CAPÇALERA: ETH LO
CAPÇALERA2: ESTRENA DE L'AN

Jornalet, gaseta occitana d'informacions

Dimècres, 19 de febrièr

Bernat Bergé

Divendres, 24.1.2020 03h00

Tomata matinala


Comentaris 7 comentaris    
Dolent Fluix Bo Molt bo Fabulós (3 vòtes)
carregant En cargament





Àudios (MP3, 2' 44'')

Escolta audio


Etiquetas
bergé, en occitan sioplèt, en occitan sioplètbergé

Aquel diluns, coma cada matin, lo veirat de cafè tanlèu begut, lo Guston se’n va a l’òrt se culhir a la fresca una tomata madurada sul pè, per se la manjar, a la cròca-sal, per acompanhar lo dejunar.
 
Per anar a l’òrt li sufís de traversar la rota, un camin que serpenteja dins lo campèstre, vengut “itinerari bis” pels que se’n van trabalhar a Tolosa e que se vòlon estalbiar los embarrasses de la grand rota subrecargada.
 
A’n aquesta ora, entre lo flus de sèt oras e lo de sèt oras e mièja, li es aisit de taversar, quitament se trigòssa la camba.
 
Dins l’òrt, neteja un trocet de semenat, asaga las monjetas, se culhis la tomata e se’n torna.
 
Tròp tard! A tròp trigossat. Ara, cap a Tolosa, las veituras se seguisson, le nas al cuol, pegadas las unas a las autras. De quora en quora un trauc dins lo flus, mas una veitura un pauc a l’endarrièr arriba aviat, preissada de se júnher a la semenilha qu’es davant. A, una calama! Non pas! Dins l’autre sens una veitura rotla aviat en semblant far biscar los de l’autra fila. De còps que i a un camion o un tractor alentis la sèrp de veituras que lo seguis. Le Guston es prèst a se lançar. De badas! Un enjaurit sòrt de la fila en se manjant la benda blanca, passa davant e tira camin.
 
E sul pont le Guston espèra, la tomata a la man. Benlèu aprèp le flus de uèit oras e abans lo de nòu oras … Non pas! Uèit oras, uèit oras e mièja … Pas cap de calama! E mai, dins l’autre sens, cap al vilatge, las veituras se son espessidas, ambe sul sièti de darrièr un o dus mainatges! E òc, s’èra doblidat, lo Guston qu’es la dintrada!
 
La siá tomata, se la manjarà a nòu oras e mièja.
 

— D’ara enlà —çò ditz lo Guston— quand voldrai manjar una tomata culhida de fresc, me portarai la biaça e dejunarai dins la cabana de l’òrt.
 
 
 
 
abonar los amics de Jornalet
 
 

 



publicitat
BANER1: AOF



Comentaris

26 de genièr 14.36h

Qui se vòl manjar una bona tomata de matin? M'agradariá ben de o far en convergéncia amb Occitània tota, valent a dire las territòris colonizats per França, Espanha, Itàlia, Monegue fòra d'Andòrra. Vòli pas quichar la tomata tot solet dins mon caire coma un anti-normista qu'impausa sas causidas personalas als autres.


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

26 de genièr 07.48h

Enquèrra un maltrag per las pomas d’amor, jos lo brolhís artistic del tablèu, se vèsia ben que rajava lo poire fetent de las tomatas endemoniadas.
Las vuèituras cap e cuòl semenavan una buerna estranha e repudenta, las tomatas lemfres se n’embucavan d’esperelas.

Desempuèi plan temps degun se congostava de se minjar qualques tomatas pausadas sus una lesca de fromatge de craba asaigat de qualquas techas d’òli d’òliu amb’una ceba cuècha jol recaliu. Per aquò far, las toma... Legir la seguida


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

25 de genièr 18.19h

Me soi levat de bon matin,
Per culhir la tomata,
L’ai pas culhida,
L’ai ausida cantar,
Suls botons de Jornalet,
S’es anada quichar.


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

25 de genièr 15.21h

Lo dit del jorn:
Tomatas e sras al mes de genièr: racavomit sus ton novèl clavièr.


Valora aquest comentari:   votar positiu 6   votar negatiu 0
Respondre comentari replica Comentari inadequat   Formulari d'abús de comentari

25 de genièr 12.12h

Bonjorn Sénher,

Aqueste matin ai seguit lo conselh vòstre e ai quichada una tomata. Me sentissi ara ben mielhs e risolier.

Condrechament vòstre.


Valora aquest comentari:   votar positiu 8   votar negatiu 1
Respondre comentari replica Comentari inadequat   Formulari d'abús de comentari

25 de genièr 00.15h

Un article dels bons que tracta d'un subjèct que, fin finala, es ben apassionant dins l'encastre de l'escomessa jornalistica del site. Òsca, quichi lo boton pel vòstre trabalh, plan Sénher!


Valora aquest comentari:   votar positiu 9   votar negatiu 1
Respondre comentari replica Comentari inadequat   Formulari d'abús de comentari

24 de genièr 15.33h

"Aquel diluns, coma cada matin,...". Se cal regaudir que lo rescalfament climatique nos permete de manjar de tomatas atal per dejunar, cada matin, al mes de janvièr.


Valora aquest comentari:   votar positiu 7   votar negatiu 1
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions