CAPCALERA: Lo Diari

Jornalet, gaseta occitana d'informacions

Diluns, 26 d'octòbre

Anna Cocurau

Dimècres, 7.10.2020 03h00

Lo camisòt dau vergonha


Comentaris 18 comentaris    
Dolent Fluix Bo Molt bo Fabulós (46 vòtes)
carregant En cargament





Lo principi d’aqueu camisòt: quan una escolana se presenta embe una tenuda jutjada inapropriada dens aqueu establiment escolar en Soïssa (praus 11 – 15 ans), diu portar aqueu camisòt dit “dau vergonha”, aperat atau prau còs ensenhaire e l’administracion tanben. Siga un “camisàs” XXL “J’ai une tenue adéquate!”.
 
Quan hèdes das crompas, ne sús pas supausat auger un unifòrme. Au cinèma tanpòc. A l’escòla deuré estar la medisha causa. Au tribalh divem das còps portar un unifòrme, representam una enterpresa, una institucion. Loas escolan·a·s, collegian·a·s, licean·a·s, ne son pas das representant·a·s d’un establiment escolar. N’an pas per ròtle de miralhar l’imatge d’una societat (manca privat). Ne son pas representant·a·s de digun manca d’eths/eras medish·as, dens un establiment qu’an per obligacion de frequentar per beneficiar dau dret fondamentau qu’es l’educacion.
 
Las gojatas concernidas ne van pas en cors vestidas en tenuda de serada, vestidas d’un biais sexy o ne sèi pas qué: parlam de shòrts e desbardaires. Dempuish quan ne son pas das vestits com fau? Las hilhas alavetz diven portar aqueu daquòs si que non son tornadas de casa de fòrça: la tenuda das hemnas compta mei que lor dret ad auger accès a l’educacion. En teoria concernís tot·a·s loas escolan·a·s mes n’i a pas nat gojat qui fut tornat de casa de fòrça, o forçat de botar aqueu camisòt.
 
S’un gojat punta, ne’s passarà pas ren. S’una gojata punta, aurà das remarcas sus son non pòrt de pòrtapopas e serà jutjada provocaira. Son còs alavetz serà sexualizat e dit com factor de desconcentracion das gojats, qu’an forçadament das pulsions en dehòra de tot contraròtle e qui son ipnotizats a la vista d’una popeta simpla o d’un shòrt (e es una desencusa emplegada prau còs ensenhaire eth medish). Dempuish l’escòla, donc, te hèden compréner que lo còs das hemnas es un problèma qui perturba l’espaci public si n’es pas pro cobèrt. [MES si n’es tròp, com embe lo pòrt dau carrat per exemple (çò qui pausa enqüèra problèma a l’escòla o per rua), seràs jutjada com tròp vestida, tròp conservatritz – au minimum. Ne respèctas pas la Republica e las valors dau Republica.] Es donc a la hemna de s’adaptar ad aqueras environas pr’amor es son còs lo problèma. Diu s’adaptar au hèit que son còs siga percebut d’un biais problematic per l’espiar das gojats qui n’es forçadament destabilizat. O d’un espiar “sexualizator” das òmis. Parlam d’escolanas.
 
E a la collegiana qui diu subir l’umiliacion de portar aqueu camisòt, çò que li poirén díder pendent la recreacion? Que volut hèser la salòpa? Es aqueu estil de comportament (e de perméter a la causa de’s hèser) qu’apèra a la cultura dau forçament: “si te hèdes shèguer après los cors, l’auràs plan cercat, sús vestida cortet totun”.
 
Aquera istòria hèi rebom embe una dauna qui’s vedut refusada l’entrada au musèu d’Orsay a l’encausa dau descoletat d’una rauba: dens aqueu musèu, i a hèra de nuds, qui per la majoritat representan lo còs femenin. Donc pòden emplegar lo còs das hemnas per mira artistica, o per véner das veituras, tant que mena dau benefici. Mes quan es una hemna qui decidís era medisha de son còs, n’es pas mei possible? Çò qu’es lo messatge? Si te vestisses com ec vòs, ne pòdes pas mei anar a l’escòla o au musèu? Que’n fau subretot pas aperar l’espiar das òmis, mes non pas hèser la pruda tanpòc? Que la sola representacion das còs das hemnas se diu hèser segon un espiar masculin? Qu’es normau que sigas insultada pr’amor embe ton shòrt tas camas son visiblas? Que sigas umiliada a l’escòla o privada d’educacion? Atacada per rua?
 
Article hont: ‘Au cycle de Pinchat, «le t-shirt de la honte»’ (Le Courrier 23.09.2020)
 
 
 
 
 
 
 
abonar los amics de Jornalet
 
 


 



publicitat
BANNER1: IEO Arièja



Comentaris

14 d'octòbre 08.59h

Escrivi perque soi indigniada e compreni mèma pas perqué aqueste debat existis... La tenguda Republicana es una insulta als umans quin qué sia los genris d'abòrd per las femnas perque es coma se las consideravan coma un tròç de carn.
Parlan de mai en mai de l'egalitat entre òmes e femnas e pertant fan encara la diferéncia entre lo còs de l'òme e de la femnas, òm sexualiza los còs feminin e pas lo còs masculin.
Puèi es tanben una insulta per los òmes que consideran que son pas c... Legir la seguida


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

12 d'octòbre 11.46h

#15 De vertat es Soïssa e las costumas son pas las meteissas, notadament en terme de referendum popularis e de democracia (bon aprep se n'en pòt charrar tanben sul fons... En bon anar soi per la consulta populara mas sabi ben que pas acompanhat de dialòg òm pren la risca de veire tornar idea que fan paur).

Caquela me semble que "a nosta" mai particularament en Gasconha (veire en Biarn) l'estatut de la femnas era pas maissant... Mas qu'aquò cambièt


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

12 d'octòbre 11.42h

#14 Devinhòla devinhòla... De que fan dos tròls que s'encontran ? Trolejan
Personalamen lo meu comentari (#13 porta bonastre o malastre segon los luòcs) es pas insolentant... Tombi sus un tròl, fau lo tròl tanben (i podi pas res, per ieu es un reflex naturau)


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

12 d'octòbre 10.40h

Après qu'ei la Soïssa, las hemnas qu'i an obtiengut lo dret de votar sonque en 1971, lhèu an ua mentalitat drin diferenta de la nosta... Mèma si a noste tot n'ei pas perfèit luènh se'n cau e si avem problematicas similaras.... Urosament, ne pensi pas qu'aquò passaré dens un establiment francés (mes que poderí aver maishantas suspresas)


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

12 d'octòbre 10.33h

#13 #9 ... Lo comentari de JP que hasè drin tròl e deu men punt de vista que meritava esplics mes ne serveish pas a arren de s'esnerviar. Los vòstes comentaris que son au mensh autant irrespectuós com lo son.

#10 Non, que'm sembla apropriat.

Quand parlam de quin podem tractar l@s joen(a)s, la question "Aurén agit parièr s'avè concernit adultes?" que'm sembla pertinenta. E dens aqueste cas, ne'm sembla pas que seré estat acceptat qu'ua autoritat decidisse de quin se podem vestir o pa... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

12 d'octòbre 01.00h

#7 Es una lenga qu'i disem "Occitan" ( "ɔksitɑ̃" en fonetica internacionala, "òksitâ" en fonetica francesa)... Dins son parlar gascon del rodol del medòc... Per contra ai enveja de pausar la question ... Pensatz esser sus un jornau que parla qu'una lenga... Ah merda benleu m'anètz pas comprendre doncas assaji de determinar primier la lenga qu'esperatz... Você fala português? Hablas español ? Sprechen Sie Deutsch ? Unaongea wahili ?


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

12 d'octòbre 00.45h

Daissarai los "qui sachent" jutjar de le forma (dels temps que se tocan sus la linguista, se tocan pas sus los vestits d'una gojata) mas sul fons... Òsca, article de las bonas, argumentat, uman, biaissut. Personalament lo trapi flame (e me fa plaser de veire monde normau escriure en lenga nòstra amb afogament sus subjectes normaus)


Valora aquest comentari:   votar positiu 10   votar negatiu 0
Respondre comentari replica Comentari inadequat   Formulari d'abús de comentari

10 d'octòbre 13.45h

#7 Açò ei un occitan de Medòc fòrça corrècte. Es aranesi non auem cap de dret de criticar es iperlocalismes ;-)


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

10 d'octòbre 12.56h

Que siagem favorables o pas embé la tenguda dita republicana dau menistre Blanquèr, parlar d'umiliacion me sembla pro abusat... cresètz pas ? Los joines son pas de sucre pasmens !


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

9 d'octòbre 17.06h

#7 De debutants en occitan LENGADOCIAN de 16-17 ans amb 1an e mièg d'aprendissatge an tot comprés d'aqueste tèxt (qu'es pas especialament dificil de comprene tanpauc).


Benlèu qu'es pas la lenga de tornar metre en question mas lo fonccionament de la vòstra comprenèla.


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1
-
2 >




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Anna Cocurau

Anna Cocurau logo rss

Estudianta en tresena annada de la licéncia d'occitan a l'Universitat de Tolosa Joan Jaurés e activista dins Òsca, l'associacion dels estudiants e las estudiantas occitanas de Tolosa

mai d'informacions

contactar l'autor

Las mai...


Archius




D'autres articles


Jornalet, gaseta occitana d'informacions