Opinion
Punts suspensius
Tres punts qu’acaban un article.
L’article, m’estimi mai de lo vos far passar tal coma me sautèt a la cara e al còr, me contentant pas que de lo revirar.
Tres punts per denonciar l’asirança de “l’estrangièr”, del diferent, de l’autre, del dangierós.
Tres punts per cridar lo trepejament dels dreits de l’andicapat a l’autonomia, a se desplaçar, a viure, la plaça que li es daissada, aquí, darrièr los darrièrs de cordada, qu’i pòt pas pus arrapar la còrda tròp corteta.
Tres punts per partejar la dolor d’una familha aclapada pel dòl e l’injustícia.
Tres punts per exprimir la lassièra de butar totjorn lo meteis crit dins l’indiferéncia dels tròp sadols, sords a la misèria de l’autre.
L’article, m’estimi mai de lo vos far passar tal coma me sautèt a la cara e al còr, me contentant pas que de lo revirar.
Mòrt per una bilheta de metrò
Saïd M’Hadi, trenta sèt ans, analfabèta a l’elocucion malaisida travada per un pesuc andicap mental, moriguèt lo 22 de setembre per asfixia a l’estacion Jolieta, dins lo metrò de Marselha. Auriá refusat un contraròtle de bilhetas per d’agents de la RTM. Cinc d’entre eles “lo menèron al sòl e lo mestregèron” segond lo Procuraire. Jos los uèlhs de sièis collègas. “Cap foguèt pas plaçat en garda a vista, s’estonèt l’avocat de la familha de la victima...” (Politis n° 1674)
Tres punts per bramar la violéncia dels responsables del manten de l’ordre noirits a la civada del tot securitari, de la tolerància zerò, novèls pietadoses chivalièrs que, en plaça d’aparar, coma los dels contes d’un còp èra, lo “feble, la veusa e l’orfanèl”, lor tustan dessús.Saïd M’Hadi, trenta sèt ans, analfabèta a l’elocucion malaisida travada per un pesuc andicap mental, moriguèt lo 22 de setembre per asfixia a l’estacion Jolieta, dins lo metrò de Marselha. Auriá refusat un contraròtle de bilhetas per d’agents de la RTM. Cinc d’entre eles “lo menèron al sòl e lo mestregèron” segond lo Procuraire. Jos los uèlhs de sièis collègas. “Cap foguèt pas plaçat en garda a vista, s’estonèt l’avocat de la familha de la victima...” (Politis n° 1674)
Tres punts per denonciar l’asirança de “l’estrangièr”, del diferent, de l’autre, del dangierós.
Tres punts per cridar lo trepejament dels dreits de l’andicapat a l’autonomia, a se desplaçar, a viure, la plaça que li es daissada, aquí, darrièr los darrièrs de cordada, qu’i pòt pas pus arrapar la còrda tròp corteta.
Tres punts per partejar la dolor d’una familha aclapada pel dòl e l’injustícia.
Tres punts per exprimir la lassièra de butar totjorn lo meteis crit dins l’indiferéncia dels tròp sadols, sords a la misèria de l’autre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari