CAPCALERA: la botiga

Jornalet, gaseta occitana d'informacions

Divendres, 5 de març

Bernat Bergé

Divendres, 6.11.2020 03h00

Cefalofòres


Comentaris 2 comentaris    
Dolent Fluix Bo Molt bo Fabulós (1 vòte)
carregant En cargament


Eric Gaillard / Reuters




Quand escriguèri la bilheta passada, «Jogar a ne pèrdre lo cap?», èri luènh de me dobtar qu’a Conflans-Sant Onorina un professor seriá escapitat, victima del fanatisme religiós. E las pensadas del Guston, paregudas sèt jorns aprèp la tragèdia son plan segur bufècas, l’orror comandant lo respècte, la compassion, la retenguda e non pas la remarca espirituala.
 
Aprenguèri al cors dels reportatges, entrevistas, taulas redondas, que seguiguèron l’eveniment, que la violéncia, las amenaças de mòrt èran pertot e que digús n’èra pas a l’abric; çò qu’es l’estrategia del terrorisme: menar l’aveniment de la paur, dins tota la societat. Aital los jogaires de tennis que se pèrdan un torneg son, de còps que i a, l’objècte d’amenaças de mòrt, de la part del monde qu’avián jogat sus eles, enrabiats d’aver perdut de moneda. Mas quitament se aquela deriva sarra mai lo tennis d’uèi de la practica de la palma dels Mesò-Amerindians, d’unes diràn qu’aquelas amenaças an pas res a veire ambe lo fanatisme e l’asirança entretengudas per una religion. Levat, benlèu, se consideram l’argent coma una divinitat, que los autars per la celebrar mancan pas e que lo siu culte mena a de sacrificis de mai en mai violents.
 
L’azard volguèt qu’èri a legir, al moment que lo paure Samuel Paty èra assassinat, un article suls «cefalofòres», aqueles martirs crestians que se portavan lo cap dins los braces, que aital se desplaçavan o contunhavan de parlar: l’espada o la pigassa que los escapitava, capitava pas de los far calar. La mòrt del paure Samuel foguèt pas acompanhada de cap de miracle. La siá boca demorèt muda. Mas de desenats de milierats d’autras contunhan de cridar lo siu messatge de libertat de creire o pas, de dire, de pensar, e la volontat de se plegar pas e de se calar pas davant las amenaças.
 

 
 
abonar los amics de Jornalet
 
 


 



publicitat
BANNER1: IEO Arièja



Comentaris

7 de novembre 08.09h

N’avèm tanben dins la nòstra occitània de mond atal passejadís

Santa Quitariá

Sant Mauri

n d’Agen

Sant Aventin de Larbost

Sant Sever

Sant Afrodis de Besiérs

Santa valeria

Sant Hilarian d’espalion

Sant Frajor

Sant Gaudens

Sant Mitre

Santa Procula : ambe santa Procula mesarriva lo calimàs (festejada cada 9 de julhet)

Sant principin


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

7 de novembre 08.09h

N’avèm tanben dins la nòstra occitània de mond atal passejadís

Santa Quitariá

Sant Mauri

n d’Agen

Sant Aventin de Larbost

Sant Sever

Sant Afrodis de Besiérs

Santa valeria

Sant Hilarian d’espalion

Sant Frajor

Sant Gaudens

Sant Mitre

Santa Procula : ambe santa Procula mesarriva lo calimàs (festejada cada 9 de julhet)

Sant principin


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions