CAPÇALERA: IEA-AALO
CAPÇALERA2: Botiga

Jornalet, gaseta occitana d'informacions

Dimars, 29 de novembre

Bernat Bergé

Divendres, 9.9.2022 03h00

Reconeissença faciala


Comentaris Pas cap de comentari    
Dolent Fluix Bo Molt bo Fabulós (3 vòtes)
carregant En cargament


Mike MacKenzie




Àudios Reconeissença faciala (MP3, 2' 46'')

Escolta audio


La gojata pugèt a l’estacion d’Agen e se venguèt sietar en fàcia de jo. Levèri a pena los uèlhs sus ela, una jovenòta polideta, plan acapçada, a la cara agradiva, e tornèri cabussar dins lo libre que legissiái.
 
Qualques desenats de paginas mai tard, ausiguèri que m’apelavan:
 

— Bernat? Desencusa-me...
 
Tornèri levar los uèlhs: èra la dròlla tota sorisenta qu’aviá parlat.
 
— Èri pas segura de te reconéisser, alavetz ai pres una fòto, l’ai mandada al papà, que m’a confirmat qu’èras plan lo Bernat!
 
E aquí, pardí, la reconeguèri: èra l’Eloïsa! l’Eloïsa de l’EOE que i militam totes dus, l’Eloïsa qu’aviá vista grandir, que ven a l’EOE dempuèi que sap corre, l’Eloïsa que nos èrem vistes regularament pendent tota l’annada a d’amassadas, lo darrièr còp fasiá mens d’un mes!
 
— Desencusa-me, jo tanpauc t’aviái pas reconeguda!
 
Vertat que m’èri acostumat a una cara longaruda, als tres subrementons, als uèlhs de grapauds, encadrada d’una pamparruga aplatussada, las aurelhas coma d’embucs... plan luènh d’aquela que m’enfaciava, fresqueta, polideta, coma un boton de pimparèla. Mas sus la tela de l’ordinator, pendent las visiò-conferéncias, jos los retraches mai o mens gastats de cada participant i aviá associat lo nom de la persona!
 
E aquí dins lo tren que nos emportava, autant ela coma jo, sortits del numeric, nos èrem perduts l’imatge real, uman de l’autre, nos demorava d’el pas qu’aquela “skyparrada” de sciéncia ficcion balhada per la camerà.
 
Lo tren s’arrestèt: èrem a Tolosa. Nos levèrem,: “Al còp que ven”, nos diguèrem.
 
Lo còp que ven, me pensèri... Mas coma? En distancial? Rai, la nòstra identitat es marcada jol retrach. E en presencial? Nos caldriá benlèu penjar al còl un escudet —badge en francés— o encara melhor, al revèrs de la vèsta o sus la casqueta, un Cuèr Còde, que se posque legir a distància, per èsser segur de plan nos poder reconéisser!
 
 
 
 
abonar los amics de Jornalet
 
 

 



publicitat
BANNER1 - OPLO erasmus



Comentaris


No hi ha cap comentari




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Mai d'articles

Archius




D'autres articles


Jornalet, gaseta occitana d'informacions