CAPÇALERA: AMIC Covid19

Jornalet, gaseta occitana d'informacions

Diluns, 25 de mai

Bernat Bergé

Divendres, 13.3.2020 03h00

Las bòlas del Guston


Comentaris 3 comentaris    
Dolent Fluix Bo Molt bo Fabulós (5 vòtes)
carregant En cargament





Àudios (MP3, 2' 41'')

Escolta audio


Coma cada dissabte del vèspre, lo Guston se n’anava a caval sus una traça de bicicleta cap a la plaça Eraclès. Dins la desca penjada al guidon, una museta, e dins la museta, estropadas dins un pelhòt, un parelh de bòlas, l’imant e la bròca de mesurar. Lo Guston, bon ciutadan, qu’escota los conselhs que nos balhan, aviá cargat un gilet jaune per se far pas espotir per qualque fadòrla que se trufa dels ciclistas, e coma avián anonciat una pollucion de las particulas finas, s’èra cargat en mai d’una eissarpa que li estropava lo còl, la boca e lo nas, una masqueta filtranta.
 
Al cap de la carrièra del Bearnés, un carri de polícia èra arrestat e un punhat de policièrs equipats de cascas, bloquièrs, maçugas, granadas, lançaires de balas de defensa contrarotlavan l’intrada sul baloard.
 

— Papièrs se vos plai?
 
Lo Guston los aviá pas: per anar far a las bòlas a ras d’en çò siu...
 
— Me podètz dobrir aquela saca? li faguèron en li mostrar la museta.
 
— Alavetz anatz manifestar ambe un parelh de bòlas?
 
— Vau pas manifestar, vau far a las bòlas!
 
— Anem, nos cal pas prene per de piòts! Vestit d’un gilet jaune, la cara amagada, una masqueta per vos aparar dels gazes, bòlas dins la saca e nos volètz far creire qu’anatz pas manifestar ambe dins l’idèia de voler tot petar?
 
Lo Guston, que tot aquò embufava se daissèt anar a de paraulas que pòdi pas reportar aicí.
 
Tanben foguèt menat al comissariat, las mans ligadas, engabiat puèi jutjat en comparucion immediata. Un avocat capitèt de lo tirar d’aquela marrana.
 
E lo dissabte seguent lo Guston se jonhèt a la manifestacion dels gilets jaunes.
 
Çò que venètz de legir es una pura ficcion. Tota semblança ambe d’eveniments que se son passats o de personas qu’existisson seriá pas qu’un cas d’azard: cadun sap que dins lo nòstre país las fòrças de manten de l’òrdre fan pròva de discerniment e de retenguda dins l’exercici de la siá foncion.
 
 
 
 
 
abonar los amics de Jornalet

 


 



publicitat
BANER1: AOF



Comentaris

14 de març 09.54h

Un dicha :
Se chaupinar las bolas pòrta solàs ça dison.... vertat o pas es una dicha d'ençò de nosaus


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

13 de març 22.18h

Que val mai damb l'àudio! Demòra pas res mai qu'i anar far a las bòchas...


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

13 de març 13.34h

Ne cal pas de comentari perdequè se comenta solet


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




Etiquetas

D'autres articles


Jornalet, gaseta occitana d'informacions