CAPÇALERA: Eth Ligam occitan Youtube

Jornalet, gaseta occitana d'informacions

Dimècres, 12 d'agost

Bernat Bergé

Divendres, 22.5.2020 03h00

La topina asclada


Comentaris Un comentari    
Dolent Fluix Bo Molt bo Fabulós (3 vòtes)
carregant En cargament





Àudios La topina asclada (MP3, 2' 24'')

Escolta audio


Un còp èra en Indi un portaire d’aiga que carrejava, d’una sorga al vilatge, aiga dins doas topinas penjadas a una barra passada sus las espatlas. Lo topin de dreita arribava a cada còp plen al vilatge mentre que lo d’esquèrra, asclat, se perdiá l’aiga e i arribava a mitat vuide. Aquò durèt d’annadas e d’annadas, que lo portaire, benlèu tròp paure, cambièt pas jamai la topina asclada.
 
Mas un jorn, la topina d’esquèrra prenguèt la paraula: “Vali pas res! Escampi l’aiga que me fisas; me sentissi tota vergonhosa del tòrt que te pòrti e te prègui de me perdonar.
 

— Te demandarai, li respondèt lo portaire, al viatge que ven, de gaitar la broa esquèrra del caminòl que seguissèm a cada còp.
 
— Òc ben, mas qu’i veirai?
 
— I veiràs de flors, tota una cordelada de flors, de la sorga dincas al vilatge, de flors espandidas mercés a l’aiga qu’escampas, en plaça que se gaitas a dreita i veiràs pas que la tèrra pelada e seca”.
 
Ditz pas lo conte perqué, la topina asclada, lo portaire l’aviá penjada a esquèrra. L’auriá poscuda botar a dreita e privilegiar aital l’autra broa del caminòl, o melhor transmudar las topinas a cada viatge de tal biais de pas afavorir ni l’una ni l’autra e de las tractar a egalitat. O alavetz, se voliá a l’encòp asagar dreita e esquèrra, auriá poscut asclar l’autra topina, mas es pas aisit d’aver la meteissa ascladura sus doas topinas. Fins finala, se voliá pas causir entre dreita o esquèrra e ajudar pas ni l’una ni l’autra li demorava pas que de portar la topina asclada al centre, per exemple en se la botant sul cap, coma fan las femnas dins d’unas regions del monde.
 
Mas aital se seriá banhat l’esquina, e las flors de la broa del camin aurián pas espelit o se serián secadas.
 
 
 
abonar los amics de Jornalet
 
 

 



publicitat
BANNER1: IEO Arièja



Comentaris

24 de mai 10.48h

Mèrci per aqueth conde, Bernat, d'istoèras a tau james no'n auram pro! Qu'ei er'ama nosta, matracada uei mes que jamés.


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions