Bandièra01 1180x150: Comuna de Tolosa

Opinion

Comunicacion anala

Bernat Bergé

Bernat Bergé

Conegut coma lo “Bernat contaire” es escrivan e contaire de contes e ensenhaire retirat

Mai d’informacions

Tèxte legit

Dins l’emission de ràdio “Les savanturiers” reportavan una experiéncia menada als Estats Units per un escolan de 6ena. Per saber se las patèrlas dels gats tòcan las susfàcias que s’i siètan o s’i colcan dessús, fretèt lo cuol de mai d’un gat de roge dels pòts e espepissèt totes los endreits que s’i pausavan en cèrca de traças de roge. S’avisèt aital que los gats a pelses longs n’avián daissadas d’enlòc e que los a pelses cortets pas que sus las susfàcias moflas. A la fin de l’experiéncia netegèt lo cuol des gats delicadament ambe un toalhon esterilizat.
 
Podèm èsser rassegurats: aquela partida suspècta dels gats tòca pas las susfàcias dels nòstres lòtjaments. Mas ja los gats nos mòstran de bon grat l’anús, l’esquina arcada e la coeta adreitada, quand se sarran de nosautres en quista d’alisadas o de lecariás, en nos gaitant de l’aire de nos dire: “vesètz coma es polit! Ai pas la foira, ai pas de vèrmes, las glandas me son pas enflamadas; per far cort, avètz pas res a crentar, soi en bona santat, e quitament lo podètz sentir per vos assegurar de mon identitat”. Vertat que las secrecions de las glandas analas permeton a las bèstias de se reconéisser, caduna agent una olor especifica.
 
Nosautres, los umans, nos amagam aquela partida de la nòstra anatomia, classificada vergonhosa dempuèi qu’avèm quitat l’Òrt d’Eden. E quand la mostram en nos davalant las cauças o en nos regussam los cotilhons es un signe de protèsta, d’escomesa o de provocacion. Per verificar la nòstra identitat e lo nòstre estat sanitari, an pas besonh de nos venir espepissar ni sentir lo fondament: ara avèm lo “còde QR” (QR code en francés). 
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Cédric R
6.

Aprèp los meus manhacs savètz ço qu'en pensi del caca/cagalha/mèrda...aquò fai de ben (ça que la coma se dis en Provença (perdon los copains "en Okstanie de l'est ( oui parce que les Occitans de l'ouest on commence à les connaître (aprèp mefi ai pas dich que son de nazis ni de drecha extrema ("maishanta limonada " coma se dis en patois del papet ( oui parce que le papet de la carrièra d'à côté il parle pas pareil c'est bien connu (del còp fantons cal que n'en venetz parlat a la radio al som de la gloria (es coma de costuma pas besonh de sonar, cal pujar directament los escaliers...e se i sèm pas e ben "pas de problème" podetz espera devant (façon, amendonné, le houmous et les halahels/falafels (oui Augustin on peut aussi dire harahèths) "ça se conserve pas trop" doncas nos veiretz leu leu aribat (tu tanben Antòni pòdes venir, promis on parlera "del président amb la maissa bèla (e toi aussi cousin entre deux voyages en Aran (ah non pardon c'est la Gascogne on a pas le droit d'y toucher (aprèp Arette et Lahita ils ont beau être Gascolhonats quand t'ai vist....ben moi quand le papet colissa dins la mameta al festenal dels zicos de Pirineus (spécial dedicaça Alidé e Joan de Nadau/Nadal/Nové "ben tu

  • 2
  • 0
Bodiu
5.

Aquò es coma per lo cacai, es un indicator de la santat e se las causas son plan ordenadas avèm cap mestièr de papièrs per se torcar, deu èsser linde e clar e lo cacai deu flotetja sus las aigas.

Tanben cal cambiar de costumas alimentaris !

  • 2
  • 0

Escriu un comentari sus aqueste article