CAPÇALERA: IEA-AALO
CAPÇALERA2: Botiga

Jornalet, gaseta occitana d'informacions

Dissabte, 23 d'octòbre

Bernat Bergé

Divendres, 17.9.2021 03h00

Los desviaments de l’empatia


Comentaris 2 comentaris    
Dolent Fluix Bo Molt bo Fabulós (3 vòtes)
carregant En cargament





Legissiái l’article d’un jornalista que s’interrogava suls dangièrs de l’empatia dels èssers umans pels robòts. Dins una experiéncia avián mesurat l’activitat cerebrala d’umans espectators d’una scèna de violéncia sus un uman, sus un robòt e sus un objècte. S’avisèron que l’uman èra sensible a la violéncia faita a l’uman coma a la faita a un robòt, mas a un mendre gras. E lo jornalista de conclure qu’èrem pas a nos pèrdre a fèt la nòstra umanitat.
 
En contunhant de me passejar sus la tela sautèri sus un autre article que parlava dels darrièrs eveniments en Afganistan. Reportavan que los Britanics, lo 28 d’agost, avián evacuat lo P. Farthing, responsable de l’associacion Nowzord, ambe 200 canhs e gats, dempuèi un refugi de Kabol, mentre que de centenats d’Afgans, candidats a la partença demoravan sus plaça. Lo Secretari d’Estat a la Defensa britanic aviá plan anonciat qu’anava pas “balhar la prioritat a las bèstias suls òmes, femnas e mainatges desesperats que tustan a la pòrta”. Mas jos la quichada dels militants de la causa de las bèstias e del capuditge del Farting se deguèt plegar, e li balhar un espaci pel siu avion e las siás bèstias. E lo Farting pugèt dins l’avion ambe canhs e gats, en abandonant lo quite personal afgan de l’associacion.
 
En legissent unas reaccions de legeires que seguissián: “ m’estimi melhor aculhir un canh o un gat puslèu qu’un Taliban desguisat..., los umans se pòdon defendre, las bèstias non..., plan bona iniciativa, per un còp que nos mainam de las bèstias... ”, me demandèri se las conclusions de l’estudi de l’empatia pels robòts devián pas èsser revisadas : se i aviá agut sus l’aeropòrt de Kabol de robòts qu’esperèsson, quines de las bèstias, dels èssers de metal e d’electronica o dels umans serián estats prioritaris ?
 
 
 
abonar los amics de Jornalet
 
 


 



publicitat
BANER2: OPLO liceu



Comentaris

17 de setembre 14.50h

Soi en balanç... es a dire que per vos: bèstias e robòts, meteissa sensibilitat?


Valora aquest comentari:   votar positiu 0   votar negatiu 0
Respondre comentari replica Comentari inadequat   Formulari d'abús de comentari

17 de setembre 09.07h

França totjorn dins una granda tarzansa pels robòts...

https://www.bpifrance.fr/nos-actualites/les-robots-au-secours-de-lindustrie-francaise

Pr'aquò n'avèm de robòts contra robòts, parli del Senat e de l'Assemblada Nacionala e amb'aquestes se cal pas atenrezir.


Valora aquest comentari:   votar positiu 1   votar negatiu 0
Respondre comentari replica Comentari inadequat   Formulari d'abús de comentari

5 -10 -20 -tots
1




Comenta

Lo comentari es estat mandat corrèctament

  Previsualiza

La direccion del Jornalet a lo drech de publicar pas aqueles comentaris que respècten pas las nòrmas basicas d'educacion, civisme e dialòg.
publicitat
BANER2: OPLO liceu

Perfil

Bernat Bergé

Bernat Bergé logo rss

Conegut coma lo “Bernat contaire” es escrivan e contaire de contes e ensenhaire retirat

mai d'informacions

contactar l'autor

Categorias

Las mai...


Mai d'articles

Archius




D'autres articles


Jornalet, gaseta occitana d'informacions