CAPCALERA: la botiga

Jornalet, gaseta occitana d'informacions

Dimenge, 16 de mai

Bernat Bergé

Divendres, 16.4.2021 03h00

L’uòu de Pascas


Comentaris Pas cap de comentari    
Dolent Fluix Bo Molt bo Fabulós (5 vòtes)
carregant En cargament


Myléne




Quand la pòrta se dobriguèt, la canha arrestèt de jaupar. Davalèri del denaut e èras aquí, dins la cosina, una saca a la man. Me botèri lèu lèu una masqueta e demorèrem, aital, a un brave mètre l’un de l’autre. Èri positiu e lo Covid nos desseparava dempuèi uèit jorns; ara, èras aquí, davant jo, mas encara tan luènh! E tirères de la saca l’uòu qu’èras anada quèrre a la chocolatariá del vilatge vesin.
 
— N’ai un autre a l’ostal, me diguères, lo manjarai aqueste ser.
 
L’uòu, lo pausères sus la taula; lo prenguèri, lo gaitèri e lo tornèri pausar. Me venguèt a las pòtas un riset que podiás pas veire e lo «mercés» que balbucejèri, escanat un pauc per la masqueta e un pauc pel sanglòt que me nosava la garganta, l’ausiguères pas.
 
T’auriái volguda préner dins los braces, te sarrar contra jo, t’alisar lo pel, l’esquina, te potonejar, te dire de las mans e del còs tot çò que los mots gausan pas exprimir.
 
Demorèrem, aquí, plantats coma de paissèls, a escambiar las darrièras novèlas de las nòstras claustracions, coma se èras una vesina en visita.
 
Un «adiu» e te’n anguères. Pausèri l’uòu sul bufet.
 
L’endeman, lo jorn de Pascas, quand me l’entemenèri, en pensant que, fa dus ans, l’auriam manjat amassa, las lagremas me venguèron als uèlhs.
Puta de Covid!
 
 
 
abonar los amics de Jornalet
 
 


 



publicitat
BANNER1: IEO 30 MARPOC



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions