CAPÇALERA: IEA-AALO
CAPÇALERA2: Botiga

Jornalet, gaseta occitana d'informacions

Dimars, 29 de novembre

Artús-Omèr Marcelon

Dimenge, 30.10.2016 03h00

Parlar de se


Comentaris 8 comentaris    
Dolent Fluix Bo Molt bo Fabulós (13 vòtes)
carregant En cargament


Pendent qu’esperam Godòt, legissèm los comentaris dels jornals. S’as la capacitat de legir entre las linhas, son tostemps melhors que los quites jornals, macarèl!
 
Los basses fons dels comentaris seguisson, ça que la, de règlas pro claras. Se siás democrat estatunidenc, vas comentar als jornals republicans. Se siás independentista catalan, vas comentar als jornals post-franquistes de Madrid. Se siás catolic conservator, vas comentar als sits gais. E se siás con, vas comentar a la premsa occitana.
 
Ieu me consideravi ja coma una bona persona per aver pas batut mas femnas, per èsser pas un pedofil e per me dochar 5 còps cada mes. Mas quora legissi los comentaris a la premsa occitana, hilhdeputa!, me confli lo pitre, mai fièr que jamai. Me sentissi un eròi, un justicièr, la reencarnacion de Mistral e Bodon a l’encòp. En comparason, veni la melhora persona del Mond.
 
Los comentaris de Jornalet™  son mon zòo particular. Avèm los islamofòbs (solide: ta filha se va maridar dins una mosqueta!); los que signan amb de pseudonims (mas que gaireben totes sabèm qual son); los autors d’articles que vòlon dire, als comentaris, tot çò que foguèron pas capables de far dins l’article; lo mond qu’escrivon pas en occitan e lo mond que pensan qu’escrivon en occitan mas, bon, òm fa çò que pòt. E aquò m’inclutz a ieu, que comencèri d’escriure en grafia mistralenca, puèi adoptèri integralament las nòrmas d’Alibèrt, assagèri de copiar Bodon, me gasconizèri, me catalanizèri, me daissèri portar per l’òbra de Cantalausa, de Laus, de Lagarda, de Taupiac, d’Ubaud, de Sauzet, legiguèri totes los articles de Sumien (e n’ai comprés lo 30%, òsca!) e qu’ara cresi que fin finala adoptarai las nòrmas de l’Acadèmia Aranesa dera lengua occitana, qu’es un libre mai pichon e mai d’acòrdi amb mas possibilitats intellectualas.

Mas de totes los comentators, mon preferit sètz vos. Vos! Sabètz qual sètz, ne soi segur. Quora los redactors de Jornalet™ son ja alassats de parlar de las fedas, las vacas, la putacanha dels noms de las regions administrativas, de l’EOE e de l’Estivada, e començan de se desviar del plan camin de l’occitanisme, arribatz vos, lo nòstre defensor! Quora assajan de nos pervertir en nos balhant una vision occitana del Mond, amb de nòvas sus las inutilas descobèrtas scientificas, l’insignificanta Catalonha, lo mespresable Bascoat, la tras que marrida cançon còrsa, brèu: quora parlan de tot aquò que pudís pas la mèrda de bèstia e lo pastís mesclats, es la vòstra votz que se lèva per los criticar, e per denonciar que lo Jornalet™ es a empachar la bastison d’Occitània.
 
Grandmercé, l’amic! Sabèm que sonque las grandas nacions an lo drech de parlar de tot. Als pichons, cal èsser folcloric e parlar pas que de se. Sens ta collaboracion benlèu la premsa occitana perdriá aquesta sentor a reclús qu’es, fin finala, çò que volèm nosautres, vertat?



Jornalet es possible gràcias al sosten economic e jornalistic dels legeires e benevòls. Se podètz sosténer en venent sòci dels Amics de Jornalet o de l’associacion ADÒC, contribuiretz a far un mèdia mai independent e de melhora qualitat.



publicitat
BANNER1 - OPLO erasmus



Comentaris

1 de novembre 12.51h

I a pa res a apondre !
A mens de dire que Godòt se sona pas Michèu, es pas lemosin, e mai diguèsse que " i a pas de mal a se far de ben " e de donar rason a Marcelon qu'escriu que quan siás con...
E per parafrasar F. Raynaud (pels mai joves, disiá : pòdi pas èsser un imbecille, soi doanièr) ; donc, ieu pòdi pas èsser con, soi Occitan !


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

31 d'octòbre 14.39h

:D
Ma “desena” nomnarà
Mon fals nom es Martelaire
Que soi de còps un tustaire
Martèl que pelejarà
Trobaire que’n trucarà
Lo cap del tròl tròp marrit
Coma Tonar m’a bastit:
L’ans nordenc amb sa aisina
De mots brandants la pagina
Se lo mond tròl es ardit


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

31 d'octòbre 11.35h

Parlar de se quò pòd menar lonh, lonh, lonh.
Lo monde son pas contents mesme los qu'an de que viure. Alaidonc fan una psicòterapia que lo mena a parlar de lor temps ente vivian coma los parents. Avian pas de parents ideaus? Avian pas dins la societat de parents de remplaçament coma l'estat, los medias, los scientifics, los intelectuels qu'an tots de la solucion. Non, eran pas ideaus non pus.
Los parents ideaus, l'educacion ideala z'ai troba dins l'amor incondicionau. Aquel amor vos ame tal... Legir la seguida


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

31 d'octòbre 10.53h

Artús-Omèr Marcelon me sembla tanben un polit nom, mas probablament pas lo vòstre. Un rei poèta classic e revolucionari de Menerbés, tot un afar !!!


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

30 d'octòbre 23.17h

Sentís un pauc a escaufit en per aicí


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

30 d'octòbre 23.17h

Sentís un pauc a escaufit en per aicí


Valora aquest comentari:   votar positiu 3   votar negatiu 0
Respondre comentari replica Comentari inadequat   Formulari d'abús de comentari

30 d'octòbre 19.11h

"e per me dochar 5 còps cada mes"
Marcelon. En la nòstra familha que sèm tanben fòrça nets: nos docham almens un còp a la setmana, e mai se calga pas.


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

30 d'octòbre 09.53h

Domatge que siá pas un article sul nom de la region ... (auriá fach un 3 de seguida supèrb) :)


Valora aquest comentari:   votar positiu 7   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Artús-Omèr Marcelon

Artús-Omèr Marcelon logo rss

Lingüista amator, vinhairon, professor de salsa e poèta tras-que-marrit. Serà lèu lèu fondador d’una nòva acadèmia de la lenga occitana plan melhora que totas las autras.

mai d'informacions

contactar l'autor

Archius




D'autres articles


Jornalet, gaseta occitana d'informacions