CAPCALERA: la botiga

Jornalet, gaseta occitana d'informacions

Diluns, 14 de junh

Bernat Bergé

Divendres, 4.6.2021 03h00

Lo manjar dels ancessors


Comentaris 3 comentaris    
Dolent Fluix Bo Molt bo Fabulós (2 vòtes)
carregant En cargament





Àudios Lo manjar dels ancessors (MP3, 2' 43'')

Escolta audio


Pendent longtemps avèm pensat que los nòstres ancessors se noirissián mai que mai de carn crusa, en nos fisant als òsses que podiam trobar suls sites preïstorics, e en doblidant que los brigalhs vegetals se pòdon pas servar de millenaris, e que, per se noirir la culhida es mai aisida que la caça o la pesca.
 
Mas los antropològs, ara, ambe las investigacions modèrnas, son en mesura d’analisar la rausa de la placa dentària, las bacterias, l’ADN, lo brigalhons vegetals que pòt contenir. E se son avisats, aital, de l’importància dels vegetals rics en amidon, rasigas, tuberculs, granas, dins l’alimentacion del Neandertalian en particular. La siá saliva, rica de mai d’una amilasas, li permetiá de digerir perfèitament aquel amidon.
 
Segond d’autres antropològs, l’amidon foguèt lo melhor carburant per desvelopar la clòsca dels nòstres aujòls, sustot a partir de Homo Erectus, lo primièr a mestrejar lo fuòc e a far còire los aliments per melhor los digerir.
 
Plan segur es una evolucion que durèt de centenats de milierats d’annadas, e a l’escala de las nòstras vidas, nosautres, nos podèm pas avisar se la nòstra alimentacion es a nos desvelopar lo cervèl o a nos l’estequir. E de trobar l’umanitat mai intelligenta o mai bèstia demòra un jutjament personal subjectiu, a partir d’observacions azardosas e parcialas.
 
De mai, se dins de centenats de milierats d’annadas las nòstras civilizacions se son escantidas e se sèm tornats d’ominians pròches dels monins, o, a la revèrs se l’evolucion a menat la nòstra espècia a un gras superior, los antropològs d’aquela umanitat novèla, o d’autres venguts d’una autra planeta, poiràn pas explicar aquela mutacion per la nòstra alimentacion: lavadas, fretadas, desrausadas, las nòstras dents demoraràn mudas.
 

 
 
abonar los amics de Jornalet

 



publicitat
BANNER1: IEO 30 MARPOC



Comentaris

13 de junh 04.41h

#2
E perqué non ? perqué pas per hemnas , tanben ?
Digun ne sap pas perqué se hasèvan...
Lavetz benlèu hemnas tanben ! ! !


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

5 de junh 07.25h

Es reprendable de pensar que pinturas de las caus (lascaux) (Dordonha) fuguèron pintradas per femnas benlèu mai que llos òmes ?


Valora aquest comentari:   votar positiu 2   votar negatiu 0
Respondre comentari replica Comentari inadequat   Formulari d'abús de comentari

4 de junh 23.01h

"avèm pensat que los nòstes ancessors se noirissián mai que mai de carn crusa " ..
" per se noirir la culhida es mai aisida que la caça o la pesca"..
."se son avisats de l'importància dels vegetals dins l'alimentacion"

E se son avisats tanben qu'aquera "culhida" devèva èstre autan de la hemnas com deus òmes,
benlèu mei , que la quita "caça" èra sovent la caça aus limacs ( hòrt dangerosa , coma ic sabetz ! ).
Lavetz lo ròtle e la plaça de las hemnas n'è... Legir la seguida


Valora aquest comentari:   votar positiu 4   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER3: Ràdio Occitània

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions