CAPCALERA: BOTIGA
CAPÇALERA2: OPLO

Jornalet, gaseta occitana d'informacions

Dimars, 27 de setembre

Bernat Bergé

Divendres, 22.7.2022 03h00

Sentors e ligams socials (1/2)


Comentaris Pas cap de comentari    
Dolent Fluix Bo Molt bo Fabulós (1 vòte)
carregant En cargament





Àudios Sentors e ligams socials (1/2) (MP3, 2' 47'')

Escolta audio


«Lo vòstre vesin vos dirà mercés!» brama la pub d’un desodorant. Vertat que las olors corporalas, an marrida premsa. En primièr, rampèlan la nòstra animalitat, al punt que son consideradas, dins la rega de Freud, coma «un trabuc» a la civilizacion. Quand lo primat se quilha, arrèsta de niflar lo sòl en cerca de l’olor de la femèla, sa sentida s’aflaquís e se desliura de la tirania de la sexualitat. Aprèp, abans los trabalhs de Pasteur cresián que las pudesinas èran portairas de las malautiás e de las contagions. Enfin, las olors, sustot las imaginàrias, foguèron totjorn e demòran encara una estigmatizacion sociala: los paures, los d’en bas de l’escala sociala, los estrangièrs, los migrants pudisson, los Josieus, los Arabes, los Negres, los Comunistas, los diferents, las minoritats... segond los moments de l’istòria, an pudit, pudisson o tornan pudir. La solucion, per se pas far faidir de la societat èra de s’amagar las sentors personalas en se fretar ambe fòrça sabons especials la codena dincas a la sang, de se negar de perfums, sens se plànher los desodorants de composicion sabenta.

 

Pr’aquò, un estudi de l’institut Weizman d’Israël, raportat pel Corrièr internacional, menat sus 20 parelhs d’amics, afortís que la sentida jòga un ròtle important, tot en demorant inconscienta, dins lo biais que los òmes nosan e desnosan ligams socials. Coma pels autres mamifèrs, pels èssers umans, las olors participan tanben a destriar amics e enemics.

 

La conclusion de l’article que rapòrta l’estudi, es que caldriá una campanha d’informacion e de sensibilizacion: «Vos privetz pas de las vòstras sentors naturalas, constituisson un ligam essencial entre vos e los autres!»

 

Mentre que la legissiái, sul marge de la tela, laboratòris lausenjavan las vertuts dels sius desodorants.

 

De seguir ...


abonar los amics de Jornalet

 

 

 



publicitat
BANNER1 - OPLO erasmus



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions