rares exceptions.

La Gauche était avant le camp de la Raison... Legir la seguida


Valora aquest comentari:   votar positiu 4   votar negatiu 12
Respondre comentari replica Comentari inadequat   Formulari d'abús de comentari

7 de novembre 21.48h

Lo contengut d'aqueste comentari es ocult perque es estat considerat inadeqüat pels legeires de Jornalet
Mostra'l


Valora aquest comentari:   votar positiu 0   votar negatiu 24
Respondre comentari replica Comentari inadequat   Formulari d'abús de comentari

7 de novembre 20.23h

Je pense qu'il y a une certaine folie dans la pensée gauchiste désormais. Un amour sans limite de l'immigré. L'immigré est la somme de toutes les vertus, il a tous les droits, toutes les qualités. Et son droit à coloniser l'Occitanie est sacré. Parce que bien évidemment, l'immigré va apprendre l'occitan et sera le miroir inversé du français ou de l'occitan francisé.

Le gauchiste n'est pas la gauche. Je suis de gauche, je ne peux plus supporter ce délire. Je continue à lire le Jor... Legir la seguida


Valora aquest comentari:   votar positiu 4   votar negatiu 22
Respondre comentari replica Comentari inadequat   Formulari d'abús de comentari

7 de novembre 20.19h

Podètz èsser oposat a las idèias dau deputat RN, mas dire que sos propaus de dijòus passat sirián racistas es de meschanta fe ! Aitanben, l'Assemblada l'ausèt mème pas comdemnar per sos dires, mas simplement per lo charvalin que provoquèron… Eirosament, lo pus mai daus ciutadans de la vida correnta son pas nècis, sufís màs qu'anar veire los rasaus sociaus o ne'n batalhar per charrèiras, per veire qu'an absoludament comprés la manigança…


Valora aquest comentari:   votar positiu 2   votar negatiu 20
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Andriu de Gavaudan

Andriu de Gavaudan logo rss

Autor de la cronica occitana setmanièra al Petit Bleu de l’Agenais desempuèi 1978 e editorialista de La Setmana fins que quitèt de paréisser

mai d'informacions

contactar l'autor

Las mai...


Mai d'articles

Archius




D'autres articles


Jornalet, gaseta occitana d'informacions