CAPCALERA: Lo Diari

Jornalet, gaseta occitana d'informacions

Diluns, 26 d'octòbre

Bernat Bergé

Divendres, 25.9.2020 03h00

Actualitat en discors


Comentaris 3 comentaris    
Dolent Fluix Bo Molt bo Fabulós (2 vòtes)
carregant En cargament


Engin Akyurt




Àudios Actualitat en discors (MP3, 2' 26'')

Escolta audio


La màger part del temps, lo biais de presentar l’actualitat dins lo bulletins d’informacion es simplòt: una enumeracion dels eveniments màgers, dins un òrdre d’importància del mai bèl al mai menut, plan segur segond lo vejaire del jornalista. Aital, sovent nos desgrunan un capelet d’eveniments sens ligam los uns ambe los autres, e quitament, de còps que i a, que se trucan o se copan.
 
Es l’impression qu’aguèri, aquel matin, quand, en dejunant, ausiguèri lo bulletin d’informacion de uèit oras. I èran enumerats en primièr la progression del covid, lo pòrt de la masqueta, las incertituds de la dintrada, lo plan de relança de l’economia. Seguissián lo rendut compte de la conferéncia de premsa de la conse de Marselha, acompanhada de la presidenta de la metropòli e del professor Raoult, e lo punt sus las universitats d’estiu e la dintrada dels partits politics. En tresen reportavan una iniciativa per contenir la marèia negra dins lo gòlf del Mexic: amassar tot lo pel que se copa a San Francisco, New-York e Chicago per n’emplenar debàsses de nilon e ne constituir una restanca que se beuriá lo petròli que s’escampa.
 
Vesiái pas gaire de ligams entre aqueles sicuts. Mas tot s’esclairèt quand, lo bulletin clavat, ausiguèri la reclama que seguiguèt: un laboratòri prepausava un producte per arrestar la casuda del pel e mai per lo tornar far créisser. E aital lo bulletin d’informacion deveniá un discors bastit, estructurat, una bastison intellectuala segura, un rasonament en tres punts clarinèl coma l’aiga de la font: se la crisi sanitària e economica vos fa pèrdre lo pel, o se lo vos desrabatz de desesper, podètz, en lo reculhissent participar al salvament de la planeta, e pas la pena de lo vos copar en quatre que lo laboratòri R... F... vos tornarà la vòstra cabeladura.
 

 
abonar los amics de Jornalet
 
 


 



publicitat
BANNER1: IEO Arièja



Comentaris

25 de setembre 15.55h

#2 Ieu del moment qu'es escrich per lo nòstre Bernat Bergé, pòdi tot legir amb delectacion en me congostar sempre


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

25 de setembre 13.38h

Me triga de conéisser las actualitats ligadas a la venta d'aqueste produch contra las disfonccions erèctilas.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

25 de setembre 10.24h

Miam, es un delici poetic e rafinat sus l'actualitat, aquel article, me'n congosti !


Valora aquest comentari:   votar positiu 5   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions